週日. 7 月 25th, 2021

唔點火暗摸摸 摸到狗屎

▼包菜店介王員外同十二隻菜店嫲話酒拳大方出拳講:七撟qiauˊ!六lagˋ連!無錢賣田tienˇ。最後灌醉扛歸屋家!

【記者廖金明/專欄報導】 在頭擺介頭擺,有一個相當有錢的王員外,講到佢giˇ介財富,實在係得人[丙]leˇ舌,可以講得係嶄zamˋ滿有錢,人性也係生sangˊ到do真古怪,對眾事方面實在係黃狗膦linˋ樣,得入唔得出的人,吝linˋ毛的程度,人人看到時,都係眼火盡著cog,甚至也有人敢挖iadˋ佢giˇ自家介眼珠來撅gied佢,非常得人惱nauˊ。但係為了佢giˇ自家本身介事情都好相反,假使去到菜店娛ngu樂時,佢介派頭實在係粗。  

有一日心血來潮ceuˇ,氣氛相當好,單人獨馬就去菜店來娛ngu樂一下。一到菜店時,頭家緊緊將手一拍,歸大群的菜店[嬤maˇ]亂緊緊到就衝zungˊ出來,來迎ngiangˇ接這個財神爺。經過頭家點名介紹細妹仔以後,王員外謔nagˋ到目漆qi漆到doˋ地veˊ,話都唔曉講,頭家緊問伊愛奈隻呢?王員外也唔講,淨淨緊頷ngamˋ頭,死咧 leˊ!這下頭家唔知愛樣地ngeˊ來款kuanˋ待伊。這個大財神爺實在也係分人大傷腦筋,菜店頭家又唔敢再三來問伊,到底愛選奈nai隻細阿姐仔較go適didˋ當dongˊ?等坐好了以後,佢就大聲一喊hemˊ講:汝店肚裡有一多隻細阿姐仔呢?頭家拗auˋ指一算,共有十二隻。王員外講:全部十二隻細阿姐仔ieˋ涯都愛!菜店頭家將手一拍pogˋ,馬上就來了十一個細阿姐jiˋ仔。王員外等了neˇ一下地veˊ又開聲講:汝講唔係me十二位嗄haˋ?樣ngiongˋ只有來到doˋ十一位呢?   

頭家緊緊對店肚裡一尋qimˇ,獨獨伸(剩)cunˊ下一個正在同人陪酒。這個係陪麼manˋ人來[林limˊ]酒呢?該ge就係王員外介獨生子。頭家看到這個情況,真係大傷腦筋,唔知愛樣地ngeˊ來做正zang好?王員外又大聲細聲的nge在該ge喊:共快喊另外一位共快來!尋無moˇ!涯就tu愛歸了ieˇ喲 io!頭家一時著急也大膽起來,就走入王員外獨生子食酒的房間,暗中同王公子講:汝介老將!現下在頭前房間,今晡日硬ngiang硬愛將本店介細阿姐仔,全部總包起來,單人獨馬一人來快樂啊ga噢voˊ!汝看愛樣ngiongˋ地ngeˊ啊iaˇ?王公子也係相當識相,知得佢介阿爸年紀數sii恁anˋ老了veˇ,也恁有這一份氣猛menˊ,也係難得,所以將酒錢同[吉補賴laiˋ]小費一付,就對後尾門偷溜走了。◆七撟qiauˊ!六lagˋ連!無錢賣田tienˇ:話又講轉來;王員外等齊了ieˇ十二位細阿姐以後,就開始來同大家娛樂。在酒席之中就來話拳:七撟qiauˊ!六lagˋ連!無錢賣田tienˇ!王員外分這十二隻菜店麻灌到末醉,最後,身上介錢一隻一隻分菜店麻剝bogˋ到極 kid光,狂狂癲癲的ne歸到屋家,該時節,酒也vaˊ醉!錢也naˊ光!還不在,連伊介衫袋,褲袋都分菜店麻摟nemˇ到翻貶bienˋ轉來,相似豬舌麻樣[丙leˇ]到恁長。王公子看到佢介阿爸介樣式,實在係非常的降hongˇ服fug。但是對伊介阿爸做人吝linˋ毛,為了伊自家介娛樂又恁爽songˋ,唔知愛樣地ngeˊ正好?     

王員外歸到屋家以後,足足睡了ieˇ兩日兩夜。伊屋家所請的長工知得員外酒醉,全部也懶斯起來,一概koiˋ都偷走出去,獨獨只有一個名安到楊樂天這個人,佢透teu暗晡揹bi等燈盞zanˋ火,行上行下來巡邏放糧食的倉庫,單人獨馬巡邏到轉點。突tudˋ然間,倉庫側角有兩三個烏影走入倉庫,楊長工膽也真係大,一手擐kuan燈盞zanˋ火,一手揹硬長棍,一步一步行兼giamˊ來詳細一看,倉庫大門也分人打開來,再行入倉庫肚裡一看,噢oˋ!有三隻揹大刀[嘛maˇ]介大賊。楊長工看到這個埸面,一時續sa著cog驚,起hiˋ腳就想愛走出去,這三隻大賊也係嶄zamˋ滿惡ogˋ,唔考慮他人家介生死就將大刀[嘛]對楊長工介後腳拂fud過去,楊長工介後腳筋,就分這個大賊剁dog斷了neˇ!行路唔得,就用爬paˇ,爬到王府頭前大聲喊救命,賊仔也落lod尾仔ieˋ走到do淨淨…。 

楊樂天分兇惡的大賊仔斬斷後腳筋,經過了一段時間的療養以後,行起路來也係相似長短腳一樣樣,一長一短,行起路來也係一跛baiˊ一跛。王員外看到楊長工介腳,不但唔來同情楊長工,顛dienˊ倒do來講楊長工係跛腳鴨,行動不便又會來敗壞王員外介面子。所以就起了ieˇ當毒的心,來將楊樂天解僱gu,喚vonˋ佢歸去屋家食自家。楊長工知得了leˇ這個結局以後,雖然再三地哀oiˊ求,再三求情來分伊繼續做下去,但是王員外也係鐵石心腸,講唔肯henˋ就係唔肯,也喚vonˋ人將楊長工介衫褲fu包袱fug包好勢se,用力一掉tiauˋ就喊楊長工好歸去了ieˇ,楊長工知得了leˇ以後,目汁淌dongˇ!目汁跌!就將包袱fug仔geˋ一擐kuan轉頭就愛歸。     

該ge時節,王員外介獨生子對府內房間走出來,雙腳落地就來跪王員外,向伊介阿爸求情講:阿爸!阿爸!阿爸!楊長工今晡日會跛腳,這唔係me為了王府來犧牲的係he嗎maˇ?現下伊跛腳,阿爸!阿爸!阿爸!汝不但唔好好地veˊ來撫fuˇ養伊!照顧伊!相反的ne愛來趕伊走,實在莫恁anˋ地neˊ來做較go好!涯等王府錢財多得是,同時楊長工係貧窮人家,佢屋家又恁多大細se,這下喚佢歸去屋家食自家,佢等一家大細愛樣地ngeˊ來過日呢?     

王員外聽了ngeˇ王公子介話以後,譴kienˋ到do蛤蟆胲goiˊ大麻maˇ條,大聲喝hodˋ王公子講:涯王員外!係地方介名望仕sii紳siinˊ,奈有了liauˋ錢來請一個跛腳長工!會傷到涯王府一大介面子汝知嗎?撫fuˇ養一事,唔使再講了ngeˇ!王公子又再堵duˊ佢介阿爸一句:阿爸!阿爸!阿爸!汝去菜店肚裡開錢都係蓋殺牙,平常都係有包菜店介風度,請阿爸莫恁絕情,楊長工為了王府來著傷!來跛腳!來破相!照理應該愛好好地veˊ來安撫佢…。   

王員外兩子爺詏au到[面都係轉青,兩人也係譴到鼻公緊出煙!眼珠緊射火星仔!]王公子奈唔何伊介阿爸!半夜都想唔到伊介阿爸,伊介阿爸樣會恁絕情!恁絕情!所以頭犁犁 laiˇ地就衝入到房間肚裡,傷心痛腸的nge來偷噭gieu!同時齧ngad牙擤sen齒ciiˋ的e發誓講:涯雖然係王府介單丁獨子,王府雖然財產蓋多,涯為了洗淨阿爸絕情不對的ie地方,絕對唔得阿爸一尖錢財產,同時愛比阿爸較go有錢,正歸來做善事,救濟貧窮人家…。恁地ngeˊ發了leˇ誓sii以後,就暗中將包袱仔一拿,偷偷地veˊ離家出走,走到遠遠的ne他鄉去謀meuˇ求發展了neˇ。     

話講;楊長工分冷面無情的王員外趕走了veˇ以後,就一跛一跛,一步一步地veˊ離開了ieˇ王府,歸到離別多年介屋家去。楊長工跛腳行了當久,行到半路又想到:世上樣會有恁絕情的ne人!涯為了王府來犧牲!來破相!麼magˋ介涯會破壞faiˋ王員外介面子,就將涯來趕出門外,唉aiˋ!唉aiˋ!唉!世上介nge人情樣會恁薄pog!伊一邊行一邊流目汁,行了ngeˇ論日將愛入莊時,突然想到佢介跛腳破相,愛樣地ngeˊ向屋家大細來作交代dai呢?所以腳步停了蓋久,唔敢入莊,就在莊外的樹下坐等,頭犁犁地仆pug在雙腳膝頭上緊想,想到頭殷inˊ殷,實在係走投無路,無意間就睡忒hedˋ了leˇ,睡到一半,就分蚊仔叼diauˊ醒,目珠皮擘bagˋ開來一看,已經係日頭落山斷鳥蓋久了veˇ。佢就想到,這下來入莊無人看到較go好。所以就一步一步,一跛一跛行歸去。最後歸到屋後背時,又驚怕細人仔來看到,傷了liauˋ細人仔介自尊zunˊ心,有一個跛腳介阿爸!恁anˋ地ngeˊ!就在屋vugˋ背等細人仔睡落覺以後,偷偷地開門入屋。      

突tudˋ然間,佢介老婆在烏暗之中開門,看到老公歸來,心肝肚裡唔知一歡喜了ieˊ!但是楊長工傷心的目汁一陣又一陣向肚子肚裡吞,久久講唔出話來。楊長工痛腸傷心的me所在,楊大嫂也感覺唔出來。相反的ne,伊覺到係伊介老公久久無見面,恩愛到do話都講唔出來。經過了veˇ一番痛苦的道嘆以後,楊長工就開嘴向伊介老婆參詳講:涯目前現下已經跛腳了geˇ,驚怕有妨害家中細人仔介自尊心,細人仔介前途較go要緊,唔當來詐za事騙細人仔講:涯去南洋賺錢了neˇ,等細人仔育(畜hiugˋ)大,討了veˇ姑娘以後,再來表明出現分細人仔知diˊ。但是涯還vanˇ係he暗中住在隔壁莊,[仆pu]到細人仔無在屋家時,涯正zang偷偷地veˊ歸來看汝…。恁anˋ地neˊ!兩公婆為了細人仔介一切,答應就照計行事。     

楊長工照計行事,也就搬到隔壁莊住,每日揹bi等大籃仔meˋ來撿壞銅壞鐵賣,同時打扮到相似討食仔leˋ一樣樣。每日介過日雖然係蓋苦,但是伊每日所賺的工錢也係蓋足,每隔十日也照以前所約定的計劃,偷偷地veˊ歸來會面,同時將所賺的錢,交分老婆來做家庭費用。     

恁堵duˋ好有一日,好死唔死,細人仔提早放學歸來一看,屋背樣ngiongˋ會有一隻大籃仔meˋ呢?對屋肚裡一看,哎ai 唷io噢o!麼介伊介阿姆同撿壞銅壞鐵介討食仔leˋ,在房間肚裡恩恩愛愛談天說地啊iaˋ!細人仔雖然係細se罔mongˋ細!伊也係相當知得大人介事,伊親眼看到伊介阿姆同撿壞銅壞鐵介討食仔恁anˋ好,也無將事情講出來分伊介阿姆meˊ知得。這個細人仔親眼看到這款kuanˋ事情以後,也就暗中發誓立下志願講:伊介阿姆恁唔守婦道,阿爸過南洋賺錢,麼介阿姆就來同契kie哥—–!涯愛有志氣,將來做判官,來對付這隻討食仔leˋ。     

時間過了veˇ真係遽giagˋ,這個細人仔neˋ也係非常有志氣,照佢介發願分佢考到判官。這個討食仔一樣的nge阿爸,為了佢介賴仔討姑娘,門風面子介問題,也唔敢現出身份來分細人仔知得,原來伊就係伊介阿爸。有一日暗晡,這個判官孻lai仔ieˋ帶等女朋友去公園散步談戀愛時,這個討食仔一樣的阿爸,就假作撿壞銅壞鐵介,跈tenˇ到公園來偷看佢未來的心舅係生sangˊ到樣ngiongˋ地ngeˊ?行兼一看,目珠一睞 laiˋ未來的心ximˊ舅,論身材(胚poiˊ),論面貌mau…等等也係相當滿意。心肚裡唔知一高興地meˊ!緊比手指公,跳上唔跳下,嘴上緊喊:好好好!歡喜到會死!恁anˋ地ngeˊ高興的me樣式,吵到正在甜蜜med愛情的情侶liˊ!伊介判官孻lai仔。這對情侶介男主角,火氣一時大著cog起來,將細妹仔一放biong,就來出手將這位撿壞銅壞鐵的人拂fud了leˇ一拳。講到這位老人家介命也係嶄滿脆coi,一拳打過去就落地,跌橫vang失神下來,半句話都講唔出來,身邊面前介人,就遽giagˋ遽將老人家扛去醫院來救命。   

當這個消息傳到楊太公屋家以後,楊大嫂一時著cog急gibˋ就失神昏funˊ倒。不久昏醒了ngeˇ以後,大聲同這個楊判官!賴仔講:汝打的ve老人家,就係汝介親阿爸!準備愛去醫院時,堵duˋ好王員外介獨生子賺了neˇ大錢對外國歸來,先下就來拜訪以前忠誠siinˇ對待王府介楊長工,在門口聽了ngeˇ楊大嫂一講,知得楊長工分佢不知diˊ情的賴仔拂fud到doˋ,現下在醫院救命。三人緊緊到醫院去,當三人一看到楊長工介面色,非常的nge好又有笑容。突tudˋ然間,楊長工的目珠擘bagˋ開來看了一眼,恁地neˊ就斷氣歸guiˊ仙過身了neˇ 再講;王公子看到這個情形,就將楊長工前前後後的事情講分楊判官聽,楊判官聽了以後,非常對唔起佢介阿爸,目汁相似崩benˊ埤塘tongˇ樣地ngeˊ流出來,痛腸噭到哀oi哀哉zoiˇ哉講:啊!偉大的阿爸!偉大的阿爸!汝樣唔早表明汝介身份呢?為了涯介前途同自尊心,雖然汝係跛baiˊ腳,涯敢有可能唔認汝?奈有可能講汝唔係涯介阿爸?阿爸!阿爸!涯還細se時節,涯看到汝同涯介阿姆meˊ暗中來往,害涯覺到涯介阿姆係同契kie哥!涯當時又忒tedˋ主觀,唔講又唔問,正會造成這個重大罪果!阿爸!阿爸!阿爸為了涯!汝來偷看涯戀愛,分涯出手拂fud到doˋ!來死…阿爸!阿爸!阿爸!哀oiˊ哀!哉zoiˇ哉!噭gieu啊va橫vang在地泥上hong,輾zan上唔輾zan下…。     

王公子看到這個可憐又悲傷的情形,緊緊趕歸王府。當王公子介腳一踏tab入王府,看到王府屋舍saˋ一奈nai,到處都係生滿了雜草又搭dabˋ四門透teu底daiˋ,一看之下, 略liog略地geˊ可以知得王府起碼有十年之久無人住hed了leˇ!王公子覺goˋ到伊介阿爸—王員外,可能係另外再起hiˋ樓屋來住hed了leˇ。緊緊!行到隔壁莊一問,正知得佢介阿爸,當佢本人暗中離開了ieˇ王員外以後,王府失了單丁獨子介王公子,日夜傷心,失去了人生介意i義ngi,田產sanˋ全部變賣到極kid淨qiang,最後王員外兩公婆食毒藥來枉死了!王公子一聽到這件事,原來係佢為了看唔慣伊介阿爸正來暗中偷走,傷了佢介阿爸阿姆介心,使得佢介阿爸阿姆食毒藥來枉vongˋ死…。   

啊aˋ!故事講到這裡,不管是真是假,相信大家都會透teuˋ一下大氣講:世人偏心固執人人都係有,自私固執莫忒過於缺情。固執偏見終就會害自家,有話愛講分明,莫來暗中藏congˇ,心事藏在肚中來暗am想,敢知麼人心肚裡想的係麼介?到時大家拂fud到do流鼻衁vong,實在傷人損財划faˇ唔來!本文故事所描寫的王公子,楊樂天同楊判官等三人,伊等介出發點都係對,但是結局演變到人人都係錯co,實在係大冤枉!﹙本故事題目:「唔點火,暗摸moˊ摸,摸到狗屎」。意思:凡事不公開或fed者唔坦tanˋ白,反過來自家暗中去推想,結果摸moˊ到狗屎!狗屎運:即是不該goiˊ衰soiˊ來衰!﹚

◆本文感想:  本文描寫人同人之間介相處愛坦白,假使有懷疑ngiˇ之處,必須利用機會來解釋疑問,千萬不可固執ziibˋ存心。假使係恁anˋ地neˊ存心唔講,終就會像本文故事中所講的後果,大家出發點都係非常正確,結果唔著到醲(濃)neuˇ膠ga膠gaˇ,後果不堪kamˊ。尤其人同人之間,若na係he有偏見存心時,見面不免生出懷faiˇ疑ngiˇ,若naˊ係he有,愛講分明來解釋,但係愛時使對方分明瞭解,實在又係千難又萬難。    

至於佛家所示[痴ciiˇ]字,就係不明[事理.物理.人理]來胡言亂語即是[痴]。其後果也係失了口德,口德一喪失,就係客家話所講:破缺。若係有破缺之犯,人命與財物難保了!所以有懷疑就來存心不語,不該言而亂語都係招禍之源。又講俗云iunˇ:刀傷人膚,言傷人心也係千真萬確,一些都無爭差。所以言語&行為愛光明正大!

◆本文客家(四縣語)註解:1.頭擺:古時候,很久以前。暗am摸moˊ摸:暗中尋答案。摸moˊ(看唔到介)→摸miaˊ(可看到的)。2.[丙 leˇ]舌:咋ced舌sad。吐舌頭,驚到的意思。[丙]字底下加一橫槓。3.黃狗膦linˋ:喻只想收入,唔肯付出。狗相闌langˇ行上前:好奇的意思。吝linˋ毛跌忒愛拿轉來湊deu。4.吝linˋ毛:吝嗇xidˋ,一毛不拔。5.撅gied:用手丟東西,由後向前且高空方式。[掉,丟,拋,豁,摒..]。6.菜店:現下的酒家。[菜店牯guˋ:喜闖ciimˋ菜店的男人>。7.目漆漆qi:迷迷眼狀。目絲seˊ絲看唔到。目垂垂seˊ壞勢se。8.拗auˋ指:屈指。兩手拗auˋ斷東西。詏au數sii→辯論。屈kiudˋ原,委屈kudˋ。9.共快:搶緊。嶄zamˋ滿有:非常有。眼(膦)火盡著:怒火兇猛。10.老將:俗話[老將]即[阿爸]的意思。大猴仔→指大哥。11.血來潮ceuˇ:突然間一時愐menˋ想到。頭前:前面。頭先:剛才。12.氣猛menˊ:力氣,雄心。衝zungˊ出來:紛亂向前衝cungˊ。13.吉補賴laiˋ:日本話,如英文[可密巡],小費的意思。14.後尾門:後門。落lod尾仔ieˋ:指像狗仔夾等尾逃走。死咧leˊ:糟糕。15.末madˋ醉:非常的醉。末等:最後一等。較go適didˋ當:較合適(華語適合)。16.還不在:還無關係。無打緊→無要緊。[唔知一]高興:當多的意思。17.長工:長期工人,長年(東勢腔)。客話[丈公]變音為[長工]父母輩所稱呼[姨丈]者,孩子輩稱呼[丈congˊ公]。18.合gagˋ意:中zung意。嶄滿脆coi:易斷。命脆coi:唔耐命。19. 懶lanˊ斯(尸):懶怠tai的樣子。透暴→[釘]企窿(土狗仔窿,不深)。20.透暗晡:歸暗晡。[透teu]有完全的意思。透暴bau:進出兩個洞。21.燈盞zanˋ火:臭油燈。番仔neˋ油,番仔火:火柴。22.轉點:河洛話[翻點],時間超過十二點將近一點。轉側zedˋ:翻身23.側zedˋ角:轉角之處。[林limˊ]酒:食酒,。[林limˊ]加口部首。24.行兼giamˊ來:走近來。 兼:近kiunˊ,kiun→指時間。25.拂fud過去:打,砍過去。拂fud來拂去:打來打去。忽fudˋ來忽去:一下地veˊ這裡,一下地又該ge裡。26.大刀嬤maˇ:專門砍粗物之刀,無湊deu柄,[新竹刀麻有湊柄–雅ngaˊ式好看]。[嬤maˇ]為[麻]加女部首。27.剁dog:砍,用大力切斷叫剁。[割,刮,砧, ….]。28.轉頭:即向後轉,翻頭。樣ngiongˋ只有:怎麼樣只有。29.目汁淌dongˇ:目汁跌。目汁:眼淚lui。眼(ngian & ngien北部)音。30.現下:現在,眼時。鼻衁vong:鼻血塊。血塊(萬巒地方罵人的話)。31.莫恁anˋ地neˊ:不要這樣。樣ngiongˋ地neˊ:怎麼樣地?32.譴kienˋ:受氣(生氣)。33.蛤haˇ蟆maˇ胲goiˊ:即頸的前部位(下巴)。34.大聲喝hodˋ:大聲的罵搭帶逼bedˋ迫bedˋ強壓的意思與表態。[喝hodˋ&惡ogˋ]。35.堵duˊ阿爸一句:堵即塞sedˋ,反抗的說。草蓬pungˇ當塞sedˋ。鼻塞塞sedˋ:感冒, 裝[不知]。36.唔使siiˋ:不用,不必。37.殺牙ngaˇ:很有魄力,殘忍。無奈nai何:管不了。38.詏au數sii:懊au惱或辯論,有人指[謷&詏]au字,有待查考。39.奈nai唔何:抵抗不住,佇du唔著diauˇ。反抗不了的意思。41.一尖jiamˊ錢:錢很少,一分錢,元的1%。42.破相xiong:面貌身體殘缺不全。43.頭殷殷inˊ:頭很痛。暈funˇ暈。44.斷tonˊ烏vuˊ:天色黑暗。目mugˋ麻。臨limˇ暗am。45.落log覺gau:睡著了。落(log ,葉lodˋ蒂di, lau仔)三音用法。46.痛腸:很悲哀的樣子。[痛腸&痛心:含恨]字義不同。47.覺gogˋ到:覺得,覺(gogˋ, godˋ,goˋ)到(地方音),[恅lauˋ,loˋ]到。48.企[吭hang]起來:站起來,[吭hang]改足部。49.緊剷canˋ王員外:一邊罵一邊用手緊指王員外。50.恁anˋ毒:很惡毒。紳siinˊ仕:仕紳。51.好死唔mˇ死:非常巧kauˋ合hab。52.阿姆meˊ:母親。53.同契kie哥:已婚婦女不守婦道與男人不正常來往之視為丈夫。[同到doˋ]:未經結婚而與人生子。54.判官:客話音似如[胖pang缸],法官,推事。[胖pang缸]:大水(米)缸。55.討食仔leˋ:乞丐goi。分(乞kiedˋ)食仔。56.門風:對方家世。57.暗晡buˊ:晚上。昨co夜:昨coˊ暗晡。暗am錯成→ang(ㄤ)音58.心siimˊ舅:媳婦。心ximˊ音眾多錯成→xinˊ音。59.比biˋ手指公:相當好。手指尾:差勁。[比beˇ比beˇ坐]。60.拂fud一拳:打一拳。拂[fud人,finˇ索仔,fid遠遠,fin水]四音動詞。61.火氣大著:著→燒起來,發fadˋ火→發譴。發bodˋ火膦linˋ。62.命嶄滿脆coi:略liog略地geˊ(稍微)一打就死。脆coi命→ 耐nai 命。63.跌橫vang:跌倒向左右掉下叫[橫],頭向下掉下來叫縱zung(種)下來。64.失神:失去知覺。昏倒樣子。南洋賺錢:即指南洋群島。65.賴lai仔:兒子。如言[小犬kienˋ]之謙虛語。孻同賴。66.昏(分)funˊ醒:昏倒後再醒過來,覺悟。67.崩benˊ埤biˊ塘一樣流出來:像埤或池塘的堤,崩了流出來。68.汝ngˇ樣ngiongˋ早唔講:你怎麼不早講。汝ngˇ又音汝nˇ。69.汝係he:你是。[係he &係me]用法。70.忒tedˋ主觀:忒即一定或太過於。71.四門透teu底daiˋ:全部門都無關起來。[穿透teu &透 teuˋ水]。72.輾zan上輾下:滾來滾去。哀oiˊ哀哉zoiˇ哉:痛苦到極點。73.單丁:獨生子。獨子→孤子。恁anˋ地ngeˊ:這樣。74.枉vongˋ死:意外死亡,不該死而死謂之枉死。往vongˊ生senˊ。75.刻kiedˋ情:缺乏同情,南部[刻kadˋ]字音。刻(kiedˋ,kadˋ)情:刻薄pog之情。同情:同樣心情。76.敢知麼manˋ人:可知是什麼人?[麼manˋ人&麼magˋ介人]不同。77.[涯ngaiˇ]介:我的。吾ngaˊ爸:涯介阿爸。佢介阿爸:其iaˊ(厥giaˊ)爸。若naˊ爸:惹ngiaˊ爸:你的爸爸,[吾ngaˊ,若naˊ,其iaˊ]。78.醲(濃)neuˇ膠ga膠gaˇ:膠河洛音,模糊不清,濃有(nungˇ,neuˇ)音,  字寫啊va恁濃neuˇ,[濃膠ga膠gaˇ→濃膠gaˇ膠gaˇ],膠(外來語音)。79.坦tanˋ白pag,明白ped:白有[白pag色&白ped露]音。坦tanˋ坦。80.七撟qiauˊ!六lagˋ連!無moˇ錢賣田tienˇ:話fa酒拳的話語。

1▲相當有錢的王員外係嶄zamˋ滿有錢,介人,但眾事吝linˋ毛,到菜店娛ngu樂時,全部細阿姐仔ieˋ涯都愛,包菜店一人獨享。

2▲包菜店介王員外同十二隻菜店嫲話酒拳大方出拳講:七撟qiauˊ!六lagˋ連!無錢賣田tienˇ。最後灌醉扛歸屋家!

3▲楊樂天來做長工,楊樂天這個人,佢透teu暗晡揹bi等燈盞zanˋ火,行上行下來巡邏放糧食的倉庫,不幸分兇惡的大賊仔斬斷後腳筋,療養以後,相似長短腳,分王員外解僱gu,喚vonˋ佢歸去屋家食自家。

4▲同老婆參詳講:涯目前現下已經跛腳了geˇ,驚怕有妨害家中細人仔介自尊心,細人仔介前途較go要緊,唔當來詐za事騙細人仔講:涯去南洋賺錢了neˇ,等細人仔育(畜hiugˋ)大,討了veˇ姑娘以後,再來表明出現分細人仔知diˊ。楊長工每日揹bi等大籃仔meˋ來撿壞銅壞鐵賣,同時打扮到相似討食仔leˋ一樣樣,每日所賺的工錢,暗中歸來會面,並交分老婆來做家庭費用。

5▲王公子介腳一踏tab入王府,看到王府屋舍saˋ一奈nai,到處都係生滿了雜草又搭dabˋ四門透teu底daiˋ,當王公子暗中離開了ieˇ王員外以後,王府失了單丁獨子介王公子,日夜傷心,失去了人生介意i義ngi,最後王員外兩公婆食毒藥來枉死了!

6▲唔點火,暗摸moˊ摸,摸到狗屎:凡事不公開或fed者唔坦tanˋ白,反過來自家暗中去推想,結果摸moˊ到狗屎!狗屎運:即是不該goiˊ衰soiˊ來衰!

發佈留言

發佈留言必須填寫的電子郵件地址不會公開。 必填欄位標示為 *