2024-12-26

[回顧複習報導-77篇]◆643凡間人事若係複雜多,歪想橫行煩惱隨時到(戲劇篇)　(課文一字一語對照錄音)

2024-12-26
[回顧複習報導-77篇]◆643凡間人事若係複雜多,歪想橫行煩惱隨時到(戲劇篇)　(課文一字一語對照錄音)
【記者廖金明／專欄報導】
◇人生介十字路(彭鈺雯唱 02：53分)(客語)→https://drive.google.com/file/d/11-ZitA0LrNUiUd_QkFt9dP4WuI5kAsjN/view?usp=sharing
※客政單位推展[客家語&文]愛有[中前左右後]介組織結構以及行銷{P,Ｄ,C,Ａ］介觀念兼顧[語：聲 韻 調&字：音 義 形]介培養。(提供參考)
※看讀研究本文要領：(1)先聽本文對照錄音→(2)看本文注解→(3)讀本篇課文。
===
[本文][回顧複習報導-77篇]◆643凡間人事若係複雜多,歪想橫行煩惱隨時到(2007/9)   (本文一字一語對照錄音)(38：15分)→https://drive.google.com/file/d/1Vpupc8TBkDqmAUf4RaCE5zR3aXA3kt7D/view?usp=sharing
◇編劇：(本文客家四縣白話語文班教材之一)(2007/9) 
◇劇中人：阿里伯,阿里嫂,村長伯,劉主任,阿二哥,有生哥,有生嫂,阿榮伯,阿榮嫂,女領班,小紅,小梅,阿嬌。 
◆第一幕mogˋ： 
◇音樂：
◇旁白：有人認為人來到世間係[學習,受苦,磨練,鹹hamˇ酸苦辣,喜,怒,哀oiˊ,樂,生,老,病,死]。係he人類必經之路,為到doˋ生活,日夜煞sadˋ猛mangˊ打拼,共樣介世間,共樣介時光,但係每一個人在世間介角色就無共樣,這下來先看阿里伯介例仔ieˋ,阿里伯兩公婆住在新竹介鄉村,每日早睡早[坑hong],今朝zeuˊ晨阿里伯先[坑hong]床,吵醒阿里伯姆meˊ；
阿里嫂：老介天吂mangˇ光！[坑hong]起來做麼magˋ介？
阿里伯：老姐jiaˋ！𠊎ngaiˇ昨coˊ暗晡發bodˋ夢,著cog到特獎,汝知嗎！
阿里嫂：老介ve！看你是siiˇ想錢想到發bodˋ狂了ngeˇ！
阿里伯：對！𠊎想到了veˇ！
阿里嫂：想到麼介？
阿里伯：村長搭dabˋ信講今朝zeuˊ晨,愛準時去佢giˇ屋家,召seu集上家下屋打合hab政府徵ziinˊ收土地介ie事。
阿里嫂：講了ngeˇ恁anˋ多擺了ieˇ,敢徵收得veˋ成sangˇ。
阿里伯：奈nai會知di！最好補賞金講得ngeˋ好,雙方同意就好解決了leˇ。
阿里嫂：噢oˋ！嘎ga𠊎早啊vaˋ煮飯菜分你食。 
阿里伯：老姐jiaˋ！拜託唔好moˋ放蕃薯,𠊎食畏vi了ieˇ。
阿里嫂：好！食飯[綁bongˋ]雞卵好嗎？
阿里伯：奈nai有錢買雞卵啊naˇ！
阿里嫂：昨晡buˊ臨暗仔meˋ,𠊎在雞棲ji撿ngiamˊ到一粒雞卵。
阿里伯：嘎ga就tu煎菜圃puˋ卵較go有額ngiagˋ！
阿里嫂：好啊vaˇ！
——-
◆第二幕mogˋ： 
◇音樂：
◇旁白：農村生活的le人,除了veˇ過年過節有魚肉以外,三餐的ne菜色都係he自家種的nge青菜,食朝zeuˊ以後阿里伯準時到村長屋家,村長客廳坐滿了neˇ左鄰右舍的ve鄉親,官方也派代表來參加,村長先介紹；
村長伯：各位鄉親大家好！承siinˇ蒙大家恁anˋ踴iungˋ躍iogˋ來參加座談會,這下先請上級指導劉主任來宣布事情。
劉主任：各位鄉親恁anˋ早！有關開闢高速公路,影響到各位土地財產介ne問題,經過了veˇ恁多擺的ie協調,承蒙大家有共識,本人代表政府做最後的ve決定,各位唔mˇ知還有麼介想愛了解的ie事無moˇ。
村長伯：各位叔公阿伯！有關補賞金介me事情,請盡量問,阿義哥請你先發言。
阿二哥：請問劉主任！補賞金奈久有好領。
劉主任：今晡日恩兜deuˊ協調無問題,天光日就可以領。
眾村民：(當高興！)天光日就有好領liangˊ噢ngoˋ？
劉主任：係he啊iaˇ！
有生哥：愛樣(仰)ngiongˋ般領法？
劉主任：金額ngiagˋ少介,在壹百萬銀以下的ve,本人帶身分證印仔neˋ到縣政府尋qimˇ𠊎領就可以。
阿榮伯：金額大的ie,又愛的ie樣(仰)ngiongˋ般領？
劉主任：上千萬的ne,為了liauˋ安全,分期撥badˋ在土地所有權人介ne銀行戶頭。
眾村民：(頷ngamˋ頭)恁anˋ地neˊ好噢voˊ！
村長伯：恁anˋ地neˊ就對了ieˇ哪！撥badˋ在銀行戶頭,愛用才nang去銀行領,(看一下)阿里伯你有麼介意見係he嗎？
阿里伯：無意見！
阿二哥：阿里伯你土地最多,你這下是siiˇ變好額ngiagˋ人了neˊ！
阿里伯：阿義！你介nge土地也毋mˇ會少啊vaˇ！
阿友哥：阿榮伯！𠊎看你又係me係he千萬富翁了ngeˇ！
劉主任：實際上在坐coˊ的ve鄉親,你兜deuˊ全部都係千萬以上的ne富豪hoˇ。
村長伯：講起來！恩enˊ兜就係[田canˊ僑giauˊ仔vaˋ](河洛語)。
阿里伯：辛苦一生senˊ人,總算出頭了veˇ,感謝天感謝地！
劉主任：恭喜大家！𠊎轉來整理你兜介ve資料,天光日你兜愛用錢就可以來領了ngeˇ,𠊎先離開。
眾村民：承蒙mungˇ劉主任！
劉主任：晤mˇ使siiˋ客氣！有閒正來聊liau！
——- 
◆第三幕mogˋ： 
◇音樂：
◇旁白：眾人送走了veˇ劉主任以後,每一位村民知得自家介土地可補償一筆相當可觀的金額,大家都係高興到do嘴合揫qiuˊ,阿里伯建議在坐的鄉親講；
 阿里伯：今日恩enˊ兜總算出頭天了neˇ,好在村長幫忙完成這件事情,當晝zu𠊎請村長,還有請大家來去麵店吃大麵。
阿二哥：唉aiˊ喲ioˊ！麼介麵店食大麵啊naˋ！恁小seuˋ氣！
有生哥：至少來去都市,有飯好食,又有卡拉OK好唱歌仔介,恁anˋ地neˊ慶祝一下！ 毋mˇ才nang對。
阿榮伯：今晡日阿里伯請,天光日換𠊎來請。
阿二哥：後日𠊎請,大家輪流請。
眾村民：(拍手！)好噢voˊ！好噢！
村長伯：𠊎打電話喊ham兩台計程車,馬上來載恩來去都市。
眾村民：好！好！
——- 
◆第四幕mogˋ：
◇音樂：
◇旁白：座談會結束sugˋ,兩台計程車載等nenˋ村長以及鄰舍大家來都市,經過計程車司機介ie推薦jien,就來到一間新開業的be卡拉OK餐廳,一群打扮ban到非常靚jiangˊ的nge服務小姐來迎ngiangˇ接,其中一位女領班,行前來同村長打招呼。
女領班：(親切聲)村長伯！恁久無看到,今晡日看到你春風滿面。
村長伯：𠊎唔曾qienˇ上sonˊ六十歲！同𠊎喊村長伯！毋知的ie人會恅lauˋ到doˋ𠊎有幾老。
女領班：噢oˋ！失言！𠊎同你會fi失禮。
村長伯：你愛同𠊎會fi失禮。
女領班：(改口)村長哥！為了會失禮,本店又係he新開張,特別安排一間包廂xiongˊ,(小姐也行前來帶路)。
村長口白：好好！嘎ga好！
——- 
◆第五幕mogˋ： 
◇音樂：
◇旁白：服務小姐一人服務帶一位人客,帶到有10坪大的包廂,餐桌,膨凳,卡拉OK,大型電視,相當有派頭,村長這群人係山寮戇ngong第一次入都市,第一次試cii到恁anˋ高級的be餐廳,由於今晡日唔係me假日,人客也唔多,女領班不但人際關係好,也將每一位服務小姐如何應付人客介ge手婉,訓練到相當工夫,分人客有[賓至如iˇ歸]介ie氣氛,在家中係無法享受到的ve,來這裡才能夠享受到,飯桌上hong村長一一介紹這群男士,服務小姐知得這群男士的e來歷,更加小心親切,飯後每一個帶有些xidˋ把地veˊ酒意,在些xidˋ把光的nge燈光下,點歌唱[餘興fim節目]開始,服務阿榮的小姐小紅,溫柔的同阿榮講：
小紅：榮董事長…這幾儕saˇ人當中,你最後生！你先唱！
阿榮：妳喊𠊎董事長噢ngoˋ？講𠊎最後生sangˊ？
小紅：(嬌gieuˊ斯又使saiˊ妮naiˊ聲) 係啊iaˇ！
阿榮：(褲fu袋拿出500元賞小紅fungˇ)妳介nge嘴實在甜。
小紅：(在阿榮面上唚jimˊ了一下) 承蒙  阿榮董事長！
小梅：(負責服務阿義,唔認輸也使出更至使saiˊ妮naiˊ)阿義董事長！您先來唱！
阿義：小梅！妳喊𠊎先唱噢ngoˋ！
小梅：唔ngˋ！係he啊iaˇ！
阿義：好！𠊎唱(今天不回家)今天不回家(姚蘇蓉唱 03：50分)。
小梅：（嬌結giedˋ聲）唔ngˊ！𠊎陪你唱！唔mˇ使驚giangˊ！
阿義：好！(對褲袋拿出青色介le千銀金票賞小梅) 
小梅：（靠耳公細聲用國語講) 我好愛你！
阿義：有影無moˇ？
小梅：騙你介啦！來！開始1.2.3開始唱！
阿嬌：(同阿里伯撚ngianˋ背囊longˇ) 阿里董事長！你介歌聲恁亮,唔會輸分bunˊ後生仔呢ne？
村長伯：(坐兼身邊暗示分bunˊ小費) 阿里伯有聽到無？阿嬌講你唔會輸後生仔ngeˋ啊iaˋ！
阿里伯：噢oˋ！小姐jiˋ實在會講話！(對袋仔拿出一千銀賞阿嬌)。
阿嬌：承蒙  阿里董事長(繼續按摩),恁仰ngiongˋ會忒tedˋ大力嗎？
阿里伯：(當滿意聲) 唔會！唔會！堵duˋ堵duˋ好！
——-
◇第六幕mogˋ： 
◇音樂：
◇旁白：村長以及阿里伯等一群人,土地得到補助,在卡拉OK享受歸下晝zu,錢實在好用,有錢時就係董事長,難怪笑貧不笑娼congˊ,每一個還沉醉zui在溫柔iuˇ鄉,不知不覺外lo背天色己經暗了meˇ,依依不捨各自回家,阿榮嫂煮好飯菜,會到七點時節,阿榮伯才醉茫茫mongˇ入家門,阿榮嫂唔客氣的講；
阿榮嫂：老介！你走去奈nai啊iaˇ？這下才轉！
阿榮伯：老姐jiaˋ！莫恁大聲恁譴kienˋ啊naˇ！
阿榮嫂：(鼻到酒味mi)唔ngˋ！你食酒係he嗎？
阿榮伯：你樣(仰)ngiongˋ知𠊎食酒啊vaˇ？
阿榮嫂：(當兇的表情) 食到do臭龐pangˊ龐！
阿榮伯：𠊎食無幾多,莫恁惡ogˋ哪！
阿榮嫂：(更至大聲) 你還講𠊎惡。
阿榮伯：等下分bunˊ隔壁鄰舍聽到,講𠊎等nenˊ又冤ianˊ家是siiˇ唔好！
阿榮嫂：好！𠊎莫大聲,(細聲講)來食飯。
阿榮伯：𠊎雞麻皮緊起噢ioˊ。
阿榮嫂：頭滿manˊ你講麼介啊iaˇ！
阿榮伯：𠊎講唔會肚肌giˊ啦laˋ！
—— 
◇第七幕mogˋ： 
◇音樂：
◇旁白：阿榮伯食飽夜,身腳洗好以後,在眠床上睡目時,愐menˋ到今晡日在卡拉OK的情景,食了leˇ將近70歲了ieˇ,第一次嘗songˇ到太老爺介滋味,只要衫袋有錢,小紅一定還係會對𠊎溫柔iuˇ體貼,小seuˋ紅唔知會笑𠊎[老不修]嗎？心肚裡感覺到真生趣qi。第二日,依照之前介約定,今晡日輪到阿榮伯請,約好原班人馬老地方卡拉OK餐廳再來慶祝,服務小姐原班係昨coˊ晡日的人馬,經過昨晡日的相識,今晡日更加熟識sii。
◇音樂：
◇旁白：經過一年以後,各人無閒各人的生活,村長想愛繼續競選連任,有一日來到有生哥屋家拜訪,有生嫂堵duˋ好開門,向村長打招呼；
有生嫂：村長伯！麼介風啊ngaˇ？吹到吾ngaˊ屋家來！
村長伯：𠊎愛尋qimˇ有生哥談一些xidˋ事情。
有生嫂：係he哪naˊ！有麼介事情來𠊎屋家談就對了ieˇ,拜託下二(遇)ngi擺,唔好再過帶去卡拉OK餐廳。
村長伯：好！好！𠊎知diˊ！𠊎知！有生哥唔知有在屋家嗎？
有生嫂：在廳tangˊ下,做你落去！𠊎愛來去市場買菜。
村長伯：好！(往客廳喊hemˊ)有生哥！
有生哥：(看了neˇ一下)村長！落log來坐。
村長伯：有生哥！你樣(仰)ngiongˋ無出去,最近係樣(仰)般？
有生哥：在屋家較go多！
村長伯：在屋家！恁anˋ久有去唱卡拉OK無moˇ？
有生哥：(先問村長)愛食茶也係咖kaˊ啡fiˊ。
村長伯：食茶食慣guan了neˇ！
有生哥：講到卡拉OK！毋好講了liauˋ了liauˋ了veˇ！
村長伯：樣(仰)般講呢？
有生哥：𠊎同服務小姐jiˋ介事,分𠊎介姐jiaˋ仔知了ieˇ！鬧到𠊎兩公婆歸隻月仔leˋ無講話。
村長伯：你也ngaˊ係he！偷食毋曉捽cud嘴！
有生哥：𠊎知！偷會愛曉得捽cut嘴,唔過𠊎睡目mugˋ時續sa發bodˋ夢,樣ngiongˋ會知會喊出小梅介名仔ngeˋ。
村長伯：怪唔得！怪唔得！惹ngiaˊ姐jiaˋ仔頭下在門口heuˋ看到𠊎時,會講有事情愛來屋家談！
有生哥：所以𠊎最近kiun難得出去。
村長伯：嘎ga！你在屋家毋mˇ會當無聊liauˇ嗄haˋ？
有生哥：看電視搞兜deuˊ股票。
村長伯：有賺嗎？
有生哥：多多少少啦！你今晡日仰ngiongˋ恁閒？
村長伯：𠊎想繼續連任選村長,請你同𠊎幫忙好嗎？
有生哥：𠊎等都duˊ像兄弟樣,𠊎屋家的鐵票全會分bunˊ你無問題！
村長伯：恁仔細！嘎ga,𠊎就先承蒙你了ngeˇ！
有生哥：唔使細義ngi！
村長伯：嘎ga,𠊎愛來去阿里伯屋家行行hangˇ啊ngaˋ！
有生哥：若naˊ恁anˋ地neˊ,𠊎就毋留你聊liau了veˇ！
村長伯：好！𠊎來去！
——- 
◇第八幕mogˋ： 
◇音樂：
◇旁白pag：村長離開有生哥家,去阿里伯介家路上時,堵duˋ好遇到阿里伯,半年不見,今晡日的阿里伯同以前完全不一樣,頭毛型款kuanˋ,服裝等等也係流行的派頭,村長見了面,唔敢相信企kiˊ在眼前的就係阿里伯,村長喊講；
村長伯：阿里伯係he嗎maˇ？
阿里伯：(看了neˇ一下)村長,恁堵duˋ好在這堵duˇ到doˋ。
村長伯：係啊iaˇ！恁久無聯絡,阿里伯！你變恁後生了ngeˇ呢ne！
阿里伯：敢有影？
村長伯：斷dan真有影。
阿里伯：𠊎尋qimˇ你尋到會死！你到底daiˋ去奈nai啊iaˊ！
村長伯：𠊎去大陸投資！看到唔mˇ像qiong樣遽giagˋ遽轉來！
阿里伯：怪唔得,尋人毋mˇ到！
村長伯：先講你尋𠊎有麼介事啊aˇ？
阿里伯：𠊎愛拜託你！
村長伯：拜託麼介呢？
阿里伯：拜託你同𠊎做媒人！
村長伯：𠊎奈nai有同人做過媒moiˇ人啊naˇ？
阿里伯：舊年仔neˋ！你帶𠊎兜去卡拉OK餐廳,慶祝介事！
村長伯：(牽阿里伯)來來來！來樹下講,係he毋係me你介姐jiaˋ仔知了ieˇ。
阿里伯：𠊎介姐jiaˋ仔無福氣,半年前得病過身了neˇ！
村長伯：你係he講阿里伯母過身了neˇ！
阿里伯：係he啊iaˇ！
村長伯：嘎ga你這下,就真孤單了neˇ。
阿里伯：好在你介紹𠊎認識小梅,伊也無棄hi嫌hiamˇ𠊎老！
村長伯：你同小梅還有交往噢ngoˋ！
阿里伯：有啊vaˇ！
村長伯：原來就係有後生女朋友介影響,將你打扮變到恁時行hangˇ又後生！
阿里伯：大家人又係me恁地neˊ講！
村長伯：還係你有眼光！
阿里伯：可能係he緣份！
村長伯：嘎ga幾時結婚呢？
阿里伯：依照風俗xiug元配pi死後,愛三年才可以再結婚。
村長伯：嘎ga結婚時,毋好毋記得𠊎噢io！
阿里伯：不但毋會毋記得,阿梅講媒人係你。
村長伯：可見阿梅真知上下,順便𠊎愛同你談一件事。
阿里伯：麼介事呢？  
村長伯：𠊎想繼續連任競選村長。
阿里伯：這小事情,𠊎會同你[捲ten]手[邦bangˊ]票。
村長伯：嘎ga就先承蒙你！
阿里伯：該ge就做你無閑。
村長伯：有閒記得帶阿梅來𠊎介事務所坐聊！
阿里伯：好！再見！
◇旁白：村長了解一下村民狀況,真係人生命運有不同,ㄧ年前同一年後,變化無常,人分錢搞到團團轉,這幾儕saˇ農民一夜之問致富以後,阿義將土地補助款,同村長以及朋友合股去大陸投資鞋廠,投資論千萬銀,血本無歸,村長看到唔像事,趕緊轉來繼續選村長,阿榮伯將錢買房地產,過戶分子女以後,每一個都唔願意照顧老人家,害到do阿榮伯兩老夫妻,歸去老屋家耕種生活過日,有生嫂係一個大醋cii桶,有生介財源,完全分有生嫂控制,兩公婆時常冤家勞碌lugˋ過日,這可能就係世間人介情事吧！
=== 劇 終 ===
(本文客家四縣白話語文班教材之一)(2007/9)
三.本文客語文(四縣腔)注解：
1.天吂mangˇ光：天未亮,[唔曾qienˇ。
2.[坑hong]床：起床,[坑hong]改足部首。
3.食畏vi了ieˇ：吃怕了,食驚了ngeˇ。
4.臨暗am仔meˋ：傍晚。煞sadˋ猛mangˊ：努力。
5.雞棲ji：雞寮。客語[雞棲ji,牛欄,豬欄,鴨寮]。
6.煎菜圃puˊ卵：煎蘿蔔ped絲xiˊ卵。較go有額ngiagˋ：比較有份量。
7.奈nai久：何時。[邦bangˊ]票：拉票,[邦bangˊ]加提手部。
8.田canˊ僑giauˊ仔veˋ：河洛語音介外來語,意指以土地多介富豪hoˇ。
9.你兜deuˊ介：你等nenˊ介(南部語)。嘎ga：那麼。
10.恅lauˋ到：以為,覺goˋ到。頷ngamˋ頭：點頭。
11.有影iangˋ無moˇ：真的嗎？無moˇ→冇moˇ。
12.恁anˋ仰會：這樣會。肚飢giˊ：肚飫ieuˊ。[飢giˊ,飫ieuˊ,餓ngo]字義不同。
13.下二(遇)擺：下一次。(二ngi)&(兩liongˋ)。廳tangˊ下：正身中間屋,供奉祖先。
14.落去(北音)：進去。入落去,下落去,下去。會fi失禮：賠不是。
15.偷食毋曉捽cud嘴：偷吃東西不曉得擦嘴漱口,喻做事留尾巴。捽cud→擦cadˋ。
16.莫細se義：別客氣。唔細se義：不小心。朝zeuˊ晨：早晨。
17.恁堵duˋ好：這麼巧。堵duˋ堵好：剛剛好。堵duˇ到doˋ：遇到。
18.遽giagˋ遽轉zonˋ：快快回來。轉zonˋ→歸guiˊ(南部用語)。
19.<捲ten>手：幫忙,[捲ten]→[己]字改[巾]。續sa：反而,相反。
20.好額ngiagˋ人：有錢人,有口heuˋ人。煩fanˇ勞：操煩勞心。
21.恁anˋ地neˊ：這樣地＋[形容詞,動詞]。恁anˋ的ne＋[名詞]。
22.舊年仔neˋ：去年。前年仔neˋ：兩年前。姐jiaˋ仔：太太。
23.又係me係he：那也是。係me(否定,問句,轉折句)。
24.布幕(mogˋ),募mogˋ款,慕mu愛,墓(mung)(mu)地,朝zeuˊ朝暮mu暮。
—–

◆阿廖伯聯音(union)客四縣白話語文聲母錄音(04：07分)→聲韻調 https://drive.google.com/file/d/1DMBLYwIAiMBpsrk3iKBgEh4lfselmPQP/view?usp=sharing (2022/10/15)
[e]韻母係用實體字(個,的,介,地,了,得,仔]才有[文義],[a]韻母用虛字(啊,也,抑)&[o]韻母用虛字(噢)→[語意]
—–聯音字語,聲母[V,L,I,M,N,NG,G,B]&韻母[a,e,o]組合成各有九音,係客家白話美妙的語言–—–
1聯音字語：聲母[V,L,I,M,N,NG,G,B]&聯音韻母[a,e,o]組合成各有九音。
2聯音字語聲母[V,L,I,M,N,NG,G,B]同係聯音字語前 ‘—隻韻母尾音轉变過來,但(L,M,N,NG,G,B)韻母&聲母∵發音不同,華語音無音,如英文(on&no)介發音不同。
3但聯音字語前 ‘—隻韻母尾音係(u,a,au,o]聯音字語聲母[V]。聯音字語前 ‘—隻韻母尾音係(ai,i,e],聯音字語聲母[i],客家白話美妙的語言。
4詳如：289◆阿廖伯在[六堆忠義祠]舉辦客語(四縣腔)[聯音(union)&用字]説明&錄製[聯音教學youtube 影集]
◇台灣客家電子報本文→  https://yuyuhakka.shop2000.com.tw/news/351318  
===
(欺騙撮)▲梟hieuˊ雄：專精上面欺等8項者。[(英雄&梟hieuˊ雄)]介區別。[梟hieuˊ雄≒霸凌]。
◆附圖：(▲梟hieuˊ雄)◆梟雄(霸凌)文字&音義簡釋錄音(10：24分)→https://drive.google.com/file/d/1IpLT5Lp2B9kU5I6tYIbR1Wf960_voij3/view?usp=sharing [當前社會&政治上當多(欺詐集團)善用這(梟hieuˊ雄)介手段，愛小心！]