2024-03-29

客家白話語文群組作品(二):作者宋安樂

作者:宋安樂

【記者廖金明/專欄報導】 客家白話語文群組 本文作者:宋安樂(非客籍,成大交管系61級畢,總經理退休) 涯讀台中一中,升到高中三年介ne時節,有一段時間在台中市双十路稅屋仔geˋ紮zabˋ。同涯共下紮zabˋ的be,係一位高二姓袁介ne學弟,這位學弟係彰化縣田尾鄉人,佢係第六名高分 (成績)考入台中一中。在宿舍內,輒jiab常聽到佢giˇ背古文,背poi的ie時節佢非常專心,頭頷ngamˋ尾頷,就像古時代人講古樣iong地ngeˊ。
涯畢業後的ve第二年,在報紙介e大學放榜名單內,看到佢介名仔ngeˋ,正zang知得佢考上台灣大學法律系,還係系ne狀元,確實無簡單噢noˊ!
佢大學畢業以後,參加司法官考試及kib格,就順利做法官了neˇ。有一擺baiˋ涯看李敖nau先生寫的ve書,書肚裡李敖有提到這位袁學弟,對佢非常誇獎,講佢係一位當正直ciid的le法官。還有一擺,涯在某雜誌看到記者對佢介報導,講佢為了ieˇ避免訴訟當事人介攪吵,分屋家(下)人恬diamˊ靜的ne過日仔,所以佢住hed的le所在摎lauˊ住址,絕對毋愛moiˊ分人知。記者還報導講,佢本身無用手機莫mog講,就連屋家(下)kaˊ裡肚,一般使用的nge電話都無裝。涯ngaiˇ這位袁學弟做得講係生活在現代的ie老古蕫,也做得講係一個難尋qimˇ得meˋ到的ve人才啊iaˇ!
在這下手機恁anˋ普遍,低頭族一奈nai都看得neˋ到的ve時代,涯突tudˋ然間愐menˋ到這位四十零年前認識的le老朋友,就隨手寫下來,貼到這位來分bunˊ大家知diˊ與分享這位老古蕫。
———
◇本文(四縣腔)注解:
1.說sodˋ得dedˋ:值得誇獎。仝tungˇ賀:一同恭賀。
2.汶vunˇ水:混濁水。手機仔ieˋ:手機。
3.稅soi屋仔geˋ:租房子。共kiung下:一同。
4.紮zabˋ:中長期住,(聊liau,歇hiadˋ,紮zabˋ,住hed字義不同)。輒jiab常:時常。
5.頭頷ngamˋ尾頷:頭點腳點。樣iong地ngeˊ:樣子。
6.正zang知:才知。一擺baiˋ:一次。
7.肚duˋ裡:裡面。惦(恬)diamˊ靜:清靜。
8.摎lauˊ:同。毋愛moiˊ:不要。
9.莫mog講:不用講。屋家(下)kaˊ:家裡。
10.做得:可以。尋qimˇ得meˋ到:找得到。
11.看得neˋ到:看得到。愐menˋ到:想到。
————


四.《記涯在台中縣后里國小个這一班》
客家白話語文群組 本文作者:宋安樂(非客籍,成大交管系61級畢,總經理退休) 
民國47年涯正zang愛讀小學三年生介ne時節,吾ngaˊ爸因為係軍人介ne關係,分公家分funˊ配到台中縣后heu里鄉(這下安到doˊ台中市后里區) 一個le眷村介ne一間屋仔。涯就從北部都市介e板橋國小轉學到莊下介ve后里國小讀書。該ge當時的e莊下生活較go苦,毋過蓋純樸。涯還記得班上hong同學伴panˊ都係打赤cagˋ腳來學校,著zogˋ的ge制服乜me攣lionˇ攣補補。該時節,像涯這款都市細se人仔neˋ在班上介nge樣仔ngeˋ,就感到同大家有兜deuˊ地veˊ無共kiung樣。再加上自家又有一息(些)xidˋ地leˊ小聰明,月考介ve成績逐dagˋ擺都係在頭三名,同學摎先生續sa對涯特別的le眼光來看待tai起來。
到五年生時節,因為莊下窮苦的關係,班上愛升學的同學續sa無超過十儕saˇ。吾ngaˊ姆meˊ愁seuˇ慮莊下的學校程度毋好moˋ,考唔到好初中 (該ge央時還無國中,讀初中必須參加聯考正做得讀較好的初中),到涯讀六年生時節,吾ngaˊ姆就將涯轉學到隔gabˋ壁市內的豐原國小去讀了geˇ。
后里國小這班,雖然涯正讀了geˇ三年時間,毋過摎班上同學伴介ne感情當好,這兜也毋會因為涯六年生時節瀉xia走,來對涯有無共樣的nge看法,顛dienˊ倒do逐dagˋ擺同學會時節,同學伴會在吾餔buˊ娘面前擎kiaˇ起手指公,誇獎涯頭擺baiˋ當會讀書成績當好,講涯恁慶kiang又當優秀,害涯感覺到盡壞faiˋ勢se,毋過涯想,吾ngaˊ餔buˊ娘聽到這兜誇獎,有可能感覺到當有面子也無一定?
涯這班后里國小同學伴,各儕saˇ人畢業後,食頭路等等介ne發展,摎lauˊ涯初中、高中摎大學等各階段的ne同學伴介成就,講起來雖然有較爭zenˊ差,毋過逐dagˋ擺相見面時節,大家細se人仔neˋ時節介le該ge款純真摎熱誠完全無變,還比涯其他各時期介同學伴行到還較兼giamˊ,又得人惜。故所,逐dagˋ擺堵duˇ到后里國小同學介時節,涯就會想到盡輒jiab聽到該句華語老古人言~『仗義每多屠狗輩,負心最俘係讀書人』唉aiˋ!涯想,人生就係恁an樣ngiongˋ哪naˊ!著cog無?
———-
◇本文(四縣腔)注解:
1.正zang愛:才要。吾ngaˊ爸:我的爸爸。
2.安到doˊ:名叫。莊下:鄉下。
3.該ge:那。打赤cagˋ腳:沒穿鞋子。
4.著zogˋ的ge:穿的。乜me:也是。
5.攣lionˇ攣補補:縫縫補補。細se人仔neˋ:小孩子。
6.樣iong仔ngeˋ:樣子。有兜deuˊ地veˊ:有些地。
7.共kiung樣:一樣。自家:自己。
8.一息(些)xidˋ地leˊ:一點點。逐dagˋ擺:每次。
9.續sa:反而。十儕saˇ:十人。
10.吾ngaˊ姆meˊ:我的媽媽。該ge央時:那時候。
11.瀉xia走:溜走。顛dienˊ倒do:反而。
12.逐dagˋ擺:每次。餔buˊ娘:太太。
13.擎kiaˇ起:比起。頭擺baiˋ:以前。
14.恁慶kiang:很棒。壞faiˋ勢se:不好意思。
15.爭zenˊ差:差別。堵duˇ到:遇到。
16.盡輒jiab:經常。恁an樣ngiongˋ:常見。
17.著cog無:對嗎。該ge款:那樣子。
===========
1▲作者宋安樂三十零年前,天吂mangˇ光的威尼斯翕。

2▲作者宋安樂2016年翕hibˋ的be同窗會相片

3▲作者宋安樂就讀后里國小同學畢業後介同窗會