2024-03-29

草擺蛇 領雙紅(毒)的小故事

▼草擺蛇係當前無毒蛇類体形細隻之—,體型恁細,只有一種毒,試圖騙取多加一種毒◆草擺蛇領雙紅:喻刀切蕹vung菜兩頭空。

【記者廖金明/專欄報導】 在混fun沌tunˇ初開的時節,天地萬物初生,當時承辦萬物生存的天庭單位,都有分各種生物保護也係攻取食物的利器hi,這個利器分兩種;一個係物理類介,像;角,牙齒等等。一個係化學類介,像毒液idˋ,毒氣等等。這兜利器都係依照各生物的體型大細se,來公平分配。     

講到蛇哥介體型不同,毒類介惡劣也不同,其中有草擺蛇這種,當伊配分到的毒時,伊就緊想;伊體型恁細,只有一種毒實在不足來抵抗其他介生物,最好有兩種以上的毒較go好。但天庭當時的配當,也係一物配一毒,草擺蛇日思夜想如何騙天庭來取得較多的毒。     

有一日,草擺蛇就將身上介毒,吐tu出來暗中藏congˇ在牛屎堆doiˊ以後,就上天庭詐騙講:[涯ngaiˇ]草擺蛇,生活在草竇deu肚裡,體型恁細了ieˊ!身上無毒,愛喚vonˋ伊樣ngiongˋ地ngeˊ來生存呢?不但無毒可攻取食物,又搭dabˋ會分其他介動物當飯菜,恁anˋ地neˊ之下,[涯ngaiˇ]草擺蛇族群馬上就會絕種,請求天庭配一種較go毒的毒素分伊。     

天庭官員講:天庭配毒都係有相當週全的考量,無隨便配毒介,至於汝講無分bunˊ到毒,涯手指一撚ngianˋ,分明知得汝係貪圖之心作怪,想愛有兩種毒,若naˊ係天庭配分汝介毒無合gagˋ意,今晡日特別融iungˇ情,做得拿來換,所有萬物不得有兩種毒。   

當草擺蛇聽了ngeˇ天庭官員所講;若naˊ係天庭配分汝介毒無合gagˋ意,今晡日特別融iungˇ情,做得拿來換。所以非常壞勢se又感謝天庭官員,鼻公一摸miaˊ,就緊緊歸轉草竇deu來,當伊在牛屎堆愛尋qimˇ轉當初的ve毒素時,壞咧leˊ!當初吐出來的ie毒素無包好勢se,續sa溶化啊va在牛屎肚裡,拿無毒素上天庭來交gau毒。所以到今草擺蛇啄duiˋ人無毒。但傳說中講;若係分草擺蛇啄duiˋ到又膏goˇ到牛屎時,大毒必發,難以治療。

三.本文客語註解(注高樹老庄腔調tiau):1.混fun沌tunˇ:最原始形成。時節:時候。緊想:一直想。2.這兜deuˊ:這些。大細se:大小。草擺baiˊ蛇:草叢小蛇。3.恁anˋ細:這麼小。草竇deu:草叢。肚裡:裡面。4樣ngiongˋ地ngeˊ:怎樣地,又搭dabˋ:而且,交gau毒:交換毒素。5恁anˋ地neˊ:這樣。一撚ngianˋ:屈指。若naˊ係:假如。6.合gagˋ意:合意。融iungˇ情:通融實情。做得:可以。7.壞勢se:不好意思。歸轉:回到。尋qimˇ轉:找回。壞咧leˊ:糟糕。8續sa:反而。啄duiˋ:咬到。膏goˇ到:沾到。
9草擺蛇領雙紅:喻刀切蕹vung菜兩頭空。

1▲草擺蛇係當前無毒蛇類体形細隻之—,體型恁細,只有一種毒,試圖騙取多加一種毒。

2▲蛇類食蛙類,先對後兩脚落嘴,致使蛙類会有討救命介nge聲(蛇哥打[蛙guaiˋ]聲)。

3▲青竹蛇係當前無毒蛇類体形細隻之—

4▲常見的ne傘zaˊ仔veˋ節jiedˋ有劇毒毒蛇,持有劇毒無恐,行動趖soˇ慢。

5▲在1952年阿廖伯揹等侄cii仔le去番豆園撿番豆,將在番豆園草堆介傘zaˊ仔veˋ節jiedˋ毒蛇恅lauˋ到绿係[天牛],好得無抓saˊ啊va去。

6▲歕(嗙)pangˇ頦goiˊ蛇(眼鏡蛇)毒蛇

7▲莽蛇無毒蛇類体形最大

發佈留言

發佈留言必須填寫的電子郵件地址不會公開。 必填欄位標示為 *