客家白話語音文字研究(黄六番製作)(海陸&四縣)(1~9)
客家白話語音文字研究(黄六番製作)
【記者廖金明／專欄報導】 1.◆客家三腳採茶戲棚頭(15)罅番歌◇出版：新竹縣海陸客家語文協會 ◇製作：黃六貓◇腔調：(客語海陸腔) (5：15分)youtube→https://www.youtube.com/watch?v=ovYEoSYHJXI
◇倒唱歌詞開頭詞：倒唱歌來順唱歌,河裡石爬上坡,我打弟弟门前過,看見弟弟搖外婆。(後兩句1953年美濃介吉東國小劉敏保恩師華語版本)：(養了弟弟才養我,看見舅舅到外婆)
◇倒唱歌詞：罅番歌來罅番歌,世上罅番人多多。前村十個罅番妺,後村十個罅番哥。上村十個罅番嫂,下村十個罅番婆。罅番妹來罅番哥,罅番兜凳罅番坐。罅番人做罅番戲,罅番人唱罅番歌。子比阿爸先出世,孫看阿公討阿婆。阿姆行嫁妹打扮,先降老弟後降哥。嬰兒滿月學行路,三歲哥哥討細婆。齋嫲紹介金童女,和尚做个媒人婆。五穀滿倉窮出穀,百子千孫兩公婆。先中秀才後破學,先生兜凳學生坐。別人科字寫成料,佢个料字寫成科。有人人字寫成入,佢摎手字寫成毛。知己同學拚老命,打出鼻血笑呵呵。天寒地凍著單衫,六月天公著襖婆。草蛇拿來準褲帶,木屐拿來當皮靴。烏陰天來撐洋遮,開摺衫褲坐泥下。長衫馬褂打赤腳,身著綢緞戴笠嫲。擎起腳來襪捽鼻,半節褲腳拖地泥。鮮糜卡痛喉嗹胲,實話騙死罅番婆。飯糝劖腳流白血,冷水洗面熝起膘。肚屎枵枵喊飽飽,衫袋凹凹錢多多。鼓槌拿來挾菜食,箸隻拿來打銅鑼。㓾雞捋鴨食長齋,燒香拜佛唸山歌。借刀殺人無惡意,臭嘴罵人好譮多。清湯瘦肉油膩膩,清燉豆腐骨頭多。做新姑丈心頭痛,當妹家頭桌背坐。湖洋田肚抓鳥竇,竹篙尾上捉鮊哥。
◇朗讀語音(客四縣)注解：1.罅la番fanˊ：足夠不可理喻。2.倒do貶bienˋ：相反。3.較go輒jiab(diab)：較常。4.恁anˋ地neˊ(樣ngiongˋ)：這樣。5.安onˊ到doˊ+名詞：取名。6.[扌兜]deuˊ凳den：双手拿凳子。7.行hangˇ嫁ga：出嫁。8.洋iongˇ遮zaˊ：洋傘。9.鳥diauˊ竇deu：鳥巢。10.鮊pag哥goˊ：河裡白色兩指大小魚。
◇各族群(地方)有各不同語言&文化,客家白話 語文介(語法&用字)也係有所不同。
◇承蒙 黃六貓鄉親精采朗讀配音製作,做客家(海陸&四縣)白話語文交流,日聽讀三遍,好處快樂等等多。
2◆.客家傳統山歌詞欣賞(20首)山歌無妹唱唔成(5：54分)(黄六番製作)https://www.youtube.com/watch?v=tch0WkxLcXA
◇本山歌詞加[啊(a,ㄚ)&噢(o,ㄛ)]襯詞(虚字)就變成正统的[唱詞]：◇客家(四縣)白話語文聯音要領：(二.客家(四縣)白話聯音語文聯音聲母變化規則)；https://yuyuhakka.shop2000.com.tw/news/343021
◇一般客家流行歌曲&講話中[e,ㄝ)韻母聯音(實体字)有[1聲(個,的,介),2聲(地,了！),3聲(了,。),4聲(得,仔)]等各九音,要領同[啊(a,ㄚ)&噢(o,ㄛ)]襯詞。
◇承蒙 客家山歌界：賴碧霞 李秋霞 吳川鈴 王鳳珠 賴仁政等等大師所唱山歌善用聯音作證,客家白話語文聯音的存在。
◇另外：一般所作(文言歌詞)加添[啊(a,ㄚ)&噢(o,ㄛ)]襯詞就變成(客家白話)山歌唱詞。
3.◆麼儕係麼儕(誰是誰)(四縣&海陸腔) (3：59分)(黄六貓製作):https://www.youtube.com/watch?v=WfMmZWPQ1hk
◇麼maˋ儕saˇ又係he麼maˋ儕saˇ：稱呼名詞(華語)翻譯成客家(四縣&海陸)對照。
◇承蒙 黄六番鄉親製作精緻的e客家白話(語&文)單元,提供(聽音&望字)介享受&增加知讖,增廣客家語&文。
◇感謝 本社組群成員鍾董乾庚 邱乃乾教授等等將本社(Line)群推廣内容協力向海內外鄉親散發,承蒙大家！感謝大家！
4.◆有一種客家生日快樂歌(2：15分)(黄六貓製作)：https://www.youtube.com/watch?v=gL4lqAPXddw
◇客四縣注解：1.客語(生日,聊liau日,禮拜)：休息，2.粢qi ˊ粑baˊ(無餡aˇ)&麻薯jiˇ(河洛音,有餡aˇ)。3.恁anˋ(樣ngiongˋ,地neˊ)：這樣。4.頂dangˋ高goˊ：上面。5.麼magˋ介ge：什麼。6.若naˊ係he：若是。7.抆vun：左右沾。8.蘸jiamˋ：由上向下沾。9.堵duˋ好：剛好。10.做得dedˋ：可以。11.有閒hanˇ正來聊liau：有時間來玩。◇提供用意：多聽語音開拓聽力&多看多識客家語文。
5.◆客語認證《語料選粹-童謠篇》10首童謠◇朗讀配音製作：黃六貓◇腔調：客語(海陸腔)youtube→https://www.youtube.com/watch?v=FXePLec8VHg
1◇羊咩咩：羊咩咩，十八歲，坐火車，轉外家；兩斗米，打粢粑，無糖好搵，搵泥沙。2◇三叔公：三叔公，扇仔撥啊撥，鬚仔抹啊抹；扇仔跌啊忒，鬚仔嗄打結。3◇掌牛哥：掌牛哥仔面黃黃，三餐食飯愛摎糖；若爸毋係開糖店，若姆毋係綉花娘；若哥毋係開銀行，若姊毋係觀音娘。4◇頭放雞：頭放雞，二放鴨，三開刀，四攏合，五拍掌，六攬胸，七纏手，八摸鼻，九摸耳，十來扡狗屎。5◇懶尸妹：懶尸嫲，懶尸妹，朝朝睡到日頭晒壁背。䟘啊起，伸一下腰，舂一下背。唉唉唧唧仰恁悿。6◇月光華華：月光華華，細妹煮茶，阿哥兜凳，人客食茶，滿姑洗身，跌忒手巾，麼人拈着，細嫂拈着，愛還涯抑毋還涯，大哥轉來會罵，細哥轉來會打，毋使打，毋使罵，十七十八愛行嫁，嫁到哪？嫁到禾埕背，禾埕背，種韭菜，韭菜花，結親家，親家門前一口塘，畜个鯉嫲八尺長，長个拿來煮酒食，短个留來討餔娘，討个餔娘矮㑁㑁，煮个飯仔香馞馞，討个餔娘高天天，煮个飯仔臭火煙，討个餔娘毛絨絨，煮个飯仔寡寡蟲，討个餔娘手路長，降个倈仔學掌羊，討个餔娘手路短，降个倈仔無核卵。7◇伯公伯婆：伯公伯婆，今晡日涯屋下割禾。上夫割有，下夫割無。㓾着一隻長頸鵝，愛食無愛食，涯也無奈何！8◇火焰蟲：火焰蟲，唧唧蟲，楊梅樹下吊燈籠；燈籠光，照四方，燈籠暗，跌落崁。9◇阿啾箭：阿啾箭，阿啾唧。上屋叔婆做生日。毋知愛分涯去，抑毋分涯去？害涯打扮兩三日。10◇月光光：月光光，好種薑；薑必目，好種竹；竹開花，好種瓜；瓜吂大，摘來賣；賣着三個錢，學打棉；棉線斷，學打磚；磚斷截，學打鐵；鐵生鹵，學㓾豬；豬會走，學㓾狗；狗會咬，學㓾鳥；鳥會飛，飛到哪？飛到榕樹下，拈着一隻爛冬瓜，拿轉去，瀉到滿廳下。
6.◆發現客家歌謠小小兵(10：29分)◇主播：黄六貓(10：29分)◇編製指導：魏秋娥youtube→https://www.youtube.com/watch?v=KHCufMBzD5c
◇整理(客四縣)注解：1.毋mˇ過go：但是。2.長songˇ透teu：經常。3.分bunˊ人笑seu：被人取笑。4.今ginˊ晡buˊ日：今天。5.細se孲oˇ仔ve ˋ：小孩(7~8歲)。6.樣(仰)ngiong般：怎樣。7.佢giˇ兜deuˊ：他们。8.—兜deuˊ：這些。9.屋下(家)kaˊ：家裡。10.合gagˋ意：合意。11.黏皮piˇ(臨時)：随時。12.細妹moi仔ieˋ：女孩。13.(山歌子,打海棠,平板,小姑娘進城,伯公伯婆,老山歌)。14.生senˊ理liˊ：生意。15.樣iong仔ngˋ：樣子。
◇多看聽客家歌詞&唱聲：可加强客家白話語言&語文能力,又可提昇客家能見度等等。
7◆客家三腳採茶戲个棚頭(14)-文明勸善歌◇棚頭第68篇◇出版：新竹縣海陸客家語文協會 ◇承蒙：黃六貓◇腔調：(客語海陸腔)(6：53分)youtube→ https://www.youtube.com/watch?v=ft9wnpd4Ht0
◇朗讀語音(客四縣)注解：1.笑seu科koˊ：笑料。2.毋(唔)mˇ使siiˋ：不用。3.挨aiˊ磨mo：用推磨。4.滿哪仔(一奈nai地ieˊ)：到處。5.頭teuˇ擺baiˋ：昔時。6.幾giˋ多doˊ：—多：很多。7.豬zuˊ嫲maˇ：母豬。8.雞嫲孵pu：母雞蛋。9.得dedˋ病piang：生病。10.盲moˊ腸congˇ。11.都duˊ係he：都是。12.誰(随)suiˇ人nginˇ：各自喜好。13.靚jiangˊ：美好。14.樵ceuˇ草coˋ：柴薪。15.用手suˋ打daˋ：用手抽。16.鹽iamˇ滷luˊ：鹽醃。17.跈tenˇ得neˋ到doˋ：跟得上。18.相xiongˊ爭zangˊ：爭先恐後。19.麼manˋ人：誰。20,摎lau佢giˇ和foˇ：跟他合唱。21.毋mˇ單danˊ淨qiang：不僅。22.注(註)zu文vunˇ：先指定。23.趖soˇ：慢走。24.般banˊ般憂iuˇ愁seuˇ：各樣憂愁。25.屙oˊ淨qiang啊nga：拉乾淨。26.煞sadˋ煞轉zonˋ來loiˇ：遽giagˋ遽轉來：快快回來。27.安onˊ到doˊ+(名詞)：取名。28.安onˊ到doˋ+(形容詞)：取名取得如何。29.挶giugˋ撐cang撐：裝挺挺。30.高㬹(蹭)zangˊ靴xioˊ：高跟鞋。31.見gien(gian)笑seu：害羞。32.閼adˋ死xiˋ人：氣死人。
◇承蒙 黃六貓鄉親精采朗讀配音製作,做客家(海陸&四縣)白話語文交流,日聽讀三遍,好處快樂等等多。
◇本文[文明勸善歌(内容)]：客家三腳採茶戲个棚頭：文明勸善歌 ：客家三腳採茶戲个棚頭第68篇（新竹縣海陸客家語文協會出版) 朗讀配音製作：黃六 腔調：客語、海陸腔 聽涯來唸，文明勸善歌，唸出文明並笑科。現下科學真進步，耕田毋使用牛拖，燈火毋使用油點，米穀毋使人挨磨，出門毋使用行路，起風落水有車坐。騎車毋使用腳踏，滿哪仔機車出真多，頭擺坐轎上等客，現今有轎無人坐。時代進步係真快，自用轎車也盡多。現下幾多新發明，豬嫲毋使牽豬哥，雞卵毋使雞嫲孵，電器孵出有真多。有錢得病毋會死，盲腸危症用開刀，梅毒癜花用注射，皮膚爛疤用藥膏，傷風感冒用便藥，神頭陰鬼愛用和。
有錢做得飛上天，天邊海角去得到。食飽想愛聽歌曲，都有電視並〈啦濟喲〉(收音機)，誰人都係時常聽，社會水準有提高。現下婦人福氣靚，煮飯毋使用樵草，用瓦斯還係嫌麻煩，講愛用人來點火。用電鍋最標準，時間到煮好好，井水毋使用手打，電一開送到到。雞肉鴨肉，毋使用鹽滷，放落冰箱第一好，兩三日拿來食，一點野味也就無，衛生並清潔，安全掛擔保。都市人先享福，鄉下人也跈得到，想愛看電影，毋使來買票，電視打開看得着，毋使戲院來相爭，自己家中安樂坐。
想愛出門看風景，遊覽車載到到。遊覽小姐唱歌曲，麼人都可摎佢和，自由人客來注文，看你愛唱麼个歌，也有九腔十八調，也有滿山趖(散板山歌小調)，西皮外江亂彈曲(粵徽唱腔歌曲)，國語學老語流行歌。遊覽小姐毋單淨會唱歌，也會講古並講傳，也會來講，文明大笑科。車頂坐等聽歌曲，般般憂愁全變無。到該風景區，食點心愛先問好，有問價就較便宜，無問價錢就多。
台灣一周遶往轉，社會百般看得多。看着男人好食煙，女人好電毛，電毛千百種，著衫連肉看得着，奶姑挶撐撐，專著高㬹靴。有人著个大圓裙，著條三角褲，出門儘採亂竄坐，車頭坐等來等車，腳骨擎到半天高，半滴見笑都毋知，五倫全變無。嫁娶毋使用媒人，公證結婚有真多，無分爺哀來主意，忠孝廉節也就無。老人家真毋慣，後生人毋聽人指導，恁樣還較爭，又來囉哩又囉嗦，開口就閼死人。問佢以前恁勤儉，錢乾曬幾多？有田耕種欠租穀，糜杓仔胖胖浮。出有子弟無讀書，誤人前途有真多，現今耕種戴高樓，也有做議員，大學畢業也真多。以前㧡擔著草鞋，現下坐車著皮靴。如今人心日日變，行善較少惡較多，若係你毋信，街頭巷尾詳細看，鱸鰻全出少年哥，頸偏偏褲帶挶毋捆，專挶〈襖羅伯庫〉(後梳式油頭All Back)留長毛。
涯看着恁可惜，所以來做出，文明勸善歌，奉勸男女要修心，各人修心各人好，想愛踏入文明社會來，差事定著莫去做，士農工商愛認真，增產報國名譽高。大家聽轉添福壽，日後火箭共同坐啊共同坐。
8◆客家三腳採茶戲个棚頭(14)想涯頭擺真生趣◇製作：黃六貓◇腔調：(客語海陸腔) (5：01分)youtube→https://www.youtube.com/watch?v=JeAmRI5C-Uk
◇朗讀語音(客四縣)注解：1.頭teuˇ擺baiˋ：昔時。2.生senˊ趣qi：有趣。3.棚pangˇ頭teuˇ：相當前奏曲。4.細se細：還小。5.險hiamˋ險ˋ：差一點。6.分bunˊ該ge：被那。7.蹬demˋ死：踏死。8.涯介阿爸：吾nga爸：我的爸爸。9.阿姆meˊ：母親。10.揇lamˋ(namˋ)來飼cii：抱來餵。11.盡qin受su氣hi：很生氣。12.落log第ti(凹labˋ底daiˋ)：留級。13.本bunˋ本：每一本。14.毋m識siidˋ：不懂。15.擘bagˋ來：撕下。16.看kon啊na到doˋ：一看到。17.閼adˋ死xiˋ：氣死。18.屋vugˋ下(家)gaˊ(kaˊ)：家裡。19.枵(飫)ieuˊ死：餓死。20.搞gauˋ生sen趣qi：好玩。21.戲旦dan仔neˋ：丑cuˋ(古怪男),旦(女),小生(男)。22.恁anˋ靚jiangˊ：漂亮。23.中zung意i：合(愛)意。24.放biong啊nga下：放下來。25.手suˋ棍gung：手臂。26.囁ngiab ˋ啊ba囁：嘴一直動。27.眼ngian箭jien(眼拐guaiˋ)：抛眉眼。28.擎kiaˇ啊va起：一拿起。29.磡kamˋ死：壓死。30.揤jidˋ落log去：插下去。31.歕punˇ(吹coiˊ)笛tag：吹頊呐。32.聽tangˊ啊nga到doˋ：—聽到。33.無麼magˋ介ge：没什麽。34,捍倒嚕 hanˊ do luˋ：方向盤。35.㧾fud到do：駛到。36.崩benˊ崗gongˊ下：山坎下。◇本文聯音字語：1.看kon啊na到doˋ。2.戲旦dan仔neˋ。3.放biong啊nga下。4.囁ngiab ˋ啊ba囁。5.聽tangˊ啊nga到doˋ。6.擎kiaˇ啊va起。7.停動tungˊ啊ngaˇ。
◇承蒙 黃六貓鄉親精采朗讀配音製作,做客家(海陸&四縣)白話語文交流,日聽&讀&看三遍,好處快樂又可提昇客家文化水準等等多多。◇各族群有各不同語言&文化,客家白話 語文介(語法&用字)也係有所不同。
◇本文：想涯頭擺真生趣。細細險險分該跳蚤蹬死去，涯介阿爸講無愛，涯介阿姆揇來飼。飼到十三四，伊伊又伊伊。涯爸看到盡受氣，喊涯姆帶到學堂去。讀到五年書，四年來落第，本本三字經，半句又毋識，專門擘來搞生趣。先生看啊到，險險閼死去。屋下毋敢轉，直直走直直去，走到員林並嘉義。三日無食飯，險險枵死去。走到戲棚下，看人打採茶做大戲，看該戲旦仔，恁靚涯就有中意，涯就走上去，毋知佢个眠帳，放啊下作為記，涯个手棍伸出去，喊一聲，險險分該戲班打死去。頭家娘，看涯有中意，喊涯學做戲。喊涯學做丑，嘴仔囁啊囁，講的話又聽毋去，還像人介狗打屁。喊涯學做生，眼箭丟過來，涯又毋曉丟過去。喊涯學做旦，腳骨翹過來，涯又毋曉翹過去。喊涯做大花，關刀擎啊起，險險分佢磡死去。喊涯學打鑼，打爛七八隻，阿奇兵又收毋去。喊涯學打鼓，鼓槌擎啊起，毋曉揤落去。喊涯學挨弦，弦仔拉過來，毋曉送過去。喊涯學歕笛，歕到噦喤又噦va，叭嗶又叭嗶。戲頭家娘介千金，聽啊到，險險分涯嚇死去。涯想做戲，做到無麼介生趣。涯走去摎人舂米合挨礱，挨礱又恁艱苦。涯去學駛車，捍該 hanˊ do luˋ，駛車又毋曉擋，㧾到崩崗下百零丈，屎朏㧾條壢，頭那㧾隻空。涯將將，就毋會停動啊！毋會停動！
9◆.客家三腳採茶戲个棚頭 人之初性本善(新竹縣海陸客家語文協會出版),◇朗讀配音製作：黃六貓◇腔調：客語,海陸腔(3：40分)https://www.youtube.com/watch?v=loTVrfuER88
◇人之初,性本善,一本書,扯爛爛。打山豬,涯盡湛,屙屎毋出,屎朏爛。人之初,性本善,擎钁頭,改火炭,火炭烏,遽撥扇,降个妹仔像阿旦,阿旦靚係靚,拉屎得人驚。人之初,性本善,擎钁頭,打火炭,火炭又來捩捩轉,降个倈仔無核卵啊！無核卵。◇聐膣毋聐奓,㧡水淋河壩,若姆講毋好,若爸講毋怕。細人仔毋會講客話,屎朏打三下,阿公婆捉來罵。請摎細人仔講客話,客人愛講客家話,出門正毋會分人罵來分人罵。◇阿丑琢,賣膏藥,賣無錢,火就著,頭那就拿來搉。閼到嘴嘟嘟,想食大番薯。閼到嘴圓圓,想食粄仔圓。閼到嘴尖尖,想食番薯籤。閼到嘴翹翹,無分佢食佢就噭。閼到嘴開開,無愛摎人加講話來加講話。◇屙痢屙痢真屙痢。頭份做大戲,阿公阿婆跈等去,害涯無好去。佇屋下放隻大臭屁,轉來分佢鼻來分佢鼻。◇朗讀語音(客四縣)注解：1.扯caˋ爛lan：撕破。2.屙oˊ屎siiˋ：大便。3.屎(尸旨)sii朏fudˋ：屁股。4.擎kiaˇ钁giogˋ頭teuˇ：拿鋤頭。5.改goiˋ：鋤頭挖。6.靚jiangˊ係he(是siiˇ)靚：雖漂亮。7.捩ludˋ捩轉zonˋ：掉。8.倈lai仔ieˋ：兒子。10.核hag卵lonˋ啊naˇ。11.㧡kaiˊ水suiˋ：挑水。12.細se人nginˇ仔neˋ：小孩。13.阿aˊ丑cuˋ琢dog：小丑。14.搉kog：敲打。15.閼ad到do：生氣到。16.粄ban仔neˋ圓(圓粄仔)：湯圓。17.嘴zoi翹ngieu翹。18.噭gieu：哭。19.屙oˊ痢li：下痢。20.跈tenˇ等nenˋ：跟著。21.聐nga膣zii毋聐nga奓da：呆呆。22.盡qin湛zanˋ：很棒。
◇承蒙 黃六貓鄉親精采朗讀配音製作,做客家(海陸&四縣)白話語文交流,一日(聽&讀&看)三遍,好處快樂又可提昇客家文化水準等等多多。
◇各族群(地方)各有不同語言&文化,客家白話介(語法&用字)也係有不同。