美濃地方在1982年前[大學大不孝小學小不孝]介流行話.敢有影？

【記者廖銘瑞／美濃報導】　本文内容原刊：美濃月光山雜誌(1982/10/19)
在1980年以前,美濃地方識siidˋ流行過一句話：大學大不孝小學小不孝]介ve流行話。這句話對讀書人有相當大的諷fungˊ刺qiugˋ與訄kauˊ 誚seˋ。當時本人還在大學讀書,聽到這句話,心中十分不滿,並追樣niong會有這種諷刺與訄誚讀書人介ne話來流傳？經過打探,才知得確實有少部份[學而不通]介nge大學生,—時腆tiamˊ 放忒hedˋ[孝道]介ve意i義ngi,來形成社會各界介笑談話語,來連累了ieˇ 不少學養都相當好的ve大學生,碩士生,博士生。

以下係打探聽tangˊ 所知的ie幾則故事：
一.◇某君住hed在本鎮偏僻pidˋ地方,還細se時家境窮kiungˇ 苦,佢gi介阿爸辛苦做事賺繳gieuˋ佢讀書,好加在食蕃薯食啊la大的ie賴lai仔ieˋ,成人長大以後,並唔會大條大條,恁好彩coiˋ畀bi考上大學,畢業以後,又恁anˋ該死,畀順利考入中央某機關guanˊ 服務,同時又討到富家女,兩公婆生活也係好。

大學生成家立業以後,有一日,佢介ie阿爸當高興手擐kuan等用藍洋巾包的ve包袱fug仔geˋ,專程坐火車到台北來看佢介賴仔,心中暗想：愛好好地veˊ 來分新心臼kiuˊ 招待招待,好好地來享受新做家官介ne味道係生到樣般？佢介賴仔抑iaˊ 無想到佢介阿爸會來,當佢介阿爸一入屋,話都吂mangˇ 曾qien ˇ講,佢介賴仔面臭窖gau窖到doˋ,就問mun厥giaˊ 爸講：你愛來做麽magˋ介ge？你愛來做麽介？佢介阿爸聽了ngeˇ[你愛來做麽介？]這句話,險hiamˋ險挺tenˋ挺昂ngoˇ打倒do[扌麥]mag,氣杳meuˋ杳(渺)地翻fanˊ 頭擐kuan等包袱fug仔geˋ就歸老屋vugˋ家！

這位滿腹bugˋ歡喜想愛去台北嘗s0ngˇ 看啊na是[做家官介ne味道係生到樣般？],吂mangˊ 知 diˊ續sa受到這種萬萬想唔到等級的be招待,歸老屋家以後,足足想了ngeˇ 三日三夜,同時緊捶cuiˇ 心肝緊駡做麽介ge會畜hiugˋ到這種子弟！？

————-
二◇某君住hed在本鎮鬧熱街仔ieˋ上hong,佢介阿爸靠駛牛車賺銭繳佢giˋ讀書到大。某君聰明又肯henˋ上進,恁an該goi死,讀書打頭名,—直讀到大學,並去美國留學得到博士學位,同時又在美國尋qimˇ 到好頭路,又討了veˇ 美國妹仔ieˋ做姐jiaˋ仔veˋ。

佢介阿爸有恁anˋ地neˊ的ie賴lai仔ieˋ,歡喜了ieˇ幾下年,同時在街仔上hong抑iaˊ係鄰舍sa邊,歕punˇ 了neˇ 有—多的ve[鷄胲goiˊ]講：吾ngaˊ賴lai仔ieˋ去美國留學得到博士賺銭歸來後,唔使恁anˋ幸苦了veˊ！牛車做得剖po來燒火了veˇ 。

但係時間過了veˇ論十年,賴lai仔ieˋ不但無歸來,連信息也無看到,可憐lienˇ的ne老阿爸,想到好在無將牛車剖po來燒火！嘎ga無,唔知愛靠麼介ge來生活了leˇ 噢io？愐menˋ到這iaˋ下,想到以前所歕punˇ的[鷄胲goiˊ],一一爆凈qiang凈,傷心珠淚lui閼adˋ在心頭！

有一日突然間,美濃郵局送信仔ne介郵差,送來一封信仔來,郵差當恭喜講：惹ngiaˊ賴lai仔對美國寄歸來的ie信仔,係寄好消息歸來敢嗎？老伯信仔接過來一看,有樓屋,電視,冷氣,轎kieu車以及美國妹仔ieˋ做姐jiaˋ仔veˋ 等等相片,老伯講：信仔字唔識涯,看啊na去,一行一行,摸miaˊ啊va去又平piangˇ 平, 請你讀講分涯聽。

郵差讀講：信中惹ngiaˊ賴lai仔講；佢在美國蓋生活蓋好,姐jiaˋ仔veˋ也討了veˇ,樓屋,電視,冷氣,轎kieu車等等齊全都有,請阿爸唔使愁seuˇ 慮li,在美國生活水準高,暫時無錢寄歸去,等再幾年後,有錢了neˇ才寄歸去,——–。
老伯當面起壞講：打屁安狗心！等了neˇ 十過年了neˇ ,愛等到奈nai久？佢在美國有轎kieu車,涯在屋家駛壞faiˋ牛車,噯oiˋ噯噯！唔使讀了geˊ！信仔同涯退回！拜託拜託！
———–

三◇某君岀世se在大家庭,從細se到大都係[窮苦人家富貴命],在大家庭中同阿叔阿伯共下生活,當佢考上大學時,佢giˇ介阿叔阿伯高興萬分,腳趾公都唔怕踢落lodˋ,緊緊去買一大掛的ve紙炮仔來打,來慶祝家中出有大學生！

這liaˋ位大學生在大學期間,腆tiamˊ放忒hedˋ阿叔阿伯介期待與辛苦,登denˊ常交女朋友,耗hoˊ費了ieˇ不少金錢,佢介阿叔阿伯也登denˊ常講佢：猴古佬！猴哥面唔使恁anˋ現！大學生senˊ了neˇ,每日猴上猴下,唔係me辦法,,愛好好地veˊ來讀書,大學畢業後,唔使驚討無姐jiaˋ仔veˋ！

但係該ge 猴古佬對阿叔阿伯介話,總下ha聽唔入耳ngiˋ,四年大學畢業歸來時,隨身又帶等一位外地妹仔歸來,佢介阿爸阿姆阿叔阿伯等等一看啊na到,都譴kenˋ啊na半條命,原來係該ge細妹仔身份[不明不白]。但係該大學士續sa大聲講：大空時代自由戀愛！請大家莫來干gonˊ涉sab！所以佢介屋家人只好姑goˊ不將來將就qiu將就！

這位大學生結婚以後不久,不但無折zadˋ志煞猛求上進,顛倒do要求先處分bunˊ[長孫財產],使佢倆公婆到外有所發展,阿爸阿姆阿叔阿伯等等都唔曾qienˇ分家,一聽啊nga到先處分bunˊ[長孫財產],譴kienˋ啊na眼珠緊射火星仔neˋ！
————

四◇某君岀世se在窮苦家庭,由其iaˊ姆meˊ辛苦畜hiugˋ大,又繳gieuˋ佢讀大學,大學畢業後,在台北某—公家機關做官,平常來往的nge人等都係有高貴身份人物,所以某君介ne派頭就粗cuˊ起來。其iaˊ姆meˊ為了liauˋ做官賴仔ieˋ介ie光榮,挑tiauˊ工gangˊ來台北共下住hed,搭同賴仔ieˋ整理家事以及掌zongˋ屋。

有一擺baiˋ堵duˋ好有某meuˊ某大人客突tudˋ然來拜訪,其iaˊ姆meˊ也著zogˋ啊ga蓋萋qi ˊ頭的ve客庒婦女裝,來請茶待客。這位大人客自從都唔識看過請茶待客介[歐o桑sangˋ],就禮貌式問起,請茶待客介係麽manˋ人？做官賴仔ieˋ( 驚打蔑me到身份)就用華語講：那是新請的佣人,佣人。其iaˊ姆meˊ聽了ngeˇ 做官賴仔ieˋ講：佣人！佣人！心肚裡萬般無奈nai！第二日打早包袱fug仔—擐kuan就歸老屋家！
————

以上四則報導係發生在1982年以前,美濃地方社會公眾輿論流傳的議題,綜合以上四則議題,值得拿來探tam討與分析當時發生的ne原由係在奈nai裡；
第一.係結婚嫁娶姐jiaˋ仔關係最大。美濃地方老一輩常講：男人—生可以轉變好壞的三件事；—.係讀書。二.係討姐jiaˋ仔。三.係做事業。讀書有機會做官發展,做事業有機會賺錢發展,討到好姐仔可以幫夫興家立業,萬一討到不三不四不明事理,又不顧大局,不尊夫體面,更至唔知麼介係[妻以夫為貴]等等介ne觀念,所以老公愛對待父母也就—等困難了neˊ！

第二.食水愛念水源頭：像第二則故事中的nge美國博士,在美國有享受,續sa腆tiamˊ放忒hedˋ屋家介[老貨仔]在屋家駛壞牛車過日。講實在,無論樣ngiongˋ地ngeˊ都應該先寄一些xidˋ歸來孝敬父母,才nang對得ieˋ起屋家介老爺娘,有孝爺娘愛等待何時？

第三.俗語所講：天下ha無不是sii的e爺娘,父母反對子女介婚姻,有時總係有充分的ne道理,不可像第三則故事中的大學生,重色不重親。父母再無水準也總係爺娘,人講；壤竹生sang好筍,不可因一時的虚榮,來像第四則的le猴仔樣,在人容面前唔敢認自家介阿姆,顛倒講；係其iaˊ佣人啊na噢voˊ！

以上本文記寫在1982年以前,美濃地方確實有流傳過的社會公眾輿論議題,也識在美濃月光山雜誌(1982/10/19)以半生熟的[客家(四縣)白話語文]寫作報導,頭前所記寫的流傳記錄,經美濃月光山雜誌(1982/10/19)報導以後,社會各界群起議論,引爆了客家社會對[孝道]介提倡與加重[飲水思源]觀念的ne實現。時過將近40年,唔識聽到美濃地方有類似[大學大不孝, 小學小不孝]介現象,40年來美濃地方介大學生,高度稹極向上,打造了美濃係博士鎮&愛家鄉等等光榮的史蹟。
————-
◇本文(四縣腔)注解：
1.識siidˋ：曾經。
2.訄kauˊ 誚seˋ：取笑。
3.樣niong會：怎樣會。
4.腆tiamˊ 放忒hedˋ：忘了。
5.還細se時：還小時。
6.大條大條：笨笨。
7.畀bi：被他。
8.也係好：不錯。
9.擐kuan等：提著。
10.心臼kiuˊ：媳婦。
11.家官：夫之爸。
12.臭窖gau窖：難看。
13.吂mangˇ 曾qien ˇ：不曾
14.厥giaˊ 爸：他的爸爸。
15.麽magˋ介ge：什麼。
16.險hiamˋ險：差一點。
17.挺tenˋ挺昂ngoˇ：仰卧。
18.打倒do[扌麥]mag：往後倒。
19.杳meuˋ杳(渺)地：有氣無力。
20.翻fanˊ 頭：向後轉。
21.老屋vugˋ家：老家。
22.看啊na是：試看看。
23.吂mangˊ 知 diˊ：料想不到。
24.續sa：却,相反。
25.畜hiugˋ到：養育到。
26.姐jiaˋ仔veˋ：太太。
27.恁anˋ地neˊ的ie：這樣的。
28.抑iaˊ係：或是。
29.歕punˇ 了neˇ ：吹了。
30.鷄胲goiˊ：吹虚。
31.好在：幸好。
32.嘎ga無：那麽。
33.愐menˋ到：想到。
34.閼adˋ在：压制在。
35.看啊na去：看過去。
36.摸miaˊ啊va去：摸miaˊ過去。
37.奈nai久：何時。
38.腳趾公：腳趾(指)。
39.登denˊ常：經常。
40.恁anˋ現：很明顯。
41.總下ha：全部。
42.譴kenˋ啊na半條命：氣得要死。
43.姑goˊ不將：不得不。
44.將就qiu：同意。
45.顛倒do：反而。
46.挑tiauˊ工gangˊ：專程。
47.掌zongˋ屋：看家。
48.萋qi ˊ頭：清新整潔。
49.歐o桑sangˋ：女士。
50.麽manˋ人：是誰。
51.打蔑me：污損。
52.其iaˊ姆meˊ：他的媽媽。
53.老貨仔：指老父親。
54.樣ngiongˋ地ngeˊ：怎樣地。
============