贏的係礱糠、輸的係米 (客四縣戲劇篇)
【記者廖金明／專欄報導】 贏的係礱糠, 輸的係米(客家四縣白話語文,戲劇篇)。
◇一.劇中人：阿強伯,阿強伯姆,阿明,阿田,阿珠,阿輝哥,阿輝嫂,阿梅姐等九人。
◇二.戲文：
◇旁白：頭擺baiˋ人講有錢能使鬼推磨mo,世間上人為了liauˋ錢,拼bia生拚死,想盡辦法樣ngiongˋ地ngeˊ來賺錢。有錢的ne人就利用錢來賺錢,無錢的人就想盡辦法,賣命來做生sangˊ做死望賺錢,賺了neˇ有兜deuˊ錢,又係想愛再賺較go多的錢,永久無辦法滿足人心的me慾iugˋ望。
賺錢的方式,人使盡了neˇ腦筋,有人做生理,有人做事業,有人淨qiang顧有錢賺,無論麼介頭路就有人做。可比邸dai在南部的ve阿強伯兩公婆,供giung有兩個賴仔,一個讀大學,一個le無讀書,興him趣qi各不相同,有一日阿強伯同老姐jiaˋ在該ge聊天時就講：
阿強伯：老姐jiaˋ！你有感覺無moˇ？
阿強伯姆：感覺麼magˋ介呢no？
阿強伯：涯等兩個nge賴仔個ge性無相同,妳知diˊ嗎？
阿強伯姆：係he啊iaˇ！阿明較go內向,阿田較外向hiong！
阿強伯：這下一多點diamˋ了meˇ呢no？
阿強伯姆：會5點了meˊ！
阿強伯：阿明係he唔係me會轉來了ieˇ啊iaˇ！
阿強伯姆：係he啊iaˇ！[敁]gog門聲響
阿強伯：麼manˋ人nginˇ啊naˇ？
阿 明：涯ngaiˇ啦！阿爸！
阿強伯：老姐！係he阿明介ne聲！
阿強伯姆：涯來開門！
阿 明：阿姆meˊ！阿爸！涯轉來了ieˊ！
阿強伯姆：看你！一身汗！阿明！汝先去洗面,將面洗洗啊iaˋ咧 leˊ！
阿 明：唔使siiˋ啦！捽捽cud啊la就好了veˇ！
阿強伯：阿明！你出去尋qimˇ頭路,尋了meˇ一日,尋有啊vaˊ尋無moˇ啊vaˇ？
阿 明：(蓋暢tiong)有！涯同阿爸阿姆報告一個好消息,涯尋到正當的nge頭路了veˇ！
阿強伯姆：看你恁anˋ暢tiong,係he尋到麼介好頭路啊vaˇ？
阿強伯：唔mˇ共快講分bunˊ涯聽！
阿 明：係殯binˊ儀ngiˊ館gonˋ上班的頭路啦！
阿強伯：殯儀館！無moˇ成sangˇ就係人往vongˇ生的地方啊ngaˊ？
阿強伯姆：麼介啊iaˊ！去死人仔neˋ介地方上班噢noˋ？
阿明：係啊iaˇ！天光日就愛正式上班了neˇ喲io！
阿強伯姆：涯聽到噢voˋ…你等看！涯介雞嫲maˇ皮緊起噢ioˊ！
阿 明：有麼介好驚giangˊ啊ngaˇ？
阿強伯：阿強！無彩caiˋ你大學畢業,喊你去尋頭路,你續sa去尋到死人仔neˋ介頭路！
阿 明：阿爸！阿姆！時代無共樣了ngeˊ！這下殯儀館完全係現代化了veˇ,水準提高,服務人員的素質ziiˋ也提高！無汝等想像qiong的nge恁得人驚啊ngaˇ！
阿強伯姆：老伙！到底daiˋ係涯等介腦筋有問題,也係賴lai仔ieˋ介腦筋有問題啊iaˇ？
阿強伯：涯看時代變bien了neˊ！
————-
◇音樂：
◇旁白：阿強伯兩老仔想,難得有一個賴仔係大學畢業,看有麼介較好的頭路無！吂mangˊ知！續sa尋到殯儀館介頭路,真的ne！涯等兩老仔veˋ唔知愛噭gieu也係愛笑較go好！該ge時節食飽夜時,屋前禾voˇ埕tangˇ駛來一臺toiˇ轎kieu車。
阿強伯：老姐！樣ngiongˋ會有人駛轎車來涯等屋vugˋ家呢？
阿強伯姆：麼介人客hogˋ嘎gaˇ？
阿田：阿爸！阿姆meˇ！係涯啦laˋ！
阿強伯姆：阿田係汝噢ngoˋ！涯恅lauˋ到係麼manˋ人哪naˊ？
阿珠：阿伯！伯姆！
阿強伯：阿田！佢giˇ係he唔係me你介nge女朋友呢？
阿田：唔係me啦！
阿珠：噢oˋ！涯來自涯介紹！涯係阿田哥介助理！
阿強伯：老伙fo！麼magˋ介安到doˊ助理呢？
阿強伯：汝唔知麼介安到do助理噢ioˋ？
阿強伯姆：汝無講涯樣ngiongˋ會知diˊ啊iaˇ ？
阿強伯：助理就係像人家開工廠,無就tu人家開公司董事長的秘書該ge樣iong！就喊做助理！
阿強伯姆：無moˇ成sangˇ！賴仔！汝ngˇ係董事長係he係meˇ？
阿田：係啦！
阿強伯姆：阿田汝樣恁anˋ會,無讀到麼介書,汝會做董事長嗄haˋ？無像汝老弟係大學畢業,麼介頭路都duˊ唔去做,麼介去做死人仔介頭路哇va！
阿強伯：汝做麼介頭路,樣會有董事長好做呢？
阿珠：最生趣qi又搭dabˋ最好hoˋ搞的ve頭路！
阿強伯姆：無就tu係愛用盡多本錢的ne係he嗎？
阿田：這擺baiˋ本錢淨qiang淨用到五千個銀ngiun了neˊ！
阿珠：嘎ga！涯淨淨出一千銀了neˊ,所以涯做阿田介助理！
阿強伯姆：嘎ga！五千銀本錢！就有董事長好做啊va！
阿田：阿珠！皮箱仔ngeˋ該ge包東西拿出來！
阿珠：好！好！
阿田：阿爸！阿姆！這包分bunˊ你等兩儕saˇ！
阿強伯：麼介東西xiˊ啊iaˇ？
阿強伯姆：涯看！唉ai喲io噢oˊ！錢！錢！老伙！涯食了leˇ一生人,唔識摸過恁多錢噢noˊ！
阿強伯：這兜deuˊ係對奈nai來的ie錢哪naˇ！係唔係搶銀行來的ie？
阿珠：阿田哥董事長,才nang無恁anˋ大膽去搶銀行哪naˋ？
阿田：就係he係me！
阿強伯：嘎ga無,汝介錢係奈nai來的呢？
阿珠：六合彩著cog到doˋ的ge啦！
阿田：係啦！這期涯著到六合彩,總共有兩百萬銀！
阿珠：涯湊deu股本錢出較go少,涯分到50萬！
阿田：這台轎kieu車就係涯著六合彩來買的ie啊iaˇ！
阿珠：恁anˋ堵duˋ好！涯有駕駛執ziiˋ照！涯才會來做助理又兼司机！
阿強伯：原來係恁地neˊ噢ioˋ！
阿田：天光暗晡在石頭伯公頭前,還有一棚pangˇ歌舞團愛來表演噢noˊ！
阿珠：該ge就係阿田董事長請的nge哪naˊ！
阿強伯姆：做麼介愛請歌舞團來表演呢no？
阿強伯： 阿田！汝係he唔係me請歌舞團表演答謝石頭伯公介啊iaˇ？
阿珠：係啦！係啦！係啦！
————-
◇音樂：
◇旁白：阿田著到六合彩介ie消息,傳遍了neˇ全莊各地,該兜deuˇ好ho賭六合彩介人,紛funˊ紛前來打探tamˊ,每擺到了veˇ開獎前,阿強伯屋家附近的ne石頭公廟,非常熱鬧,有三教九流介人,也有人賣小食,擺攤仔neˋ,羅漢,乞食仔也到場鬧熱,槓gong龜guˊ一擺的ie人也來望下遇ngi擺。天光日又係開獎介日仔leˋ,唔知奈nai來的討食仔,在石頭公廟邊跍guˊ等一下地veˊ笑,一下地veˊ又噭gieu,歸群的ne細人仔neˋ會拿石頭去撅jied佢giˇ,有一個婦人家阿輝嫂看到時就講：
阿輝嫂：你這兜deuˊ細孲oˇ仔樣ngiongˋ好hoˋ拿石頭撅人呢？佢giˇ會出明牌呢！
阿梅姐：有影會出明牌噢ioˋ！
阿輝嫂：係呀！上一期佢giˇ講[11同36]兩支,就有出cudˋ囉loˊ！害涯無簽到！
阿梅姐：嘎ga！樣唔mˇ簽qiamˊ呢！
阿輝嫂：涯奈nai有想到一個討食仔會出明牌？
阿梅姐：還vanˇ打喪songˋ噢ngoˊ！
阿輝嫂：就係he係me！汝等大家惦diamˊ惦看佢介動作哪naˇ！
阿梅姐：樣ngiongˋ地ngeˊ看呢no？
阿輝嫂：涯教你等看！你等看這下跍guˊ等nenˋ…搞石頭。
阿梅姐：該ge搞石頭係麼介意思呢？
阿輝嫂：石頭圓圓就係[零]langˇ啊ngaˇ！
阿梅姐：你看！…唇siinˇ邊又有一隻狗仔veˋ！
阿輝嫂：該ge就係[09],這期會出[09]噢voˊ！
阿梅姐：有準zunˋ也naˊ無準啊naˇ？做唔得再過害涯槓gong龜guˊ噢voˊ！
阿輝嫂：試cii看kon啊na係me？
阿輝哥：吾ngaˊ娘姐jiaˋ…！
阿輝嫂：涯介老公來了ieˇ噢io！你等nen慢慢man地neˊ看嗄haˇ！
阿輝哥：娘姐jiˋ！汝噢ngoˋ！屋家細人仔肚飢giˊ了ieˇ也唔煮飯,歸日仔leˋ在這掌zongˋ討食仔,係掌得ngeˋ到豺saiˊ了ieˇ係meˇ？
阿輝嫂：上期若naˊ係he唔係me你同涯擋忒hedˋ,涯至少係me著幾下萬銀,害涯心痛啊nga會死,無簽到。
阿輝哥：著cog！著！著！…你搞六合彩著了geˇ幾擺了ieˇ？有時節搞生趣涯無反對,吂 mangˊ知！你搞到入巢sauˇ,唔知好分funˊ醒xiangˋ！
阿輝嫂：涯是siiˇ想,若係看得neˋ準明牌,涯等就有錢了neˇ,就唔使做到半生死啊iaˇ！
阿輝哥：唔使唔使唔使！做你家庭照顧好啊va較ka贏！
———–
◇音樂：
◇旁白：三個月以後,村莊有兜deuˊ的人,蓋像分六合彩迷到doˋ,講到奈nai有明牌,伊等無論睡目mugˋ也gaˊ會想到do發bodˋ夢牌,近的,遠的該ge廟堂也係塚zungˋ埔就當做係明牌的好參考,阿強哥介ve賴仔阿田,自從著了geˇ一擺六合彩,贏了neˇ將近有200萬銀以後,變成siinˇ啊na唔做正業,每期都簽,但係每期簽就緊槓gong龜guˊ,日日在屋家算明牌,計算機,電腦也係拿來運iun用iung,有一日朝zeuˊ晨天吂mangˇ光,鄰舍阿強伯愛巡siinˇ田水,經過塚zungˋ埔時看到一個人,在萬善祠ciiˇ眠到四腳撓ngia天,阿強伯行兼一看,阿姆[女哀]oiˊ噢ioˊ！原來係佢介賴仔阿田,心肝肚裡一把火盡著cog：
阿強伯：你這種樣iong相xiong,山猴仔！恁瀉xia衰soiˊ人,屋家唔睡,走來萬善祠塚zungˋ埔邊同鬼共下睡,你實在還瀉衰人地neˊ哪naˊ！
阿田：涯！涯！———！
阿強伯：同涯遽giagˋ遽死轉去,莫mog在這分bunˊ人看到,會見笑死噢ioˊ！
———–
◇音樂：
◇旁白：明知簽六合彩係不正當的行為,但係,人就係為了liauˋ錢,想盡了neˇ方法,最好唔使做,有好食又有好得的le頭路。開獎日期又到了veˇ,阿梅姐又在街路上hong遇到阿輝哥倆公婆：
阿梅姐：阿輝嫂！最近有明minˇ牌嗎？
阿輝哥：阿梅姐！汝噢ngoˋ！一開嘴就係講明牌！
阿梅姐：阿輝哥！阿輝嫂！若naˊ係著cog到一擺,就像阿強伯介賴仔阿田一樣,你等就有自用車好坐了veˇ！唔使來街仔ieˋ上hong坐公車！
阿輝哥：講到阿強伯,講鬼鬼到,講人人到,阿強伯兩公婆來了ieˇ噢io！
阿梅姐：阿強伯！阿強伯姆！涯等緊唸ngiam你,才nang唸啊ma忒hedˋ,你就來了ieˇ！
阿輝嫂：恁久阿田有著獎嗎？
阿強伯：講到涯該ge隻賴仔…強強會[澼]biag腦筋噢noˊ！
阿強伯姆：唔好講gongˋ了ngeˊ！見笑se！
阿輝嫂：又樣ngiongˋ地ngeˊ了ieˇ呢？
阿強伯：食到一擺甜味mi,著了geˇ一擺獎,唔知好洗手,一直再癲dienˊ下去,贏到的錢不但了liauˋ忒,倒do貼還唔罅la,討餔buˊ娘介本錢也輸suˊ啊va淨淨,講唔聽！
阿輝哥：汝等恁好ho搞六合彩介人啊naˇ！有聽到無moˊ…？
阿梅姐：這下阿田呢？
阿強伯姆：這下好在該ge個細隻的賴仔！
阿強伯：當時涯介餔buˊ娘笑,講麼介殯儀館介頭路無出息！
阿輝哥：你等nenˊ無看新聞,愛去殯儀館上班服務無恁簡單,這下愛考試sii了e喲io！愛經過訓練,臺北也有這種禮儀ngiˊ學校,雖然景氣唔好moˋ,盡多後生sangˊ人蓋愛這份工作。
阿強伯：所以講啊ngaˇ！賭博的頭路唔好moˋ搞較go好hoˋ,這就客家係俗語所講：
合口：贏的nge係礱糠輸的ve係米哪naˊ！
===劇 終 ===
1.礱nungˇ糠hongˊ：碾米後之穀殼hogˋ。
2.碾米：礱穀.礱nungˇ美濃音。碾zan地泥。
3.拼bia生sangˊ拼死：拼命做事.拼biang北部音。
4.[涯]ngaiˇ字改人部首。
5.推tuiˊ磨mo：推有廣.推tuiˊ傷.推cotˋ人。
6.磨mo石：磨米漿。
7.磨noˇ石：磨noˇ刀仔。
8.邸dai：北部音,住hed(南部音)。
9.下遇ngi擺：下一次。
10.麼manˋ人：什麼人.是sii誰suiˇ。
11.麼magˋ介ge人：奈一種人。
12.捽cud：擦cadˋ。
13.[敁]gog門：反掌兩指輕碰門,[敁]gog字占[各]。敲kau門。
14.恁anˋ暢tiong：很高興。
15.樂log暢tiong：消遙ieuˇ快欒。
16.雞嫲maˇ皮：雞皮疙瘩。起寒毛茹guˊ仔veˋ。
17.無moˇ就tu：不然,嘎ga無。
18.然ianˇ而iˇ：若係恁anˋ地neˊ。
19.無moˇ成sangˇ：難道不是。
20.餔buˊ娘：姐ziaˋ仔veˋ,太太。
21.禾voˇ埕tangˇ：三合院前廣場.曬穀的地坪piangˇ。
22.恅lauˋ到doˋ：以為,覺gog到。
23.續sa去：卻去。
24.係he係meˇ：係he唔係me的簡略語。
25.兩儕saˇ：兩人。
26.湊(鬥)deu股：合本做生理。湊ceu牲,湊ceu雙sungˊ。
27.恁anˋ堵duˋ好：這麼巧 。
28.堵duˇ到：遇ngi到。
29.天光暗晡：明天晚上。天(有tienˊ& tiangˊ)光暗晡。
30.乞kiedˋ食仔leˋ：乞丐goi,討食仔。
31.謔nagˋ啊ga吃kied吃滾：吃吃笑個不停。
32.槓gong龜guˊ：外來語(河洛)輸博。
33.撅jied人：石頭丟tiuˋ人。撅又音ad。(摒biangˊ,丟tiuˋ,掉tiauˋ,撅jied)動作不同。
34.打喪songˋ：浪費。喪songˋ失siidˋ。
35.惦(恬)diamˊ惦看：靜靜看。
36.走忒了：走掉了。忒：有hedˋ(南部).tedˋ(北部).pedˋ(東勢)等地方語音。
37.瀉xia衰soiˊ人：唱衰人.發bodˋ掃soˋ,屙oˊ衰人。
38.幾擺baiˋ地ieˊ：幾次而已。
39.幾擺了ieˇ：幾次了,好多次。
40.四腳撓ngia天：四腳朝天。
41.撓ngia：有ngiau等地方語音。
42.撓ngia目：腳放高睡目。
43.又搭dabˋ：而iˇ且qiaˋ。
44.卻hio目：側zedˋ睡。
45.塚zungˋ埔：公共墓地,牛埔坪。
46.義塚tungˋ：收容零散孤魂野骨之地。
47.吂mangˇ知：料想不到。
48.掌得ngeˋ到(豺saiˊ了ieˇ)：看守得有得吃。
49.吃飯(食.喢sa.拉laiˊ)文雅句.另(頓dun.責jidˋ.豺saiˊ.齕fud)等不雅ngaˊ語。
50.入ngib巢sauˇ：迷入深處,變成呆ngoiˇ呆。
51.入神。呆ngoiˇ呆→呆deˇ呆deˇ。
52.分funˊ醒xiangˋ：覺gogˋ醒。
53.明minˇ牌：明顯中獎牌。名miangˇ牌：有名聲的牌號。
54.才nang唸ngiam啊ma忒：剛剛講完。
55.恁anˋ久：很久或最近。
56.倒do貼tiabˋ：虧到本。
57.倒do貼dabˋ：倒到貼地。貼diap肉丸。貼diapˋ紙。
58.唔罅la：不夠gieu。
59.手罅la：手縫pung。
60.罅la罅la啊va：左右腳撥—撥。
61.亍cogˋ亍啊ga：前後撥。
62.人生價值ciid囉loˊ：(囉lioˊ)北部音。
63.樣iong相xiong：樣子。
64.阿姆{女哀]oiˊ噢ioˊ：痛苦求救或快樂極點的呼叫詞,阿乳nen噢noˊ。
65.尋有[啊vaˊ尋無moˇ啊vaˇ]：尋qimˇ有無？
66.[澼]biag腦筋：即中風,[澼]biag字改口部首。[澼]biag開→內張力。必biˋ析sagˋ。
===========
-◆衰漦命運打油詩：無嫖無賭又係窮.緊嫖緊賭越鬆容.蛤蟆腊[拐]無嫖賭.又係抓根囥泥窿–
=◆衰漦命運打油詩：無嫖無賭又係窮.緊嫖緊賭越鬆容.蛤蟆腊[拐]無嫖賭.又係抓根囥泥窿==
-客(四縣)白話語文注解–
1.嫖peuˇ：嫖妓
2.又係me：又是
3.也iaˊ係he：也是(皆是)
4.抑iaˊ係he：或者是
5.緊ginˋ–緊：一直不變
6.鬆容：輕鬆快樂
7.蛤蟆maˇ：大青蛙
8.腊[拐]：背呈腊(皮辣)
9.[拐]guaiˋ：蛙類,[虫另]
10.抓zaˊ根：抓(zauˋiauˋ,zaˊ,saˊ)
11.囥kong：藏匿,[匡]biang王換丙
13.泥窿lungˇ：泥洞
14.衰漦xiauˇ：命運氣差
(本報導主要複習客家白話語文&地方文化)=============