美濃家鄉　山形徵象

【記者廖金明／美濃報導】　在1982(民國71)年介ne時節,有—日在旅南美濃同鄉聚qi會的ie機會中,遇ngi到一位原鄉(廣東梅縣)介ne老地理先xinˊ生sangˊ,對交談之中,知diˊ得dedˋ本人係美濃人,就以自然的ne就講起有關美濃可愛的ie[美濃山]地形山勢來聽,本人聽了ngeˇ一段以後,感覺到非常的nge[臭cu猫屎(有道理)],就在這iaˋ記取—段,提供分bunˊ大家來做茶餘飯後之談,似可幫助消化,清涼補胃,係he唔係me有影iangˋ,請大家試cii看啊na是?

話講這位原鄉老地理先生,有一日專程到可愛的ie美濃來看地理,佢giˇ—看啊na到[美濃山]介ne地勢景色,感覺到美濃山介ne地勢非常的nge特殊su,特殊的ve地方有三點,並指岀山形地勢象徵的ne意i義ngi：

第一點：美濃介nge山群,粒粒都係真尖,從竹頭角介ge尖山仔neˋ到旗尾山,峯峯相連,山尖突tud出,老地理先生講：山管人丁,水管財。山峯介nge尖,表示人才的ie傑kiad出,美濃介nge山,—粒比一粒尖又多,由這iaˋ可預測出,美濃傑出能幹的人才—定多,嘿he ˋ！講啊nga真準！美濃鎮内大街小巷随便一算,大學生像似[秋風吹落葉,到處都係he,同時人才遍布滿天下,這位地理仙仔neˋ,真係有影iang識siidˋ地理！

第二點地理仙又指岀：美濃介nge山群尖又壁[立登]denˇ ,由這點可以知diˊ得,美濃出生的ne人才,多係[忠直]之士。但並不圓滑vad,同時做人做事更至硬ngang頸,不向人低頭,似難同人澈底來[合群,合眾,忍讓ngiong]介nge精神,故所做大官,做生理liˊ經商這方便較go唔(毋)合適siidˋ。

第三點地理仙指岀：美濃介nge山群外貌mau,平時景色迷人,尖直好看,當靚jiangˊ。但係he一到冬天頭,山上[燥西西],竹木落葉,一片荒凉,山上hong又蓋少種有價值的le[經濟作物],因此可猜caiˊ想出,,美濃所岀的人才,必先為了[銭財]所困以後才nang會出頭,由於山頭地勢影響,少有雄厚資本的ne大企業家,大頭家,—般都係公務人員抑iaˊ係食頭路介ve較go多。

原鄉老地理先生同時又講起旗山ne介山形地勢來做比較gauˋ,佢giˇ講：旗山與美濃介nge山形地勢大不相同,旗山介ne山細se粒又矮又圓,會藏水(水管財)做得種水果等等作物,旗山介ne山屬[富]地,旗山介ne山屬[貴]地,故所兩地受山形地勢的e影響,在人性,人少,經濟,文化,政治等等各有千秋。

以上係在民國71年4月由原鄉(廣東梅縣)介ne老地理先生所分析xidˋ[美濃家鄉山形徵象]一段話,係he唔係me原鄉鄉親講的nge有[原裝真話]抑iaˊ係插曲编造的假仙假話。但不管是sii真是假,抑係[畫虎膦]介ne,用意也iaˊ係蓋goi好,大家知得[現在&將來]介ie山形地勢大體ti ˋ上song不變,依舊存在。但係美濃人介ne命運,係唔係同老地理先生所講一樣呢?嘎ga就tu愛看上天介造化與大家介努力與應變了neˇ噢io！(以止請大家暫時信啊na咧leˊ！莫來追論！)
——(本報導主要複習客家白話語文&地方文化)——-◇客家語文：文言文→華語体白話文→客家白話語文(語体文)———-
◇本文(四縣腔)注解：
1.徵ziinˊ象：特别形象意義。
2.原鄉：指大陸客家地方。
3.歸原鄉：指[去逝]文雅話。
4.先xinˊ生sangˊ：術有專精者。
5.知diˊ得dedˋ：知道。
6.臭cu猫屎：頗有道理。
7.分bunˊ：提供,給。
8.係he唔係me：是不是。
9.有影iangˋ：真的。
10.試cii看啊na是(信xin)：試看看。
11.話講：起頭講。
12.佢giˇ：他。
13.—看啊na到：—看到。
14.意i義ngi：聽(意),看(義)。
15壁[立登]denˇ.：陡峭。
16.硬ngang頸：堅硬正直。
17.生senˊ理liˊ：經商。
18.外貌mau：外表。
19.靚jiangˊ：漂亮。
20.大頭家：大老董。
21.抑iaˊ係：或者是。
22.也iaˊ係：同樣是。
23.食頭路：食月薪等等。
24.畫虎膦：閒聊。
25.大體ti ˋ上song：指一般。
26.嘎ga就tu：那麽就。
27.變了neˇ噢io！：變了啦。
28.信啊na咧leˊ：信一信
—————