高樹鄉中華商場廖忠華鄉親　有伊士曼彩色介客家人生

【記者廖金明／高樹報導】　高樹鄉係屏東縣最北片介ni客家鄉鎮,在這鄉肚裡一共有七個li客家村,其中有五村係he使用四縣腔介ngi高樹腔(屏東縣有25村用高樹腔),另外還有兩村使用大路關腔,客家人口數佔全鄉介ngi36%之多,生活上非常有客家[刻苦耐勞]介vi精神,像住在高樹高華商場42號介vi廖忠華(新珍真餐廳介ngi頭家)鄉親,就係一個典dienˋ型介ni模範。

廖忠華鄉親還細到大,天生senˊ生sangˊ來歸身仔niˋ都係有[研究發展]與[無師自通]介ngi細胞與頭腦,所以對各種手藝創作方面更至ji有各種不同輝煌的ngi成就。尤其廖忠華鄉親對中華電信退休下來以後,更至專心致ji力於客家文化,像客家菜色介li研究與開發,實xid在登珍jinˊ,目前在新珍真餐廳介ngi客家招牌菜,像；肉丸,蘿蔔ped粄banˋ,山豪(老鼠)肉,白哥仔viˋ等等菜色,都係比手指jiˋ公一流介,怪唔得佢介妻舅仔viˋ劉教授明宗(現下擔任國立屏教大客家文化研究所所長),登常請教廖忠華有關客家文化介vi實務問題。

廖忠華不但精通有關客家文化介實務問題,又搭dabˋ對書法,油畫,彫刻等方面也係一樣精通。來到高樹鄉高華商場42號廖忠華介新珍真餐廳,都看得niˋ到廖忠華介書法,油畫,彫刻等方面作品,實在係天才介天才,實xid在登珍jinˊ！一般來新珍真餐廳介人客都會行前欣himˊ賞作品,同時緊比手指公稱qinˊ說sodˋ講：廖忠華鄉親無從師拜藝,就有這種功夫，若係有去高深qimˊ來讀這行介ngi大學,嘎ga更至不得了！

廖忠華不但對書法,油畫,彫刻等方面精通,尤其客家樂器也係有一整套,像鋸絃仔niˋ,不管係細枝介胡絃,也係大枝介瓠puˇ絃,只要一落其iaˊ手,就會有美妙好聽的ngi樂聲走出來,怪唔得當多人客來新珍真餐廳食飯時,都愛先打探廖忠華有在餐廳無,原來係愛看聽廖忠華介vi絃板音樂,唔使另外請[那naˊ卡ka西xiˋ]來增加氣氛。尤其廖忠華自家作介gi客家詞曲,再加上絃仔niˋ的美妙音,唔知迷了iˇ一多人客,怪唔得人人稱說餐廳有[新、珍、真]介ni味道！
———-.
※本文客語文(四縣→高樹腔)注解：
1.北片pienˋ：北邊。
2.係he：是。
3.高樹腔kiongˊ：約25%東勢腔,75%六堆四縣腔。
4..歸身xinˊ仔niˋ：全身。
5.登珍jinˊ：很棒。
6.人客：客人。
7.蘿蔔ped粄banˋ：蘿蔔膏,菜頭粿。
8.手指公：一流的。
9.妻舅仔viˋ：小舅子。
10.又搭dabˋ：而且。
11.稱qinˊ說sodˋ：誇獎。
12.其iaˊ手：他的手。
13.瓠puˇ絃：絃肚像瓠一般大,音低沈。
14.嘎ga：反而。
15.怪唔得：怪不得。
16.絃板：絃絲類與打板類樂器。
17.那na卡ka西xiˋ：日語,指伴唱樂師。
18.一多人：多少人。
19.嘴杓sog杓：嘴開開。
20.續sa：反而。
21.靚jiangˊ：漂亮。
22.貌mau極淨：吃得光光。
23.貌mau：大小通吃。
24.畜hiugˋ：養。
25.當多人：很多人。
———–
§§ 廖忠華鄉親當有伊士曼彩色介客家人生圖照 §§
※新珍真餐廳：高樹鄉高華商場42號 TeL：(08)796-2229)