[回顧複習報導-86篇]◆654行差路(戲劇篇)(本篇文字:16,058隻字) [課文一字一語(對照錄音&導讀)](01：40：45分)
![[回顧複習報導-86篇]◆654行差路(戲劇篇)(本篇文字:16,058隻字) [課文一字一語(對照錄音&導讀)](01：40：45分)](https://pingtungtimes.com.tw/wp-content/uploads/unnamed-35.jpg "[回顧複習報導-86篇]◆654行差路(戲劇篇)(本篇文字:16,058隻字) [課文一字一語(對照錄音&導讀)](01：40：45分)")
【記者廖金明／專欄報導】
◆本文一字一語對照錄音&導讀(共01：40：45分)→https://drive.google.com/file/d/1quu0-fZUrkU6y2KupvsMYy_Nszz4Zqfc/view?usp=sharing
第一幕mogˋ ：聽信不實之言:
場景：碼頭附近臨時辦公室
演員：烏vuˊ社會的ie大猴仔veˋ大約50歲,嘍leu囉4人約30歲。女生秀妹、英妹、菊妹、桃妹、冬妹，年約25歲。
服裝：現代穿著
道具：辦公桌、電話、自用車、007小皮箱、便當、酒瓶、皮箱。
(五位小姐擐kuan等皮箱對海邊碼頭上岸ngan,來接應的有4位嘍囉)
甲嘍leu囉：各位隨身帶的東西拿等，跈tenˇ𠊎ngaiˇ兜來。(隨我們來)五位小姐無講話，跈等頭前兩位、後背兩位嘍囉行，來到前面有ㄧ個房間，肚裡有ㄧ間辦公室，同兩個房間。林熊iungˇ大哥在該ge聽電話，同對方講。
林 熊：劉董！嘎ga就請你馬上來…..見面再談。(掛電話)
甲嘍囉：大哥！第一批[貨]到了veˇ。
林 熊：唔ngˋ！這批有幾多儕saˇ(位)。
乙嘍囉：有五儕saˇ人！
林 熊：高雄當缺[貨]中，五儕有較go少兜deuˊ地veˊ！嘎ga就tu先應付劉董好了veˇ！
甲嘍囉：大哥！這批細妹仔，係對鄉下出來的ie。
林 熊：先安排隔壁間先休息，掌zongˋ等nenˋ，毋好分佢兜逃teuˊ走！
乙嘍囉：聽船夫講，第一擺坐船，坐恁anˋ遠隻隻都暈funˇ船。
甲嘍囉：係he毋係me分東西分佢等denˊ食！
林 熊：唔！做得！阿丙,你打電話請人送飯包來！
丙嘍囉：好！(打電話……)。
丙嘍囉：大哥！飯包大約半點鐘就會送到！
林 熊：好！一個一個先帶過來，𠊎先過目！(其中一位，身材靚jiangˊ，林熊iungˇ非常有好感。喊甲嘍囉耳公過來！)
林 熊：第五位留下來，阿丁，帶到𠊎介ie房間，掌zongˋ等nen。
丁嘍囉：好！
甲嘍囉：大哥有眼光！(小弟駛一張自用車，帶等劉董到來。)
乙嘍囉：大哥！劉董來接[貨]了veˇ！
林 熊：請劉董入來坐！(車停好，劉董著zogˋ西裝，小弟擐kuan007皮箱行入屋來。送便當的nge也跈tenˇ等入來)。
林 熊：劉董！先坐一下來。等這兜細阿姐食飽，你就可以帶去了ieˇ！
劉 董：無問題。
林 熊：便當發下去，喊這兜細妹仔遽giagˋ啊ga食(共快食)！(使買主知得[貨]係現hian到do的ve)
劉 董：電話中同你講，新鮮[貨]無騙你噢ngoˊ！
林 熊：嘎ga就tu，一手交錢，一手交[貨]！
劉 董：應該！應該！總共有幾多儕saˇ(人)！
林 熊：人數較go少，只有四儕！
劉 董：四儕！
林 熊：這擺baiˋ因為警察，查較嚴ngiamˇ！
劉 董：按照約束之前談的價錢，一儕十萬，四儕！(同小弟講)
劉 董：拿四十萬出來！(小弟對皮箱仔ngeˋ拿出錢！交分bunˊ林董)
劉 董：林董！算看啊na是sii，這兜錢著cog無moˇ！
林 熊：毋使siiˋ算，毋使算。恩一向講信用的nge！𠊎等一向講信用的(看到這幾位小姐食忒hedˋ便當，靠林熊介耳公邊)
乙嘍囉：佢兜食飽了veˇ
林 熊：劉董！這批[貨]你可以帶走了veˇ。
劉 董：唔！(小弟將車門打開來)
小弟：遵命！(嘍囉，將小姐帶上自用車)
劉 董：林董！這批𠊎先帶走，下次有[貨]繼續連絡！
林 熊：無問題！
劉 董：下次再見！
林 熊：下次再見！(四位小姐，也就莫名奇妙的分劉董介車仔載走了veˇ)
林 熊：兄弟！恩今日的le買賣算順利。(發分四位嘍囉，每人一萬元)
林 熊：來！一儕saˇ一萬元，做獎金。(往屋肚裡喊)
林 熊：阿丁，你先出來！(肚duˋ裡的出來)
丁嘍囉：大哥！發一萬元分佢giˇ
林 熊：這一萬銀你獎金。
眾嘍囉：承蒙大哥！
林 熊：裡面該ge隻細se妹仔樣(仰)ngiongˋ般！
丁嘍囉：蓋goi像暈funˇ船當嚴重，無精神。
乙嘍囉：等大哥你落去，保證就有精神。(將桌上的nge兩罐gon酒打開來)
甲嘍囉：先用這罐酒敬大哥。
(四嘍囉食一罐，林熊iungˇ自家食一罐。眾嘍囉四人食一罐，唔過癮ngian)
丙嘍囉：這下暫qiam時無事！恩兜莫妨害大哥介好事！
丁嘍囉：附近有海產店！恩四儕(人)來去食過癮啊naˋ！(心想，這四位嘍囉真了解𠊎噢io)
林 熊：好！去….去！慢慢食(飲)，慢慢食！較暗啊ma才nang轉來！
眾嘍囉：好！大哥請你慢慢享受！慢慢享受！
林 熊：莫囉唆soˊ！遽giagˋ啊gaˋ走（快走）！(看到四位兄弟出去，將門關等，入房間)。
(眾嘍囉退場)
———–
第二幕mogˋ：尋無人:
◆本文一字一語對照錄音&導讀(共01：40：45分)→https://drive.google.com/file/d/1quu0-fZUrkU6y2KupvsMYy_Nszz4Zqfc/view?usp=sharing
場景：海邊碼頭
演員：黑社會老大約50歲、嘍leu囉4 人約各30歲。
服裝：(同第一幕相同)
甲乙丙丁嘍囉，從外地食醉酒行唔穩vunˋ，橫衝直撞轉來海邊的ne屋仔geˋ，看門開開的，四位嘍囉行入去。
眾嘍囉：大哥！啀兜轉來了ieˇ！(恅lauˋ到林熊還唔mˇ曾qienˇ醒)
甲嘍囉：可能大哥還在該ge享受。
乙嘍囉：恁anˋ暗了meˇ，火也毋開，門也無關。(開燈)
丙嘍囉：阿丁最後入門，你關。
丁嘍囉：𠊎關就𠊎關，小事情！
(阿丁關門，幾位東倒西歪，眠minˇ在地下凳den仔上睡著了！)(林熊夢醒，才發覺床上的nge小阿姐，唔mˇ見忒hedˋ了leˇ(不見了)，衫褲fu隨便穿出來客廳，看到四位兄弟眠minˇ在客廳，但無看到細阿姐仔。
林熊：唉eˋ…. 全部企kiˊ起來！)
眾嘍囉：大哥！
林熊：𠊎問你兜，細阿姐仔呢noˋ！
眾嘍囉：奈nai個細阿姐仔。(心想可能逃teuˊ走了veˇ)
林熊：無成sangˇ偷溜走了veˇ！
甲嘍囉：𠊎轉來門都無關！(證明細阿姐仔逃teuˊ走了veˇ)
林 熊：包准伊iˇ走無路，尋qimˇ倒do轉來！
眾嘍leu囉：遵命！(天上無月光也ngaˊ無星斗，伸cunˊ手也vaˊ不見五指)
甲嘍囉：恁暗am，愛奈nai尋qimˇ?
乙嘍囉：該ge細妹仔，可能分野狗食忒hedˋ了leˊ！
丙嘍囉：無定，分鯊魚食忒囉lioˊ！
丁嘍囉：尋了meˇ幾下點鐘，會天光囉lioˊ，尋毋到了veˇ啦la。
甲嘍囉：轉來去報告大哥。
眾嘍囉：好！(林熊在屋仔geˋ肚裡等候，聽到手下兄弟轉來)
眾嘍囉：大哥 𠊎兜尋轉來了。
林 熊：人呢no ?
眾嘍囉：暗暗尋毋到。
林 熊：大家辛苦，先去睡一下地veˊ，天光才尋。(第二天林熊親自指揮這群手下，還係尋唔到秀妹介影仔ngeˋ，只好放棄hi。)
——–
第三幕mogˋ：逃離賊窟fudˋ:
演員：漁夫約60歲、林熊iungˇ、秀妹、四嘍leu囉
背景：相似第二幕
服裝：現代式
道具：魚籃，釣檳binˊ，木棍 這屋仔的情景，分一個跛baiˊ腳漁夫，看啊na一清二楚。當時利用四位嘍囉離開，行前到這間屋仔。在屋簷iamˇ下觀察當久，無法入去。聽到哀傷的女聲噭gieu
秀妹：不准你過來！不准你過來！
林 熊：莫喊hemˊ，莫喊！妳喊再大聲又乜me無人聽到！(林熊帶等醉意將秀妹身上的nge衣服脫開，將索仔鬆開，林熊將自家身體撳kim等秀妹)。
秀妹：救命噢ngoˊ！救命噢ngoˊ！屋外的漁夫聽到屋內的ie救命聲，想愛衝入去救人！但是！門鎖等nenˋ無法度入去！由於疲勞加上暈funˇ船，無法抵抗兇強的林熊，畀biˋ姦辱了geˇ！林熊食醉酒滿足了慾望以後，秀妹看到這畜牲唔知人事了eˇ。趕緊拿等自家介皮箱，將門打開逃離現場，這時漁夫走在秀妹身旁
漁夫：細se阿姐，跈tenˇ𠊎來！(緊噭gieu之下，又嚇到的神情，看了neˇ一下，唔答漁夫。繼續講)
漁夫：𠊎毋係ne壞faiˋ人，請放心。遽giagˋ遽𠊎帶你離開這地方，嘎ga無等下該ge群嘍leu囉仔食酒轉來，妳一定又會分佢捉轉去。這時秀妹終於知得，前面這位跛腳的ge阿伯，同該ge兜畜cugˋ生sangˊ，唔係共陣人。看起來唔像壞人，也就跈等漁夫離開，手比右片方向行
漁夫：行這邊，較go安全。(海邊有ㄧ隻竹船，漁夫喊秀妹)
漁夫：細阿姐！請你上船。
秀妹：你愛載𠊎去奈nai！
漁夫：先帶妳去另外一個島，會較go安全！
秀妹：𠊎已經分畜牲騙了neˇ，你會騙𠊎無！
漁夫：𠊎人格保證，再三心兩意，毋遽giagˋ走，分畜牲發現連𠊎就會無命！(聽前面這位跛腳阿伯一講，只好將皮箱擐kuan起來。)
秀妹：好！𠊎跈tenˇ你上songˊ船！上了竹船，漁夫趕緊加速撐cang離此地。漁夫雖然跛腳撐船的動作非常老練，一下功夫離開了秀妹傷心的me地方，船漸放慢下來。
漁夫：細阿姐！船仔來到這安全了。(秀妹介目mugˋ汁ziibˋ還係流唔停)
漁夫：細阿姐毋好噭gieu了，妳介目珠啊vaˇ、腫腫囉lioˊ！妳講𠊎有像壞人無！
秀妹；原來你係𠊎救命恩人！承蒙你！
漁夫：細阿姐仔！
秀妹；你喊𠊎名，秀妹！
漁夫：噢oˋ！秀妹，妳蓋像毋係me台灣人，奈nai位人做得講𠊎聽無。
秀妹；唔ngˋ！𠊎介家鄉在廣西鄉下，家庭貧苦！上隻月有ㄧ位仲zung介去到家鄉，講台灣錢沒mud腳目，一個月的錢做得在家鄉生活一年。
漁夫：仲介giai有講來台灣，做麼介工作無！
秀妹；佢講做店員！隨便麼介頭路就有。一隻月薪水兩萬五，加班可以領三萬銀以上。限制30歲以下，機會難得！
漁夫：該ge同共kiung下來的四個細妹仔，妳有熟識無！
秀妹；在船頂才認識的le！佢兜也係仲介招的ve！
漁夫：該ge仲介有抽介giai紹費無！
秀妹；有！一儕saˇ五千元，講台灣的船費佢會付！
漁夫：妳，頭先毋係me講，妳屋家貧窮仰有恁anˋ多錢付仲介呢？(緊噭gieu緊講)
秀妹；本來𠊎下隻月愛訂tin婚了neˇ，為到來台灣，喊男朋友將訂婚的錢，先借分𠊎，付五千元分仲介。
漁夫：五千銀！台幣毋就tu兩萬零。嘎ga妳介男朋友樣(仰)會肯分妳來台灣呢？(又噭啊va蓋goi傷心)
秀妹；佢盡反對𠊎來台灣，係𠊎說服了geˇ佢，𠊎講，等𠊎先來台灣賺了neˇ錢，明年才結婚，奈nai知𠊎…..。(噭啊va又較go大聲，漁夫心想還好海上無人聽到)。
漁夫：該ge隻仲介實在夭ieu壽su！就因為鄉下人，單純好騙！
秀妹；𠊎今無面子轉家鄉，也無面子見𠊎未婚夫，𠊎將就跳海自殺算了！
漁夫：毋好！毋好！千萬毋好講自殺的事！
秀妹；終於到了veˇ另一個小島
漁夫：前面到了！聽𠊎講，目汁捽cud燥zauˊ來！準備下船！
秀妹；這係麼介地方！
漁夫：小琉球！
秀妹；將木船靠入岸ngang邊，這時天色已烏vuˊ暗，附近的燈火已亮。
漁夫：將妳的東西拿好！跈tenˇ𠊎來！
秀妹；又係一個間房，心中想到畜牲住的房間陰影！唔敢入去。漁夫拿出鎖匙將門、將燈打開。
漁夫：秀妹做妳入來，毋使驚！
秀妹；跈等對側zedˋ門入，雖然外表房屋建築簡單
漁夫：𠊎先介紹這係灶zo下！左邊隔壁這間係𠊎房間兼書房，再過來係客廳！
秀妹；跈等後背行，漁夫繼續介紹
漁夫：隔壁這間，係𠊎太太的房間，𠊎喜歡寫作驚吵，所以另這間分太太的做房間。暫時妳就睡這間，門安全有好鎖。再隔壁有洗身間兼便所。
秀妹；嘎！妳介太太呢？
漁夫：走三年了neˇ！
秀妹；去奈nai?
漁夫：五年前𠊎在高雄工業區上班，假日帶吾ngaˊ姐jiaˋ仔veˋ來小琉球遊聊liau時。堵duˇ到這之前的屋主講這屋愛賣，太太建議買。準備來這渡假、看海、食海產較go方便。
秀妹；之後呢？
漁夫：退休之前，因為車禍腳嚴重受傷，在醫院治療了veˇ幾下隻月，變成了跛baiˊ腳，想毋到！
秀妹；想毋到樣(仰)ngiongˋ般！
漁夫：想毋到她嫌𠊎跛腳，看𠊎毋起，將𠊎退休金領去花淨qiang淨！
秀妹；嘎ga，你一定盡恨惹ngiaˊ姐jiaˋ仔veˋ！
漁夫：離開三年了雖然恨來講，𠊎還係想愛知佢最近的生活，毋知過到仰般！
秀妹；有打探到無！
漁夫：這擺去到對岸，問同事打聽到，𠊎太太嫁過人了neˇ！
秀妹；你係毋係盡失望！
漁夫：這就係命啊ngaˇ！(看看壁上hong的nge時鐘)
漁夫：妳一定肚飢giˊ了ieˇ噢io！(將皮箱放房間後，自家去廚房，東看西看無看到柴杈ca)
秀妹；請問柴杈ca在奈，𠊎來煮東西。
漁夫：𠊎這係燒瓦斯，無燒柴杈ca！(家鄉無使用過，唔知樣般用)
秀妹；瓦ga斯siiˋ，𠊎無用過請教𠊎！(教秀妹)
漁夫：瓦斯ㄧ轉碰火就著cog，愛大火就左轉，愛小火就轉上點控制。煮好記得右轉響一聲，火就禁烏vuˊ了veˇ。
秀妹；哇va，恁anˋ方便噢noˋ！(秀妹蓋聰明講過就會。)
漁夫：冰箱打開底肚(裡面)有𠊎釣的魚仔ngeˋ，也有薑giongˊ。
秀妹；好！請你去廳下聊liau，𠊎來煮。(無一久魚湯煮好，蛋炒飯就捧bungˋ出客廳。)
漁夫：樣ngiongˋ恁遽giagˋ！
秀妹；你同𠊎講冰箱打開有魚仔，𠊎看到雞卵又有冷飯，就簡單蛋炒飯。(秀妹當有禮貌，將碗裝好蛋炒飯，擺好筷仔)
秀妹；請食飯。
漁夫：蓋久無食恁香的nge飯了neˇ！(一口接一口)
漁夫：好食！好食！(秀妹終於出現了neˇ笑容，飯後各自洗好身，各自回房睡目)
——-
第四幕mogˋ：虎落平原(陽):
◆本文一字一語對照錄音&導讀(01：40：45分)→https://drive.google.com/file/d/1quu0-fZUrkU6y2KupvsMYy_Nszz4Zqfc/view?usp=sharing
演員：劉董、開車小弟、甲、乙保鏢、院長、四位女生、女經理
背景：妓院
服裝：現代服裝
道具：皮箱(四位細阿姐仔坐上songˊ劉董車，在車上hong)
劉董：各位，自我介紹，啀係劉董事長。
小弟：大家喊劉董。(同這兜細阿姐仔講)
劉董：以後妳兜乜me喊𠊎劉董！妳兜身份較go特殊，屬於偷渡過來的！無台灣的身份證，所以記得千萬不能自由行動。車上四位細阿姐仔、妳看我、我看妳。忽然車仔來到一家五彩繽紛的門口停下！肚裡有兩位保鏢出來！
甲保鏢：劉董辛苦了veˇ！(自稱[董事長]、稱[同居婦]為妓giˊ院[院長]，問甲保鏢
劉 董：院長呢？(打扮花枝招展嘴塗大口紅，旗袍叉開在大腿邊，行出來)
院 長：唉aiˊ喲ioˊ！你若naˊ無遽遽轉來時，一尾大魚強強會溜走噢voˊ！
劉 董：先訂下來毋曉hiauˋ！
院 長：𠊎驚[貨]，毋知會像上一擺[落lau氣kuiˋ]無moˇ。(兩位保鏢帶等四位小姐，擐kuan等皮箱入來)
劉 董：各位見過院長。(四位細阿姐仔，無人回應。劉董在耳公邊)
劉 董：佢兜係鄉下出來介！(笑一笑，了解)
院 長：噢oˋ…，看妳兜毋使講，就係鄉下姑娘，盡好。只要乖乖聽話，包妳兜不但有好食、有好著zogˋ、有好打扮到包妳兜靚jiangˊ……靚靚。(向裡面拍pogˋ拍手)
院 長：女經理(年約30歲、戴假睫qiabˋ毛、穿落背裝、迷你裙、高跟鞋，扭ngiuˋ等腰出來)。
女經理：院長！
院 長：唔ngˋ！這四位正新到的ve！帶入去好好訓練、訓練！
女經理：好！(喊四位細阿姐仔)
女經理：跈𠊎入來！(四位女生心中有數，唔跈入內。就分兩位保鏢用手推送入去(後場)。(打如意算盤)
院 長：這兜鄉下姑娘，看起來還係[純土雞]。
劉 董：係he啊iaˇ！本錢一定盡遽就轉來！(電話響)
院 長：喂veˊ…，張員外！你實在會算！有幾下個[純土雞]堵好(剛剛)才到。唉aiˊ喲ioˊ！張員外…啊iaˇ莫恁猴性啊naˊ.嗄haˊ…暗夜來過夜…價錢有較go高噢voˊ，十萬！唉喲！張員外….這係[純土雞]，難逢的機會呢ne！好…來再講！來再講！(當高興，掛忒hedˋ電話)
劉 董：看妳恁暢tiong(高興)。
院 長：張員外講只要係純的ne土雞，價錢無問題！(向裡面拍拍手)
院 長：經理先出來一下。
女經理：院長有麼介吩funˊ咐fu！
院 長：妳看該ge四位鄉下姑娘，奈nai個較go毋聽話！
女經理：全部就毋聽話！
劉 董：派加兩個保鑣掌zongˋ守，另外暗夜安排兩個保鑣，在張員外房間門把守！
院 長：必要時若毋聽講，好好教訓、教訓！
女經理：𠊎曉得！
院 長：好！先去教這兜細妹仔，打扮、打扮，暗夜開始上班。
女經理：好！(女經理退場)
劉 董：妳處理事情有魄pedˋ力！
院 長：來！入來眠床，𠊎同你按摩、按摩！撚ngianˋ背筋！(退場)
———
第五幕mogˋ：榮獲獎金
演員：漁夫、秀妹
背景：漁夫家
服裝：平常服裝
道具：
經過了一個月，跛腳漁夫同秀妹。共住hed一個屋簷，雖然相互心中產生了愛慕mu，但兩人蓋理智。舉動言語、仍inˋ然保持距離。
漁夫：秀妹，自妳來過後，三餐就係妳煮，今日莫煮！
秀妹：係唔係啀煮的你食畏了ieˇ！唔喜歡食了！(趕緊解釋)
漁夫：毋係me毋係，𠊎真希望今生今世，三餐食妳煮的ve噢ioˊ！
秀妹：嘎ga！你做麼介！講今日莫煮！(拿出信封袋)
漁夫：秀妹妳看，這係𠊎今日接到的ve寫作費，十萬元支票！扣忒hedˋ所得稅還有九萬零langˇ銀。
秀妹：哇va！恭喜！恭喜！
漁夫：所以，下晝zu恩就來去小食店，今日妳就毋使煮(不用煮)！
秀妹：毋過！(知得阿秀介意思，怕外出有麻煩)
漁夫：無相干，𠊎會保護妳！
秀妹：好！(退場)
——–
第六幕：得知同伴消息:
演員：漁夫、秀妹，泥水工阿松、阿享、阿恭、阿牛，小食店老闆
背景：小食店
服裝：工人服、餐服、一般服装
道具：小菜、細桌仔等(一間小食店，四位水泥工入內)
老闆：入來坐，入來坐！(四位泥水工，在凳仔上hong坐下)
老闆：愛食麼介！有三層肉、豆腐乾、海帶、炒青菜盡多！
阿松：有麥酒(啤酒)無moˇ?
老闆：有!愛幾多罐！
阿享：玻璃罐，先來兩罐！
老闆：好！點麼介菜！
阿恭：阿牛你去點菜(由於阿牛驚老闆聽唔識，行前去比豆乾)
老闆：噢oˋ！豆腐乾！好！(拿豆腐乾開始切)
老闆：切一多?
阿 牛：先…..先……先…..切。(老闆拿著豆腐乾，依照阿牛所講的nge開始切……)
老闆：愛切幾多。
阿 牛：切……………….切。(老闆心想這次遇到好主顧了veˇ，頭低低盡量再切)
老闆：愛切幾多錢。
阿 牛：切……切………….切。
老闆：𠊎手都切軟了neˇ，到底愛切幾多錢。
阿 牛：切…….五塊錢。(老闆險hiamˋ險昏忒hedˋ)
老闆：麼介啊iaˊ！切五塊錢！害𠊎切歸太盤！(眾人大笑一場)
阿松：老闆你怪人毋得！
阿享：阿牛有鴃(結)giedˋ舌，唔曾qienˇ講忒hedˋ，你菜刀就開始切！
阿 牛：怪…….怪𠊎……毋….得！
老闆：今恁太盤又切好了，賣分麼manˋ人！(算自家衰soiˊ)
老闆：這盤豆腐乾，將就半買半送，請你兜算了neˊ！
眾人：承蒙老闆！(有恁anˋ多豆腐乾半價好食，愛感謝阿牛)
阿松：阿牛來𠊎敬你！
阿享：阿牛𠊎乜me敬你！
阿恭：阿牛𠊎乜敬你！
阿牛：哈haˋ哈哈！…。(秀妹為了唔傷漁夫自尊，故意打扮蓋老氣來到小食店)
老闆：入來坐！入來坐！(安排漁夫同秀妹，在四位工人隔壁的細se張桌坐)。
老闆：先生、太太請坐！(秀妹分老闆恅lauˋ到doˋ漁夫的太太，漁夫詐za唔知！)
漁夫：阿秀這坐！(第一次聽到別人稱呼，頭磬qinˋ磬滿面燒熱的le)
漁夫：秀妹，妳面(臉)樣(仰)ngionˋg恁紅！(緊摸面)
秀妹：奈nai有啊vaˇ
老闆：愛先生點菜，還係你太太點菜！(秀妹更加見笑(不好意思)，頭又更加低)
漁夫：食客家粄條、三層肉切盤、高麗菜用炒，毋好放忒tedˋ多油，也毋使放味素、樹豆仔湯！
老闆：好！等一下，煮好𠊎會捧bungˋ來！(隔壁桌食了一些xidˋ酒，四人無vuˇ話不談。坐在隔壁桌的秀妹也就罔mongˋ聽！)
阿松：該ge院長的張嘴實在厲害，樹頂的鳥仔都會畀biˋ拐guaiˋ下來。
阿享：係呀！若naˊ無，恩四儕行對該ge過，仰會分佢拐落去。
阿恭：係乜me，講麼介鄉下新來的，四個[純土雞]仔！
阿牛：四…四個……全係…妹..妹
阿松：係乜，麼介英妹、菊妹、桃妹、冬妹四隻妹！(阿秀聽到同伴名，一時面色無共樣)
漁夫：秀妹妳仰般，奈nai毋爽快係無！(細聲同漁夫講)
秀妹：隔壁桌該ge兜人講的四個名仔，同𠊎共下來台灣同伴的姐妹仔名樣(仰)ngiongˋ共樣?
漁夫：無成sangˇ…。(喊秀妹)
漁夫：繼續聽佢giˇ兜講。
秀妹：唔ngˋ！
阿享：你講，該ge四個新來的，奈個較go靚jiangˊ！
阿恭：各有特色，𠊎點該個毋會使saiˊ奶naiˊ(使saiˊ奶naiˊ)
阿牛：冬……妹，較go….靚。
阿松：𠊎感覺該兜deuˊ(那些)細妹仔，毋係自願的ne！
阿享：阿松你恁仰講，𠊎就聯想𠊎點該個菊妹，背囊東一塊烏青、西一塊烏青。
阿恭：𠊎點那個桃妹，同𠊎服務的態度，就當毋mˇ甘願。(冬妹見阿牛講話結舌，心感同情)
阿牛：冬……妹，對….𠊎當好。(牆上的壁鐘一點了meˇ)
阿松：會一點囉lioˊ，來…桌上自家面前的酒菜清一清。
阿享：下晝大家煞sad ˋ猛mangˊ啊ngaˋ，事做分佢忒。
阿恭：係啊ia ˇ，嘎ga無來這小琉球做一組事se真麻煩，愛過太海。
阿牛：有…好坐….船…當好聊liau。(漁夫去同老闆結帳)
漁夫：隔壁桌總共幾多錢！
老闆：你係講伊等四位食的。
漁夫：𠊎請！(看一下帳單)
老闆： 980元。
漁夫：𠊎該ge張桌幾多錢。
老闆：450元。(拿出一千伍百元分老闆)
漁夫：剩(伸)cunˊ的ne，毋使siiˋ找，做小費。
老闆：好、承蒙。(付好帳回原位桌)
阿松：老闆結帳！(行前來)
老闆：隔壁桌這位先生，付清了。
四人：隔壁桌先生！(漁夫頷ngamˋ頭)
阿牛：恁….仔ziiˋ細se。
阿松：小琉球的人實在好意。
阿享：有影，恁好意？
阿恭：係啊iaˇ，恩毋相識哩。
漁夫：這下你兜同𠊎講話，就相識了leˇ哩。(大家大笑!)
漁夫：𠊎想請教各位先生。
阿松：𠊎兜毋係麼介先生，只是一般做泥水的ie。
漁夫：那就係泥水師傅fu。
四人：壞勢se，做工人得斯sii(而已)。
漁夫：先自我介紹，𠊎係一個喜歡寫作的人。頭先聽你兜講有接觸英妹、
菊妹、桃妹、冬妹四個係妹介名仔ngeˋ！
阿松：你偷聽𠊎兜聊天噢noˊ。
漁夫：係你兜講話無揜giemˇ 蓋，大家就聽到。
阿享：樣(仰)ngiongˋ般！你也ngaˊ有興趣乜meˇ?(看看秀妹)
阿恭：你毋驚你太太食醋cii。
阿牛：嘻hi………
漁夫：𠊎對她兜細妹仔，毋係me同你兜共樣的興趣qi。
阿松：你講的𠊎聽毋識。(其他工人也莫名奇妙，搖頭)
漁夫：係恁anˋ仰，𠊎家鄉的朋友搭dabˋ信愛尋qimˇ。就係你頭下講介英妹、菊妹、桃妹、冬妹，一直無消息！
阿享：你愛去尋這兜，係細妹仔名仔ngeˋ噢ioˋ！
漁夫：所以透過你兜幫忙，能夠親自去看係毋愛尋的me人。
阿恭：若naˊ係完成心願，恩兜乜算做好事一件噢noˊ。
阿牛：功….德..無….量。
阿松：恩兜盡力幫忙，𠊎等將這兜泥水事se做忒。臨暗5點碼頭相等，帶你去尋人。
漁夫：好！一言為定(眾人分開)
———
第七幕mogˋ：搶救:
演員：漁夫、泥水工阿松、阿享、阿恭、阿牛、女經理、英妹、菊妹、桃妹、冬妹
背景：妓giˊ女院
服裝：工人服、一般服，艷麗服
道具：
四位細阿姐仔羊入虎口，分人賣到妓女院，過日如iˇ年，分人當成搖錢樹。行動分人監視，若naˊ係有一些xidˋ不順從，不但分女經理罵，甚至保鑣還會拳打腳踢，每天以目汁流滿面，生唔當死，完全無自由。臨暗時漁夫拿等nenˋ秀妹交代的同伴相片，同水泥工離開小琉球坐船來到五彩繽紛的ne都市。
阿松：恩先來警察局報案。
漁夫：做毋得報案，佢兜細妹仔係[偷渡客kiedˋ]。
阿享：嘎ga愛仰般正好。
阿恭：指名帶出場。(拿出一疊錢)
漁夫：這兜deuˊ錢，應該罅la。
阿牛：好….𠊎愛..指…..名….冬妹。
漁夫：𠊎去轉角該ge間冰果店等你兜，千萬毋好[落lau氣kuiˋ](不要有破綻)。(比手勢)
眾人：安啦!
(漁夫退場)
(四位工人，整理身著衫褲fu，大大方方去妓女院)
女經理：哎ai喲io噢oˇ！你兜就係上擺光臨過的客官係嗎?請坐、請坐。(裝啊nga老神蓋在cai，東看西看)
阿松：仰無看到[董事長]同[院長]?
女經理：噢oˋ！分局請佢兩儕saˇ去。(反應遽giagˋ)
阿享：[董事長]同[院長]無在coiˊ，該ge[院]肚介事情你可以做主嗎？(趁此機會，故意)
阿恭：這件事[院長]答應過𠊎四儕人介事，講做得指名愛帶出場。
阿牛：著cog……！
女經理：毋過現時這[院]肚，淨剩(伸)cunˊ四個鄉下姑娘。(塞紅包分她)
阿松：[董事長]同[院長]，這事有答應𠊎兜了veˇ。
女經理：正經噢noˋ！
阿松：正經講[嚎hauˊ曉xiauˇ](假的)！(開玩笑，講落lau氣kuiˋ，還好，無注意聽出話的意思)
女經理：好!你兜等一下，𠊎去喊佢兜打扮、打扮！
阿享：毋使打扮，毋使打扮。(四位水泥工還是有些xidˋ把baˋ緊張，果然四位細阿姐仔蓋遽出場)
女經理：妳四儕(位)出去，好好服務知無moˇ。(四位細阿姐仔無回答)
女經理：帶出場的價錢。(講到錢)
阿恭：訂金上擺就繳分[院長]了ngeˇ，剩的ne會同[院長]算。
阿享：莫愁、莫愁，𠊎兜同妳介nge[院長]有特別交情。(交代幾位女生)
女經理：天光朝zeuˊ晨六點之前，若無轉來愛扣kieu錢。(吩咐四水泥工)
女經理：規定天光朝晨六點之前，若無轉來愛加貼錢喔。
四水泥工：錢抆vun豆油(醬油)又食毋得，天光朝晨再講。信以為真，四位水泥工，一人帶一個離開。來到水果店，漁夫拿出相片一一相對照
漁夫：果然無毋著，英妹、菊妹、桃妹、冬妹。
眾女：你仰會識𠊎兜介名仔！
眾工人：你兜堵duˇ到貴人了neˇ。
漁夫：著cog、𠊎愛救妳兜離開！
桃妹：𠊎兜仰會知，你兜好人也係壞人。
漁夫：係秀妹，拜託𠊎出面介ne。(拿出相片出來)
漁夫：這就係秀妹拿分𠊎做證據的ie。
英妹：好！𠊎倒do轉去拿衫samˊ褲fu。
阿松：好不容易，想辦法帶你兜出來，你這下轉去，毋就tu又自動落籠longˊ仔ngeˋ。
菊妹：該ge恩介衫samˊ褲fu，樣格gadˋ煞sadˋ！(將該疊錢還分漁夫)
阿享：堵好保鑣跈tenˇ[董事長]、[院長]請去分局，𠊎兜利用做水泥尺寸原理對付。
漁夫：魔高一尺，道高一丈的原理係無！
阿牛：係….啦。
阿松：𠊎就塞sadˋ一個賁punˊ賁的ne紅包，分女經理，人就帶出來了ieˇ。
阿恭：你知一多錢無?
漁夫：幾多?
阿恭：兩百元。
阿享：雜貨店換的ne。
阿牛：𠊎…..想的。
漁夫：你兜泥水師傅的頭腦實在好。
眾水泥工：嘻hiˋ嘻嘻………。
漁夫：小錢辦大事！
阿松：𠊎四儕參詳過了veˇ，錢一定愛交還你，救人大家有義務。(看這幾位著恁靚的衫褲，去小琉球唔妥當)
漁夫：嘎ga，𠊎同妳兜買過衣服。(眾女感動又流下目汁，面向水泥工)
眾女：承蒙大家救命之恩。(再面向漁夫)
眾女：承蒙阿伯。
漁夫：閒話莫講，𠊎帶你兜去小琉球，同秀妹商量再做打算。(大家準備離開，有些xidˋ把baˋ難分難捨)
阿牛：冬…妹再見。
漁夫：歡迎你兜有閑才來小琉球，𠊎會再去小食店請你兜噢voˊ!(這群水泥工人，經過漁夫解說了解，共同合作終於救出這群細阿姐仔跳出火坑hangˊ。
(退場)
———-
第八幕mogˋ：同伴重逢:
演員：漁夫、秀妹、英妹、菊妹、桃妹、冬妹
背景：小琉球
服裝：一般衫褲fu
道具：
漁夫帶領等nenˋ這群細妹仔，路過服裝店，先買了ieˇ一人一身一般的換洗衫褲。也順便選一套自家拿等，趕上最後一班往小琉球介船班。看得neˋ出來這群女生的表情ㄧ直埋藏congˇ陰影。漁夫也驚怕意外發生，時刻保護等佢等，終於歸到小琉球。秀妹在家等
漁夫：秀妹！妳看麼人來了。(打開門，見到這兜姐妹，五人攬lamˋ做共下大噭gieu一場)
漁夫：好！大家毋好噭了veˇ！秀妹，有東西好食無！
秀妹：有！
漁夫：係煮豬腳麵線嗎？
秀妹：係啊iaˇ！
漁夫：好。(掉tiauˋ一包紙袋分秀妹)
漁夫：這係妳介nge。
秀妹：麼介ge。
英妹：噢oˋ！原來佢買這包係愛送妳介噢ioˋ！
秀妹：妳兜毋好笑𠊎！
漁夫：秀妹，愛煮加一些xidˋ才謼la(夠)食。(講忒走入自己房間。這幾位細阿姐仔看在眼裡，偷偷問)
菊妹：佢係麼manˋ人。
秀妹：係𠊎救命恩人。
冬妹：妳也ngaˊ係分佢救的ve噢ioˋ？
秀妹：唔！食飽夜，恩大家才來慢慢講。(秀妹已經習慣了neˇ這個家)。
————
第九幕mogˋ：籠longˊ仔ngeˋ的ie鳥仔飛走了veˇ:
演員：保鑣、[院長]、劉董、女經理
背景：妓院服裝：保鑣、院長 烏vuˊ衫烏褲fu，[董事長]夾克西裝褲、「院長」開叉旗袍、女經理迷你裙落背裝。
道具：
(保鑣、院長、劉董幾儕saˇ人，對分局轉來妓女院。)
劉董：以後，無𠊎同[院長]介命令，不準你兜再過亂惹ngiaˋ事情了neˇ。
保鑣：遵命(退場)
院長：你看，走一轉分局浪費幾多時間。(見大家轉來)
女經理：院長、董事長你兜轉來了ieˇ。
院長：有麼介大人客無moˇ！
女經理：有四位人客，佢兜講同院長有特別交情，依照妳交代辦理。
劉董：有麼介特別交情的人客。
女經理：這四個識共下來過，一點鐘前來時，指名帶恩院肚小姐出場服務。
院長：恩院肚現時小姐無幾多儕，那有好分人客帶出場。
女經理：佢兜講院長係妳答應過了veˇ。
院長：毋就堵到鬼，答應過麼介，嘎ga妳仰般處裡。
女經理：就安排該ge四個細妹仔，帶出場。
院長：該ge四個細妹仔，本錢就唔曾qienˇ賺轉來，樣(仰)ngiongˋ做得安排出場呢？
劉董：有喊佢兜幾多點轉來無！
女經理：𠊎有同大家講，本院的ne規定，超過夜12點同天光日六點介價錢無共樣。
劉董：人客仰般講。
女經理：佢兜講，規矩大家知！
院長：嘎ga妳定金收幾多。
女經理：佢兜講一抹madˋ煞sadˋ(全部)同院長談過了！今日來補帶細妹仔出場！(在旁聽了)
劉董：此事有問題。
院長：恁重要的事情，妳仰無打手機仔，同𠊎報告，自作主張。
女經理：𠊎想妳兜在警察局，所以毋敢打。
劉董：𠊎看這事毋係恁anˋ單純。
院長：難怪頭先轉到路上，𠊎介目珠皮緊跳。
劉董：希望這件事情，毋會有恩想像的恁壞才著cog。(非常不高興對女經理)
院長：這四個細妹仔，最慢天光朝晨六點有轉來最好，若naˊ係he無轉來，看妳仰般交代。(看有嫖客來)
劉董：先下去。
女經理：好。(劉董、女經理(退場)同嫖客打招呼)
院長：客官！入來坐！入來坐！(坐了veˇ一下)
嫖客：聽講妳這[院]肚裡，有幾下個[純土雞]，𠊎今晡日特別來捧場！
院長：有啦！毋過！恁堵好這兜細阿姐今日休假，天光日才會轉來上班。
嫖客：有恁anˋ堵duˋ好。(起身準備走)
院長：請等一下，𠊎同安排本[院]，女經理同你服務好嗎？
嫖客：女經理噢ioˋ！無興趣。(看到嫖客退場，向肚裡喊)
院長：董事長，出來研究一下。
劉董：仰般人客無交官(捧場)嗎？
院長：這隻人客真硬殼hogˋ，指定愛[純土雞]，講愛安排其他細妹仔，翻頭做佢走。(無精打采)
劉董：啀看妳無心情做生理liˊ，天光日才營業，早啊va休息哪naˊ！
院長：若係該四個細妹鬼仔，無轉來，恩生意仰得生死啊iaˇ！
劉董：莫想恁多，等天光朝zeuˊ晨，若無轉來才講。(妓院今日提早打烊，院長歸暗晡仔翻bienˋ來翻去，醒來了)
劉董：看妳昨暗晡毋係好睡噢ioˊ！
院長：係乜當久才睡忒hedˋ，還毋係愁該四個細妹鬼仔，毋知會轉來無。(看出窗外蓋像天光了ngeˇ)
劉董：天光了。(將窗簾打開)
院長：六點了meˇ嗎maˇ?
劉董：五點半了neˇ。
院長：遽giag遽，好起hiˋ來了ieˇ。(趕緊起來梳妝整理)
院長：你先去開門。
劉董：唔曾qienˇ六點。
院長：一下地veˊ就六點，人客帶細妹仔轉來，順便帳結結啊la哪naˊ！
劉董：𠊎知，做妳去梳妝。(坐在櫃檯看報紙，院長梳妝好捧mungˋ等咖啡)
院長：這杯咖啡你介nge！
劉董：噢oˊ！恁仔細！(看看時鐘，規定時間已過半個鐘頭)
院長：哎aiˊ..哎，六點半了，樣(仰)無看到魂也naˊ影啊ngaˇ！等下轉一定愛罰超時間錢。
劉董：隨你打算！
院長：第一擺堵到，恁無守信用的人客。目珠緊看路過人，時間一分一分、一點一點鐘過。無看到四個細妹仔倒do轉來，心中開始急了beˇ。
劉董：𠊎看佢兜毋會轉來了！
院長：無moˇ成逃teuˊ走了veˇ哪，來去報警。
劉董：報警，四個細妹仔唔曾qienˇ捉到，𠊎看，恩兩儕會先坐籠longˊ仔(坐牢)。
院長：仰會?
劉董：仰毋會，這四個細妹仔，恩係用不法的方法買來的呢ne！
院長：喔！又係噢ioˊ！(喊甲乙保鑣出來)
院長：你連絡所有妓院，喊大家幫忙，若有看到本妓院的四個細妹仔請送轉來，有大大的ie賞金。
甲乙保鑣：好！(退場)
(劉董、院長用盡方法，也就尋qimˇ唔到四個細妹仔的踪跡，生理越來越差。)
院長：收入緊來緊少，劉董你愛想辦法啊baˇ！
劉董：毋就𠊎再試問看林熊iungˇ，最近有[貨]無！(電話開始連絡)
劉董：林熊大哥，最近有[貨]無！….你係講天光日有一批，有人註zu文(訂)的。噢oˊ…，電話講無詳細，𠊎同𠊎介[院長]親自拜訪你再談。…好見面談！(掛忒電話)
院長：問到仰般。
劉董：天光日有一批會來，毋過分人註文(訂)了veˇ！
院長：嘎ga！仰格gadˋ煞sadˋ呢？
劉董：𠊎講愛帶妳去拜訪佢，無定林熊改變主意，將[貨]先賣分恩，又乜me無一定。
院長：好，天光日恩帶兩個小弟，共下來去！
劉董：做得。(第二日，劉董、院長同兩個保鑣，來到林熊介nge臨時住處)
林熊：大家請坐。(做介紹)
劉董：𠊎介紹這係[院長]。(打招呼)
院長：你好。
劉董：林董有關[貨]的ve事。(甲嘍囉轉來，在耳邊)
甲嘍囉：[貨]到了。
林熊：無moˇ相關，帶入來。
乙丙丁嘍囉，帶等三個20歲介細妹仔入來。忽然一群武裝的警察衝入門，每位警察分配，槍對著每個人，一聲令下海警隊長：雙手掩emˊ頭，全部不准動。(隨後一網miongˋ打盡，將一個一個用手拷卡仔卡在手上)
海警隊長：全部人帶上囚車，先到海防警察局。
林熊：做麼介將𠊎兜捉起來。
海警隊長：𠊎兜警察查到證據，你兜非法人肉買賣行動，經過所屬xiug事實，直接送到看守所。這群人，啞aˋ口無言，只好承認全部坐監gamˊ。(退場)
————
第十幕mogˋ：火坑hangˊ得救:
演員：漁夫、秀妹、英妹、菊妹、桃妹、冬妹
背景：漁夫家
服裝：一般服裝
道具：
漁夫將這群女生救出來，住在自己家中。商量結果，請漁夫好心做到底，想辦法送伊等轉家鄉。這日漁夫到碼頭，打聽到有漁船近日愛去對岸的船班。準備歸屋家同這群細妹仔講，在路上順便買份報紙。發現新聞寫道
漁夫：在港邊有不法集團，林熊、劉東等共十人，專門引inˋ誘iu海外女生買賣不法行為。經海防署查實，一網打盡送入看守所。(看完這個報導，腆tiamˊ放忒hedˋ自家跛腳，半拐半走歸屋家)
漁夫：秀妹，好消息、、、好消息。
秀妹：看你恁暢tiong(高興)，麼介好消息。
眾女生：係啊iaˇ！麼介好消息！
漁夫：第一好消息，報紙寫講妓院[院長]、[劉董]，林熊等這群惡霸，全部分警察捉去坐監gamˊ了meˇ。
眾女生：真的噢io。眾細阿姐仔的目汁又流出來，這個消息一時無法形容，分唔出是喜還係悲biˊ
秀妹：上天有目珠！
漁夫：第二好消息，近日有船期到對岸ngan。
英妹：恩兜做得轉去了ieˇ。(眾女生的目汁又像落雨，流唔停，緊噭gieu)
菊妹：𠊎實在毋敢轉去。
桃妹：係啊iaˇ！大家就有共樣心情。
冬妹：但係，若無轉去，恩無台灣身分證！萬一分警察查到更加慘。(大家想回家考慮，人財兩失，進退兩難)
漁夫：𠊎忽然想到一個方法，𠊎帶妳兜轉去。
秀妹：你帶𠊎兜轉去。
漁夫：毋係轉去妳兜鄉下。
菊妹：嘎ga去奈naiˋ?
漁夫：𠊎最近寫作盡有靈感，所寫的著作費收入的be錢，做小生理本錢無問題。知妳兜恁會煮食，開一間小食店。
桃妹：你做老闆。
冬妹：𠊎兜洗菜、洗碗、做廚師。
秀妹：好噢voˊ！
漁夫：對！大家煞sadˋ猛mangˊ賺了錢，到了過年過節帶兜錢轉去，分爺哀做一個交代。
眾女生：承蒙老闆！
漁夫：哈哈哈…..。(照大家計劃，離開小琉球，回轉對岸(退場)
———
第十一幕mogˋ：歸鄉:
演員：漁夫、秀妹、英妹、菊妹、桃妹、冬妹
背景：碼頭、小食店
服裝：一般服裝
道具：[小食店]招牌
離開小琉球，這五位細阿姐仔，終就歸到自己有身分證介地方。對岸的ne店面比起台灣便宜多了。在鬧區租下了veˇ一間店面，六人省sangˋ食省用。經過了一個月賺了neˇ一些xidˋ錢。
漁夫：各位小姐，這隻月比上隻月又增加收入。大家恁煞猛，一儕發兩千銀做獎金。
眾女生：老闆，𠊎兜毋使用到錢！
漁夫：𠊎介意思係大家轉來恁久了，日日恁煞猛無聊liauˇ，天光日休息一日！
英妹：老闆處處為恩大家設sadˋ想。
漁夫：𠊎介意思大家轉屋家一轉，後日才到轉來做生理。
眾女生：承蒙老闆、做得分恩轉屋家看看啊naˋ。
漁夫：大家自由選擇，轉毋轉來做生理，莫勉強。漁夫趁ciin這個機會考驗，包刮guadˋ秀妹以及這兜細阿姐仔，看啊na是sii係毋係，做得幫忙來開店
菊妹：天下難尋這樣的老闆，𠊎一定會倒do轉來。