2024-11-26

[回顧複習報導72]◆635溪埔寮登仔哥講：[阿德同幫筒仔]介故事(文章篇)&(戲劇篇)　[課文一字一語(對照錄音)]

2024-11-25
[回顧複習報導72]◆635溪埔寮登仔哥講：[阿德同幫筒仔]介故事(文章篇)&(戲劇篇)　[課文一字一語(對照錄音)]
【記者廖金明／專欄報導】
◆在客家有300年之久的[阿德同幫筒仔]故事,用客家(四縣)白話語文記載,並將課文一字一語(四縣話)對照錄音)：
敬請點閱→[(文章篇 18：58分)&(戲劇篇 31：13分)]→https://drive.google.com/file/d/1Hld8Mxo39JHCBt7k1DY1j9YnH2VnIwyU/view?usp=sharing
本故事在1956(民國45)年,在上溪埔寮廖乙丙鄉親討姐jiaˋ仔veˋ介ie前一暗晡,敬天公完神忒hedˋ,眾鄉親就qiu集在廚下等食點心,溪埔寮相當有人緣的ne[登仔neˋ哥],講出[阿德同幫筒仔ngeˋ]介ie故事(本故事有300年之久的ve失傅老故事) 先來做止飢。當時筆者聽了ngeˇ以後,記取在心,不時發表在[月光山誌]以及在電台所主持的e[客語節目]中,宣傳&推廣[客家白話語文]介運用。希望眾鄉親讀本文之前先熟看[本文客話語(四縣腔)注解],並協助推廣流傳[阿德同幫筒仔]介故事。(本故事下期改編成戲劇篇：阿德藉幫筒靈感  詐遍天下  險險哀oiˊ哉zoiˇ)。
——
     [本文] 頭擺！頭擺！有一個人名安到doˊ阿德,這個人通常時節都係在街仔上hong,亍cogˋ上亍下無事se做。但是佢介滑vadˋ虛hiˊ係一等會,也可以講得唔係蓋實在的人,全莊人也唔係蓋相信佢。

     有一日當晝zu頭,就亍到人屋家去聊liau,堵duˋ好這家人介心舅將當晝飯菜煮好了veˇ！將菜放在棧can櫥仔上,緊等頭家歸來食,這位阿德遠遠就分佢偷看到棧櫥仔肚裡放的係麼介菜,佢行前來就將手中拿的幫筒仔來幫一下；幫pong幫幫！幫幫幫！你炒的蘿蔔ped角放在棧櫥仔角上hong囥kong！嘿heˊ！真準！阿德又再幫一下；幫幫幫！幫幫幫！汝炒的丸錢放在對di中dungˊ上囥！唉ai噯oi！項項都係分伊幫到真準！這個事情分頭家知得了leˇ以後,也係蓋唔相信,就喚vonˋ佢第二日再來幫看哪na是sii咧leˊ！係唔係有影恁anˋ壁biagˋ！同時講：假使幫pong得ngeˋ準！就分汝食！。
    第二日,阿德依約也來到了veˇ,該ge婦人家事前就將伊炸的豬油渣zaˊ,[庰biang]到好勢！好勢se！[庰biang]在棧櫥仔介拖箱仔肚裡,阿德來了ieˇ以後,就將佢特製介幫筒仔拿來一幫！幫幫幫！幫幫幫！汝今晡日炸的豬油渣囥kong啊nga在拖箱仔上囥kong。唉aiˋ！阿德樣ngiongˋ恁會？真係準！真係準！該ge婦人家就將一大碗公介豬油渣捧bungˋ來分佢食,阿德今晡日行運了neˇ！自從都唔識食過豬油渣zaˊ。這下, 佢三口作兩口扒paˊ,兩下手板扒到極kid淨！當佢食過了veˇ以後,該婦人家正想到冷豬油渣無摻camˊ鹽,食了leˇ以後包佢屙oˊ大瀉巴！過了一趟tong地ngeˊ！無唔著cog！阿德介肚笥siiˋ就一陣一陣緊滾,阿德就緊行緊解kieˋ褲帶仔走到豬欄介屎缸下去。由於阿德著的屐仔,行起路來大麻鼓聲,將豬欄下介豬嫲maˇ嚇到,跳tiauˇ落豬屎窖gau仔肚裡。阿德這隻猴哥也係蓋刁古董的人,也唔將上面的事情同頭家講。恁地neˊ！就轉屋家去了！

      到了veˇ日頭落山斷烏的時節,主人愛來餵豬嫲,豬欄下一看,豬嫲唔見忒hedˋ了leˇ,全家人揹bi等燈盞zanˋ火,將屋前屋背尋上尋下,大家尋到會死。最後伊介心舅正再想到doˋ,係唔係請阿德拿幫筒仔,來幫一下看知麼？賭[犀linˋ]造化,好啊vaˇ！就去隔gabˋ壁莊請阿德來試cii看哪na咧leˊ！所以就吩咐人去喊阿德來。 阿德知得某頭家吩咐人來請佢去[幫pong]豬嫲介下落,佢也詐意講：𠊎平常都係亍街仔介人,涯奈有辦法！全莊人都卑piˋ視涯係亍街仔介人,𠊎奈有法度！阿德分人三要求四要求,屐kiag仔geˋ一著zogˋ,幫筒仔一拿,也就共下去了ieˇ。
     初下來到某頭家介屋家時,將幫筒仔詐事屋前屋背緊幫！後來賭斷真,就來到豬欄下連幫三聲；幫幫幫！幫幫幫！汝介豬嫲跌落在豬屎窖gau仔veˋ上hong！主人遵照指示,緊緊將豬屎窖仔介蓋打開來一看,果然無唔著cog,老豬嫲沈ciim到半條命！滿身都係豬屎, 伸(剩)cunˊ到兩蕾目珠緊貶bienˋ白,主人亂緊緊到doˋ喊人將豬嫲扛起來,同時一再感謝,好得德這個幫筒先生！真係壁biagˋ！所以名聲樣地就一傳十,十傳百,名聲一下地veˊ傳遍了neˇ幾下個庄頭。

     後來,有一日將頭前的消息,傳到皇帝耳公肚裡來,都好同皇帝扛轎介轎kieu夫,一個名安到[蛤蟆] ,一個名安到[辣lad拐guaiˋ] ,佢等兩人以前同阿德有唔堵duˋ好過,佢等兩人這下就想計調tiau愛來害阿德幫筒先生,試看哪咧阿德介幫筒仔係唔係有影恁壁biagˋ。假使無影來騙到皇帝,該時節皮就愛弓giungˊ緪henˇ,無打四十二大板絕對唔會來束sod事。所以蛤蟆伊等兩人就將皇帝介玉印,偷來[庰biang]到竹頭空肚裡。第二日,皇帝發現玉印唔見了neˇ！緊緊問左丞siinˇ右相有人看到嗎？大家都係講無看到,最後蛤蟆兩人就獻hian計同皇帝講：現下,某庄頭有一個幫筒先生,幫筒仔拿來一幫就能知下落。皇帝以前也曾qienˇ經識聽過,這下不妨fongˇ一試cii,所以皇帝就降下聖旨,命令蛤蟆佢等兩人扛轎來請鼎dinˋ鼎有名介幫筒先生。

      這兩位扛轎介非常高興,領了neˇ聖旨就來到幫筒先生屋家,猴形鬼相顯hianˋ出聖旨分阿德,阿德隨時兩腳落地一跪,雙手接來一看,慘camˋ！ 慘 ！慘！前日目珠皮緊掣cadˋ！緊跳！原來就係弄假成真,大禍臨limˇ頭了veˊ！阿德面甲gab青,腳搭緊惇zunˊ,唔知愛樣地neˊ！唔去又做唔得,所以明知殺頭也愛去,阿德也將就！將就！上了ngeˇ轎,阿德心肚裡明知以前所講：未卜bugˋ先知。原來就係先偷看以後所知,這下樣得生sangˊ死！？蛤蟆兩人今日覺goˋ到doˋ計謀完善,一路儘量艷iam轎,艷到阿德愛唔得,經過行了ngeˇ一斬路程cangˇ以後,都好路邊有一口魚塘,阿德詐za事同情伊等兩人介辛苦,喊伊等兩人停下來轉擺baiˋ一下,阿德心中係樣地的困苦,唔講大家都係知得。
    所以阿德坐在樹下介石頭上hong,看到魚塘唇口都好有一隻蛤蟆同一隻辣拐,漂漂滂pang滂,泅來又泅去,阿德看到該ge情形,真係觸qiugˋ景傷情,就自言自語道嘆講：這下的困境gin啊naˇ！蛤蟆唔死辣[拐]皮也會溜liu了veˊ！當這句話一出,馬上就傳到兩位扛轎介耳公肚裡去,相似一箭射到佢等兩人介心肝一樣樣,大大的ie著cog驚起來！ 唉aiˋ！阿德幫筒先生！汝頭到講麼介啊iaˇ？憑良心講,阿德也係腆tiamˊ放biong忒hedˋ了leˇ兩位扛轎人介名仔安到[蛤蟆,辣拐]。所以,阿德緩fan緩地neˊ又將頭下的話重新講一遍,死咧leˊ！

    這句話一出, 佢等兩儕越至著驚,心肚裡緊想,阿德介幫筒仔樣會恁靈,唔曾qienˇ幫就知得𠊎等兩人所做好的事情,噢oˋ！佢等兩人耳公咬耳公緊商量,再同阿德三拜託四拜託來請阿德大師原諒,同時將事情一五一十講分阿德聽,頷ngamˋ頭頷尾來懇kienˋ請阿德赦sa佑佢等兩條命,希望阿德去到皇帝面前時莫講玉印係佢等兩人所偷的ve,愛假意詐事去幫一下,玉印就係[匝biang]在竹頭空肚裡。這下,阿德聽到這句話,相似翻fanˊ生sangˊ一樣樣,再大聲地惡ogˋ伊,喝hodˋ佢等兩個人,使得蛤蟆伊等兩人越至才過喊唔敢,真係驚到尿險險洩出來。最後替ti事饒ngieuˇ佢等兩人講：只要好好合作,其他就可原諒。蛤蟆兩人一聽啊nga到心正安下來,相似急屎屙oˊ了liauˋ一身輕鬆起來一樣樣,繼續扛轎趕路。

    當轎仔一到皇宮,阿德就擺出樣式,派頭也粗起來,蓋死膽唔驚的nge行到皇帝面前,經過了皇帝禮請之後,阿德就拿出幫筒仔開始來幫：幫幫幫！幫幫幫！皇上介玉印分老no鼠仔含hemˇ到竹頭空肚裡囥kong！兩位扛轎介聽了幫筒先生的指示以後,就直接去到竹頭下,兩指伸入一挾giab ,玉印就挾出來,緊緊呈獻分皇帝,皇帝將玉印接來詳細一看,無唔著  
！無唔著！就係這粒！皇帝龍心大喜！隨時大聲一喊：來人哪！請幫筒先生入來晉jin見,賞金！阿德心肝慱bog慱滾！好在！好在！玉印有尋到。不然,猴皮都會分人剝bogˋ下來曬干gonˊ。

    皇帝非常高興,愛賞伊金銀財寶並封佢來做軍師,阿德心肚裡知得這款kuanˋ事情,唔敢愛,皇帝蓋厚意再三問佢,莫客氣！莫客氣！汝愛麼介隨在汝講。阿德要求皇帝講：啟kiˋ奏zeu皇上！感謝賜su恩！賞金照收,軍師照做,但是愛賜su𠊎一雙三尺三寸三分高高的屐kiag仔geˋ就好了veˇ！表示分𠊎來提高身分與高遠看天下ha事,皇帝聽了以後,龍心大喜,馬上照辦並送伊蓋多錢財。
    最後,阿德領了neˇ賞金以後,也在朝廷文武百官頭前就著了geˇ高高的屐仔詐事一跌,並順手將幫筒仔打到綿mienˇ綿壞淨淨,皇帝緊緊派人將佢扶起來,並問佢有要緊嗎？阿德啟奏皇上：人跌到無相干,要緊的係幫筒仔跌壞了ieˇ！𠊎介一切靈感就係靠ko這個幫筒仔,這下跌壞了！從此以後無法度可再幫知天下事,軍師無辦法做了veˇ！該死！該死！從此以後,阿德一擺當服fug,再也唔敢造虛作假再來騙人了neˇ。
———-
◆在客家有300年之久的[阿德同幫筒仔]故事,用客家(四縣)白話語文記載,並將課文一字一語(四縣話)對照錄音)：
敬請點閱→[(文章篇 18：58分)&(戲劇篇 31：13分)]→https://drive.google.com/file/d/1Hld8Mxo39JHCBt7k1DY1j9YnH2VnIwyU/view?usp=sharing 
   ———–
◆本文客話語(四縣腔)注解(包含認證考各項) ：(閱讀本文請先看注解)    
1.彳qidˋ亍cogˋ：行上行下無事可做。[涯ngaiˇ]人部。2.當dongˊ晝zu：中午。下午為下晝。晝相反詞為夜。3.好啊Vaˇ：可以啦。4.心ximˊ舅(臼)kiuˊ：媳婦。薪臼kiuˊ。轎kieu夫。轎kieu車。舂zungˊ臼kiuˊ仔。5.棧can櫥cuˇ：放碗筷,菜的櫥仔。6.企kiˊ櫥：放衫褲fu的櫥仔。7.緊等：緊ginˋ為一直,正在的意思。8.緊惇zunˊ：腳發抖。9.頭家：一家之主,本句係由日本話轉過來的。老公→先xinˊ生sangˊ(老師)。10.肚裡：一般指裡面的意思。[繼gi續xiug 。續sa下去]。11.幫pong筒tungˇ：北部客話為灌風的風罐仔,南部四縣客話指風筒。本文故事為了湊ceu句順口,以[幫筒仔]為主要道具。12.丸ianˇ錢：香腸是也。灌腸(內埔),丸ienˇ錢(北部音)。13.對di中dungˊ：正中間。[對di中dung中,中dungˊ王爺,兩片pienˋ屙oˊ大瀉巴]童年玩耍的一種。14.唉aiˋ噯oiˊ：海陸腔嘆詞。15.項項hong：樣樣,每一個事或東西。16.豬麻maˇ：母豬 。17.分bunˊ食：討食,分食。分：給。18.分bunˊ食：分開來食,分bunˊ家。19.極kid 淨：清潔溜溜。又稱：爽sangˋ平極光。趁ciin 機。20.斷tonˊ烏vuˊ：指天暗傍晚時候。臨limˇ暗,目mugˋ麻maˇ。21.詐za意：故意。22.詐事：故意做,替ti私。23.拖toˊ箱xiongˊ仔 ngeˋ：抽cuˊ屜ti 。24.一趟tong地ngeˊ：指時間或距離的多少。[幫pong幫幫！三聲連做一下]。25.刁diauˊ古董：古怪唔講,故意刁diauˊ難。26.好勢se：妥toˊ當。27.燈盞zanˋ火：番仔neˋ油燈,臭油燈。28.係he唔 mˇ係me：是不是,係he係meˇ。29.肚笥siiˋ：肚子。30.緊貶bienˋ白：殗ngiem殗一息 ,目珠翻bienˋ白,或指魚貶肚底daiˋ。有時指細妺仔將要哭為目珠緊變bienˋ白。31.奄ngiem：身體虛弱。32.唔堵duˋ好：有冤仇suˇ或者衝突的意思。33.屙oˊ大瀉xia巴baˇ：下痢。34.屙oˊ巴baˇ：糟糕。35.豬屎窖gau仔 veˋ：豬糞池。36.窖：藏儲液體地下池。水窖仔。37.賭膦linˋ造co化：試看看,無有把握。38.膦linˋ：脧zoiˊ。文雅時用[賭造化]。賭膦linˋ：受氣。39.皮愛弓giungˊ緪henˇ：皮要拉緊,準備挨揍zogˋ。40.猴形鬼相：蓋得意又吊兒郎當。[褲fu襠nong]。41. 吊兒郎當→屌diauˊ仔吊褲fu襠nong。42.卑piˋ視：看唔起。自卑biˊ。死咧leˊ！。43.鼻pi屎：喻渺小。44.共kiung下：共同。[鼎dinˋ鼎有名]。45.斷don 真：不假的意思。賭斷真：表示愛負責。斷donˋ乳。46.斷tonˊ水：短tonˊ水(華語),缺水。[斷don 真&斷ton 真] 兩音。47..辣[拐guaiˋ]：指魚塘中青綠黃色,皮有辣味的青蛙,看到人行兼時就[啾jiu啾滾]行走水面跳走。辣[拐guaiˋ]左片改為[虫]。48.蛤蟆胲goiˊ：下巴。49..束sod事：完了。50.結束sugˋ：。電影做[束sod]了leˇ。51.玉印(玉璽)：皇帝之印章。52.慱bog慱滾：心肝跳動蓋急。53.沈：沒mud到水肚裡,沈ciimˇ下去。本文內[沈ciim]是[淹]的意思。(1)沈有三音：下沈ciimˇ,沈ciim死,沈siimˋ姓。(2)[沈ciimˇ,沒mud,漂peuˇ,浮feuˇ]義不同。湛siimˋ姓。54.壁biagˋ：功夫好,蓋會的意思。本字原意指[牆xiongˇ壁]之壁,由於細妹仔屙尿無法度滮beuˋ射到壁,假使能滮beuˋ得到壁,該ge就蓋壁,功夫厲害。55.[庰biang]：將東西藏起來。[匝biang]：巾改為丙。囥kong：隨便放[南北義不同]。56.掣cadˋ：上下拉動。[等duiˋ]前後拉動,[等duiˋ]字加提手部。57.計gie調tiau：陰謀。[計gi]調tiau[屏東內埔方面用gi音]。58.兩下手板：速度快。走腳板：白走。59.面甲gab青qiangˊ：驚時面轉青白色。60.將就qiu：算了neˇ,馬虎決定或者勉強的意思。[將就qiu&.就qiu將]義不同。61.樣ngiong得生sangˊ死：不知如何是好。62.艷iam：扛轎時扛起來上下振動。[敲iam]高改[炎]字,前後[輦lien轎]。63.轉擺baiˋ：停下來稍微休息。64.轉一氣擺：短暫qiam的休息。65.一斬zamˋ路：斬一下為一段,一截。一段路。[一站zam仔] 。66.魚塘唇siinˇ口：指池塘邊。67.唇口heuˋ：旁邊。如海唇,田唇,大路唇。68.漂漂滂滂pang：漂浮不定。69.浮feuˇ：水退物見。70.著cog驚giangˊ：嚇到。71.著zogˋ屐仔：穿木屐kiag。72.唔曾qienˇ：還沒有 。73.頭頷ngamˋ尾頷：服服貼貼。74.翻fanˊ生sangˊ：復活。75.反fanˋ公仔：指變種或由母的變成公的,不結子籽 ziiˋ,如禾仔變種是為反公仔,又比喻罵人反派。翻fanˊ另有翻panˇ山, 相panˊ翻音 。76.惡人：惡ogˋ為動詞,指蓋譴kianˋ(生氣)罵人。77,喝hodˋ人：大聲地罵人。78.生氣：受su氣,譴kienˋ。79..樣式siidˋ：模樣,款式。麼介樣式呢？罵人態度不好。80.賞songˋ金：賞錢,賞汝一巴掌：給他一巴掌。81.賞songˋ狀：獎狀。82.一擺當服fug：一次領教就乖乖了。83.靚jiangˊ：蓋鬧 ,好看,得人惜。84.傢gaˊ伙foˋ事：指工具。[傢gaˊ伙foˋ]→罵人的詞語。85.收山：原指山賊改邪xiaˇ歸正,下山做好人。比喻洗手不幹。[出山,入山,買水,出門,入門]等用詞同語小心。86.[嚇hog]卵皮上hong幫bongˊ剃頭刀：因為[嚇hog]卵為男人之寶物,同時[嚇hog]卵皮屬所有皮中最薄之皮,拿來磨noˇ蓋利的剃頭刀,真係危險萬分。87.[嚇hog]卵皮上hong打蚊仔：壞打。[幫bongˊ剃頭刀,磨noˇ刀仔veˋ,銑seˋ鋸仔ieˋ,銼co刀]。88.厚heu意：禮意蓋大且誠意。89.頭擺：古時候。90.聊liau：來玩。[危 nguiˇ險hiamˋ] 。91.葛gadˋ[簸sadˋ]：手杖。比喻：法度,辦法。[簸sadˋ]散加竹部。92.通,全,歸：係指全部。[格gadˋ煞sadˋ]93.安onˊ名：取名,安裝之安。94.蘿loˇ蔔ped角：蘿蔔切成一細塊曬乾。蘿蔔乾。95.滑vad虛：花聊liauˊ,不實在。[屙oˊ,洩xied] 虛,洩xiab漏。96.兩片pienˋ：兩邊。俗語：左片左丞siinˇ相,右片右丞相,對中坐介沙和尚。97.兩片：又讀[兩皮piˇ樹葉]。門片piˇ。98.肥律律ludˋ：肥胖pang。99.肥肥：不堅硬。101.[虫另]guaiˋ仔ieˋ：小青蛙,102.細[虫另]guaiˋ仔ieˋ：笑罵小朋友。103.辣[拐guaiˋ]：[虫另]guaiˋ又稱腊[虫另]guaiˋ(如下圖左,背囊有辣味又腊色)。
———
[回顧複習報導72]◆635溪埔寮登仔哥講：[阿德同幫筒仔]介故事(戲劇篇)[課文一字一語(對照錄音)]((2019/8/6)
  本故事在1955(民國44)年,在上溪埔寮廖乙丙鄉親討姐jiaˋ仔veˋ介ie前一暗晡,敬天公完神忒hedˋ,眾鄉親就qiu集xib在廚下等食點心,溪埔寮相當有人緣的ne[登仔neˋ哥],講出[阿德同幫筒仔ngeˋ]介ie故事(本故事有300年之久的ve失傅老故事) 先來做充飢。當時筆者聽了ngeˇ以後,記取在心,不時發表在[月光山誌]以及在電台所主持的e[客語節目]中,宣傳&推廣[客家白話語文]介運用。希望眾鄉親讀本文之前先熟看[本文客話語(四縣腔)注解],並協助推廣流傳[阿德同幫筒仔]介故事。(本故事由[文章篇]改編成[戲劇篇]：阿德藉幫筒靈感  詐遍天下 險險哀oiˊ哉zoiˇ)。
——-
一.劇中人：阿德,頭家娘,頭家,蛤蟆,辣拐,皇帝,左丞,右相等八人。
二.劇     文：(讀本文之前,請先看注解,並提供將[文章篇]改編寫作成[戲劇篇]要領參考)
◇音     樂：
◇旁    白：講到人煞sadˋ猛mangˊ的人就係he煞猛,懶lan尸siiˊ的人再仰ngiongˋ地ngeˊ講又係me懶尸siiˊ。總講人的肌giˊ骨仔leˋ生正zang了ngeˇ,有兜deuˊ的人頭腦好又好手好腳。但是,唔做正當頭路,就像！頭擺baiˋ！有一個人名安到阿德,這個人通常時節都係在街仔上hong,亍cogˋ上亍下無事se做。但是伊介滑vadˋ虛係一等會,也可以講得唔係me蓋實在的人,全莊人也唔係蓋相信伊。
     有一日當晝zu頭,就亍到人屋家去聊liau,堵duˋ好這家介頭家娘將當晝飯菜煮好了veˇ！將菜放在棧can櫥cuˇ仔上hong,緊等頭家歸來食,這位阿德遠遠就分bunˊ伊偷看到棧櫥仔肚裡放介係麼介菜,伊行前來就將手中拿的幫pong筒仔ngeˋ來幫一下；
阿德：幫pong幫幫！幫幫幫！你炒的蘿蔔ped角放biong啊nga在棧櫥仔角上hong囥kong！
 —–
頭家娘：阿德！你奈nai久學會算命啊ngaˇ！樣ngiongˋ會算到恁anˋ準,𠊎煮的菜放在奈nai跡giagˋ仔你ngˇ也ngaˊ知。
阿    德：𠊎無恁會,係𠊎這枝[幫筒仔]介利害得是。
頭家娘：敢有影iangˋ！
阿    德：𠊎還幫pong得ngeˋ出汝炒的ve丸錢放在對di中dungˊ上囥kong！
頭家娘：唉ai噯oi！項hong項都係分你幫啊nga真準！ 
頭    家：(入門聽到姐jiaˋ仔veˋ同人講話)麼magˋ介恁anˋ準。
頭家娘：頭家！𠊎同你講,這個阿德有一個[幫筒仔],涯煮介菜在奈nai囥kong,佢也幫得ngeˋ到,實在準！
頭    家：太太！你莫分佢giˇ騙了neˇ哪naˋ！ 
頭家娘：有影！有影！係正經的ne啦laˋ。
頭    家：好！若naˊ係he正經恁準,天光當晝zu十二點來幫看哪na是,係he唔係me有影恁anˋ壁biagˋ！
阿    德：若naˊ係幫得ngeˋ準呢？ 
頭    家：假使siiˋ幫得ngeˋ準！就請汝食晝zu。
阿    德：好！天光當晝zu十二點𠊎會準時到！
—— 
2◇音 樂：
◇旁白：第二ngi日 ,阿德按照約iogˋ束sugˋ帶等nenˋ[幫筒仔]來赴fu約iogˋ,頭家娘事前就將伊炸的豬油zaˊ,[匝]biang到do好勢！好勢se！[匝]biang在棧can櫥cuˇ仔的拖箱仔肚裡,阿德來了ieˇ以後,就將伊特製的幫筒仔拿來一幫；
頭    家：阿德！你係準時哩！
阿    德：𠊎不但準時,𠊎介幫筒仔一幫！全部一概koiˋ都係三隻[準]字,準準準！
頭    家：好！嘎ga係恁準,就開始幫啊ngaˇ！
阿    德：幫pong幫幫！幫幫幫！汝今晡buˊ日炸za的ve豬油渣zaˊ囥kong啊nga在拖箱仔上 hong囥kong 。
頭家娘：唉aiˋ！阿德樣ngiongˋ恁會？真係準！真係準！
頭    家：(問太太)太太！嘎ga聽妳恁anˋ地neˊ講,又係分阿德揣tanˇ著cog了geˇ！
頭家娘：就係哩！
頭    家：好！嘎ga就tu撿giamˋ碗筷,阿德！當晝zu請你食一餐。
阿    德：嘎ga𠊎就tu無細義bgi囉lioˊ！
頭家娘：(緊捧bungˋ豬油渣緊講)壞勢喲ioˊ！無麼介菜！淨淨一碗豬油渣了！
阿    德：有豬油渣好[邦]bongˋ飯,該ge就當豐pongˊ富pai了ieˊ！
頭    家：來！阿德自家添飯！
阿    德：好！𠊎知！
頭    家：太太！坐等nenˋ來食飯。
頭家娘：你等nenˊ先食,𠊎再來灶下炒一盤青菜。
阿    德：(豬油渣[邦]bongˋ飯,三口作兩口扒paˊ,兩下手板扒到極kid淨) 。
頭    家：(睞laiˋ一下阿德,唔知餓ngo了veˇ一久)阿德！看你蓋像蓋肚饑giˊ係無moˇ。
阿    德：老實講,𠊎蓋久無食豬油渣zaˊ[邦]bongˋ飯了neˇ,壞勢喲！這碗豬油渣分bunˊ𠊎貌mau淨淨！
頭家娘：(炒好青菜捧bungˋ出來時,阿德已經食飽了veˇ )來！捧青菜。
頭    家：(問太太)頭到𠊎試cii到豬油渣zaˊ仰恁淡tamˊ啊maˇ。
頭家娘：(忽fudˋ然想到)啊aˋ…𠊎唔記得放鹽iamˇ了meˇ。
阿    德：(感覺肚饗xiongˋ唔好)壞勢喲ioˊ！𠊎順便同你借屎缸。
頭    家：噢oˋ！屎缸在灶zo下過去豬欄隔gabˋ壁。
阿    德：噢oˋ！𠊎樣會走zeuˋ河洛人趜giugˋ啊gaˇ！
—— 
3音樂：
◇旁白：阿德食了leˇ兩大碗冷豬油渣無摻camˊ鹽[食邦]bongˋ飯,過了veˇ一趟tong地ngeˊ！肚笥siiˋ就一陣一陣緊滾,緊行緊解kieˋ褲帶仔走到豬欄的屎缸下去。由於阿德著的屐kiag仔,行起路來大麻鼓聲,將豬欄下介豬嫲maˇ嚇hogˋ到,跳落豬屎窖gau仔肚裡。阿德這隻猴哥也係蓋刁diauˊ古董介nge人,也唔將上面的事情同頭家講。恁地neˊ！就轉屋家去了ieˇ！到了veˇ日頭落山斷烏介時節,頭家娘愛來餵豬嫲maˇ,來到豬欄下一看,豬嫲唔見忒hedˋ了leˇ！遽giagˋ遽喊老公：
頭家娘：頭家！頭家！𠊎等介豬嫲maˇ唔見忒hedˋ了leˇ
頭    家：豬嫲maˇ在豬欄下仰會唔見忒。 
頭家娘：豬欄空空！唔信你去看！ 
頭    家：(來到豬欄下)有影！到底豬嫲maˇ奈nai去了ieˇ。
頭家娘：這下又恁暗了meˇ,愛奈nai尋呢？
頭    家：就係呀！真係急死人！
頭家娘：當晝zu阿德介幫筒仔恁靈,係唔係請阿德拿幫筒仔來幫一下,看知麼？
頭    家：賭[膦]linˋ造化,好啊vaˇ！
 —–
4◇音樂：
◇旁白：頭家喚vonˋ承siinˇ勞去隔gabˋ壁莊請阿德來試cii看哪na咧leˊ。阿德知得頭家吩咐fu人來請伊去幫pong豬嫲maˇ介下落 ,伊也詐za意講：
阿    德：𠊎平常songˇ都係亍cogˋ街仔介人,涯奈nai有辦法！
承    勞：拜託嘎ga哪naˊ！𠊎介頭家兩公婆尋cimˇ唔到豬嫲maˇ介下落,今暗哺夜唔使 睡了ieˊ。
阿    德：全莊人都卑piˋ視𠊎係亍cogˋ街仔的人,𠊎奈有法度！ 
承    勞：莫恁anˋ地neˊ哪naˊ！分𠊎拜託啊gaˇ！ 
阿    德：(故意了ieˇ一下)好啦！等𠊎著屐kiag仔,拿涯介幫筒仔。
承   勞：愛𠊎[捲]ten手拿無moˇ。
阿   德：(心裡有數)唔使！唔使！幫筒仔別人摸miaˊ唔得。 
 —–
5◇音樂：
◇旁白：來到頭家的屋家時,故意將幫筒仔詐za事屋前屋背緊幫！後來賭斷dan真,就來到豬欄下連幫三聲；
阿    德：幫幫幫！幫幫幫！汝介豬嫲maˇ跌落在豬屎窖gau仔veˋ上hong！ 
頭    家：承勞！趕遽giag將豬屎窖仔的蓋打開來一看。
承    勞：(將豬屎窖gau仔veˋ的蓋打開來一看)果然ianˇ無唔著,老豬嫲maˇ在該ge沈ciim到半條命！剩cunˊ到兩蕾luiˊ目mugˋ珠緊貶bienˋ白。
頭    家：緊緊將豬[麻]maˇ扛gongˊ起來。
承    勞：噢oˋ！𠊎滿身沷bad啊la都係全全豬屎。
頭    家：(大家幫忙扛gongˊ起來,用淨qiang水沖洗淨啊nga)嚎hoˋ！阿德真係壁biagˋ！好在你幫忙,承siinˇ蒙mungˇ！承蒙！
阿    德：小可事情！小可事情！這算唔得麼magˋ介！
—–
6◇音樂：
◇旁白：經過了這一次阿德幫筒仔的神奇演出以後,名聲恁anˋ地neˊ就一傳十,十傳百,名聲一下地veˊ就傳遍pienˊ了neˇ幾下個庄頭。有一日將這個消息,傳到皇帝耳公肚裡來,都好同皇帝扛轎的轎kieu夫 ,一個名安onˊ到doˊ[蛤蟆],一個名安到[辣lad拐guaiˋ],兩人食飯時蛤蟆講；
蛤   蟆：阿德這隻毋mˇ成sangˇ猴,又有這一度tu啊va！
辣   拐：係啊iaˇ！無moˇ成sangˇ行了ngeˇ麼介狗屎運啊naˇ？
蛤   蟆：佢介幫筒仔恁準,𠊎打死都唔會相信。
辣   拐：[𠊎]ngaiˇ又係me唔相信。
蛤   蟆：好！無就𠊎等來試cii看哪na咧leˊ,看阿德的幫筒仔係唔係有影恁壁biagˋ！
辣   拐：好啊vaˇ！愛樣ngiongˋ地ngeˊ試cii。
蛤   蟆：𠊎等兩人將皇帝的玉印,偷來[]biang到竹頭空肚裡去。
辣   拐：唔ngˋ！這個計謀meuˇ當好！當好！
蛤   蟆：皇帝上朝ceuˊ發現玉印唔見忒hedˋ時,一定會調查。
辣   拐：𠊎等兩人無講,絕對無人知diˊ,玉印無人尋qimˇ得meˋ到。
蛤   蟆：𠊎等正來獻hian計講某庄頭有一個幫筒先生,幫筒仔拿來一幫就能知下落,請阿德來表演一下佢介幫筒仔功夫在奈裡！
辣   拐：哈哈哈！該時節就有猴戲好看了neˊ！阿德皮就愛弓giungˊ緪henˇ,無打四十二大板絕對唔會來束sod事。
蛤   蟆：哈哈哈！馬上進行行動！
—— 
7◇音樂：
◇旁白：阿德兩年前得罪到蛤蟆同辣拐,伊等兩人懷恨hen在心ximˊ,趁cen這下機會報老鼠冤,有影第二日,皇帝上朝發現玉印唔見了neˇ！就問左丞siinˇ右相xiong；
皇    帝：寡guaˋ人問你等nenˊ,有麼manˋ人知得玉印奈nai去了ieˇ！
左    丞：稟dinˋ報萬歲！下官毋知。
右    相：稟報萬歲！下官也毋知。
皇    帝：眾卿kinˊ毋知,嘎ga麼manˋ人才nong知。
蛤    蟆：稟報萬歲,聽講這下農村有個庄頭,有一位名安onˊ到doˊ阿德幫筒先生,伊介幫筒仔拿來一幫pong,就能知天下事。
辣    拐：稟報萬歲,蛤蟆講介該ge隻阿德,聽講人家東西毋見忒請佢用幫筒一幫,蓋遽giagˋ就尋qimˇ到。
皇    帝：寡guaˋ人有所聽過,蛤蟆辣拐！
蛤蟆辣拐：在！ 
皇    帝：命令你兩人扛轎去請鼎dinˋ鼎有名的幫筒先生來。
蛤蟆辣拐：遵旨！
皇    帝：快kuai去快回！
——- 
8◇音樂：
◇旁白：這兩位扛轎的非常高興,領了neˇ聖siin旨ziiˋ就來到幫筒先生屋家,猴形鬼相顯hianˋ出聖旨分阿德,阿德隨時兩腳落地一跪 ,雙手接來一看,慘camˋ！ 慘！慘！前日目珠皮緊掣cadˋ！緊跳！原來就係弄假成真,大禍臨limˇ頭了veˇ！阿德面甲青,腳搭緊惇zunˊ唔知愛樣ngiongˋ地neˊ！唔去又做唔得,所以明知殺頭也愛去,阿德也將就！將就！上了ngeˇ轎以後,阿德心肚裡明知diˊ以前所講：[未卜bugˋ先知],該ge就係[先偷看以後所知]介,這下樣得生sangˊ死！辣拐蛤蟆兩人今日也恅lauˋ到doˋ計謀完善,一路儘量[艷]iam轎,[艷]到do阿德愛唔得,經過行了neˇ一斬路程cangˇ以後,堵duˋ好路邊有一口heuˋ魚塘,阿德詐za事同情伊等兩人介ne辛苦；
阿   德：兩位轎kieu夫！你等辛苦了veˇ！請你等暫停休息一下！
蛤   蟆：阿德！承蒙你！體惜扛轎人介辛苦。
辣   拐：頭前有樹下有魚塘,又有石頭好坐(將轎停下),聊liau涼一下。
阿   德：(坐在樹下的石頭上,看到魚塘唇口堵duˋ好有一隻蛤蟆同一隻辣拐,在該ge漂漂滂pang滂,泅qiuˇ來又泅去,阿德看到該ge情形,真係觸qiugˋ景傷情,就自言自語道嘆tan講)啊aˋ！這下個困境gin啊naˇ！若係蛤蟆唔死,辣[拐]guaiˋ皮也會溜了veˊ！
蛤   蟆：(同辣拐聽到阿德這句話,大大的ie著cog驚起來,同辣拐耳公邊小聲講)辣拐！阿德仰ngiongˋ恁利害啊iaˇ！ 
辣   拐：係he哩,今樣ngiong葛gadˋ煞sadˋ！
蛤   蟆：這下,𠊎等姑goˊ不而iˇ將請阿德同𠊎等來幫忙解giaiˋ圍！向阿德表白。
辣   拐：好！
蛤   蟆：阿德幫筒先生！汝頭到講麼介啊iaˇ！
辣   拐：阿德先生！幫筒仔樣會恁靈！唔曾qienˇ幫就知得𠊎等兩人所做好的事情。
阿   德：(阿德鬼靈精)原來皇帝的玉印係he你兩人偷的ve。
蛤   蟆：阿德大師請原諒！
辣   拐：(頷ngamˋ頭頷尾)阿德大師！請你救𠊎等兩條命！拜託！
阿   德：(將計就計)你等講好了veˊ,這件案仔neˋ愛涯仰般救你等介ne命？
蛤   蟆：到皇帝面前時,莫講玉印係涯等兩人所偷的ve。
阿   德：唉aiˊ唉唉！這明明都係你等兩人所偷介啊iaˇ。
辣   拐：莫mog恁地neˊ哪naˊ！請你假意詐事去幫一下,玉印就係[匝]biang在竹頭空肚裡。
阿   德：(不打自招,相似翻fan生sangˊ一樣樣 ,再大聲地惡ogˋ伊,喝hodˋ伊等兩個nge人)恁地做樣做得啊laˇ！這係欺君之罪！𠊎唔敢！
蛤   蟆：(雙腳跪下)請救𠊎等兩條命！下次毋敢了meˇ。
辣   拐：(也雙腳跪下)𠊎又係me毋敢gamˋ了meˇ！
阿   德：(心中自有打算)好！[亢]hong起來,只要好好同涯合作,其他就可辦得neˋ圓滿同原諒！ 
蛤   蟆：一定聽你交代。
辣   拐：一定聽你交代。
阿   德：好！起hiˋ轎！
—— 
9◇音樂：
◇旁白 ：當轎仔一到皇宮giungˊ,阿德就擺出樣式,派頭也粗起來,蓋死膽唔驚的nge行到皇帝面前,經過了皇帝禮請之後,阿德就拿出幫筒仔開始來幫：
阿    德：幫幫幫！幫幫幫！皇上介玉印分老no鼠仔含hemˇ到竹頭空肚裡囥kong！
蛤    蟆：稟報皇上𠊎來去拿。
皇    上：好！去拿！ 
蛤    蟆：(直接去到竹頭下,兩指伸入一挾giab,呈ciinˇ獻hien分皇帝)稟報皇上！玉印在coi這！
皇    上：(拿來一看)無moˇ唔著cog！無唔著！就係這粒！
阿    德：(心肝慱bog慱滾！好在！玉印有尋到,不然,猴皮都會分人剝bogˋ下來曬干gonˊ)  
皇    上：來人哪！請幫筒先生入來晉gin見,賞songˋ金並封為軍師！
阿    德：稟報皇上！玉印能夠尋qimˇ到就好了veˇ,其他介唔使恁工夫！
皇    上：汝愛麼介隨在汝講,莫客氣！莫客氣！
阿    德：稟報皇上！若愛封為軍師,涯有一個要求？
皇    上：莫客氣！莫客氣！請講！
阿    德：請皇上賜su𠊎一雙[三尺三寸三分]高高的屐kiag仔geˋ就好了veˇ！表示分涯提高身分,搭dabˋ高遠看天下事。
皇    上：朕ziimˋ賜su准,並送新金銀財寶。
阿    德：領旨。
——- 
10◇音樂：
◇旁白 ：最後,阿德領了neˇ賞金並接受封為[軍師]以後,也在朝廷文武百官頭前就著zogˋ了geˇ高高的ve屐kiag仔詐事一跌,並順手就將幫筒仔打到綿mienˇ綿壞淨淨,皇帝緊緊派人將伊扶起來。
皇    上：軍師有要緊嗎？ 
阿    德：啟奏zeu皇上,人跌到無相干,要緊的係幫筒仔跌壞了ieˇ！𠊎介一切靈感就係靠ko這個幫筒仔,這下跌壞了！從此以後無法度可再幫知天下事,軍師也無辦法做了veˇ！該死！該死！
 —–
◇音樂：
◇旁白：從此以後,阿德一擺篤dogˋ服fug,再也唔敢造虛作假再來騙人了neˇ。
=== 劇 終 ===
1▲本故事在1955(民國44)年,在上溪埔寮廖乙丙鄉親討姐jiaˋ仔veˋ介ie前一暗晡,溪埔寮登仔neˋ哥講：[阿德同幫筒仔]介e故事 (廖乙丙全家部分合照之一)
2阿德食了leˇ兩大碗冷豬油渣無摻camˊ鹽[食邦]bongˋ飯,過了veˇ一趟tong地ngeˊ！肚笥siiˋ就一陣一陣緊滾,緊行緊解kieˋ褲fu帶仔ieˋ走到豬欄的ne屎缸下去
3將豬屎窖仔veˋ的ie蓋打啊va開來一看 老豬嫲maˇ在該ge沈ciim到半條命！
4皇上介nge玉印分老no鼠仔含hemˇ到竹頭空肚裡囥kong！
5▲皇帝聽了獻計以後,情急之下用最高禮遇,特準用皇帝座轎(16人扛),禮請阿德來幫pong[玉印]介ne下落
6▲阿德坐了veˇ皇帝座轎,驚喜哀樂共陣來,大膽命令在路邊魚塘唇暫停,苦思道嘆：這下辣[虫另]guaiˋ唔死,蛤蟆皮也會縐giu了veˇ(喻雙雙必死無疑)。
7▲梟hieuˊ雄：專精上面欺等8項者。[(英雄&梟hieuˊ雄)]介區別。
===
 
===高雄市美濃區 吉東國小瑰寶級介大欖仁樹 遠觀近看 意義&價值非凡 遠近眾鄉親紛紛專程前來參觀===
◇澎風三文明勸世歌(風三唱 04：44分)(客語)→https://drive.google.com/file/d/1X3DgZWEVd1lHiH7ya6uYyDC7V8XsGjv7/view?usp=sharing
※回顧昔時(台南客家同鄉會)(1976~1991年) 帶頭力行以下三大宗旨&要領：(1)聯絡鄉情 促進鄉誼 (2)發揚客家文化&精神 (3)提昇客家政治 經濟 教育等等為目的 蹟效相當好。
※客語文：(1)熻hibˋ豆豉sii：看成細蝦米,(2)雞棲ji王：在家霸淩弟妹,(3)雞棲ji下絡豺：不對外發展,(4)跈tenˇ 吠poi狗：有樣看樣,(5)翕hibˋ相：照相。
※如何將(口述篇)→(白話語文篇)→(戲劇篇)介研究。
※看讀研究本文要領：(1)敬請先聽本文對照錄音→(2)看本文注解→(3)讀本篇課文。