4-2 group◆605關西范員外(戲劇篇)　(演出戲&課文一語一字對照錄音)

【記者廖金明／專欄報導】

1◆健康食百二(吳川鈴詞唱 02：51分)(客)→https://drive.google.com/file/d/1w-jLxaK9n8qrLN9puCSq0AKgVZzfeIRq/view?usp=sharing

2◆人客的要求(方瑞娥唱 03：45分)(河洛)→https://drive.google.com/file/d/1dNIXkeprp8gK__Xsg3Evhu1YhsL6BcEt/view?usp=sharing

3◆往事只能回味(尤雅唱3：20分)(華)→https://drive.google.com/file/d/1OZmBdI3m5PcpWKjCmBOZFS3zPDe5ZTeq/view?usp=sharing

◇不同(國家族群&地方)各有不同(語音&語言&文字)用法,致使(詞曲拍&舞曲&聲韻調&樂器&唱法)等等各有不同,客(四縣)語與(海陸)相差兩聲調,與(河洛華)語加一聲調,故所以上(語&曲調)有差別。

◇[翻譯]分文譯&口譯：舉例1(文譯：英文→中文) 2(口譯：英語→華語華語→客語) 3(戲語→戲文) 4(普通語&文→白話(本土)語&文等等(互相對等)翻譯

◇本戲演出錄音(一語一字對照錄音17：34分)：https://drive.google.com/file/d/1Jc2XFDtQ9JBveWO8JFI52ra8aCuZB2Y3/view?usp=sharing

◆關西范員外(戲劇篇)[課文一字一語(對照錄音)](30：50分)→https://drive.google.com/file/d/1KWIFxTpCQyLsAT6yoHCdeY_XTOF-TleP/view?usp=sharing

◆(不明事理胡裡胡塗蠻幹)：[(滿ㄇㄢˊ頇ㄏㄢ)(華語)] [(頇ㄏㄤˊ頇(河洛)] [(頇ㄏㄚmˊ頇)(狂kongˇ狂)(客語)]等不同音譯。

=====

605◆關西范員外(戲劇篇)(演出戲＋課文一語一字對照錄音)：

◇台灣客家電子報(戲文)→https://yuyuhakka.shop2000.com.tw/news/450717

◇本戲演出錄音(一語一字對照錄音17：34分)：https://drive.google.com/file/d/1Jc2XFDtQ9JBveWO8JFI52ra8aCuZB2Y3/view?usp=sharing

◆本戲文[課文一字一語(對照錄音)](30：50分)→https://drive.google.com/file/d/1KWIFxTpCQyLsAT6yoHCdeY_XTOF-TleP/view?usp=sharing

◆客家語廣播&舞臺戲短劇(第一集)第三課關西范員外客家(四縣)白話語文教材之一(原文2008/4/23)

◆客家廣播劇&舞台戲(3集)(全30篇)：關西范員外一.劇中人：范fam員外,家丁,鄭明光等三人。

一.劇中人：范fam員外,家丁,鄭明光等三人。

二.戲文：

1旁白：住在關西鎮坪林的范員外,帶等家丁到關西街上hong 時,堵duˇ到一位男仔meˋ人橫vang倒在地,一群人在該圍等來看。

家丁：員外！…..員外！您看該ge恁anˋ多人唔知在該看麼介呢？

員外：你去看看哪na咧leˊ！

家丁：好！員外你這坐！𠊎來看。

員外：好！好！

——-

2◇音樂：

家丁：報告員外！有一個後生人昏倒在地泥上呢ne！

范員外：噢oˋ！𠊎來看！唉 aiˋ喲 ioˊ！

家丁！遽giagˋ遽遽！同佢喊醒來！

家丁：好！嗨hoiˋ！…..後生仔ngeˋ！好<鈧hong>了ngeˊ！

鄭男士：唔ngˋ！唔ngˋ！

家丁：五啊ngaˋ！𠊎講六噢goˊ！五啊！後生仔你樣有屋家唔睡,走到大路邊來睡呢？

鄭男士：𠊎…..𠊎無元氣！

家丁：報告員外無元氣！

員外：亂講！員外𠊎元氣十足,𠊎樣會無元氣啊 iaˇ。

家丁：失禮失禮失禮！𠊎係講該隻後生仔無元氣。

員外：遽遽giagˋ扶佢扶起來！

家丁：噢oˋ！噢！….軟態taiˋ態！…..還重噢ngoˊ！

員外：蓋像身體有爭差,背佢來去分醫生看！

家丁：嘎ga！喊𠊎背喲 ioˋ！

員外：嘎！無moˇ成sangˇ愛𠊎背係meˇ？

家丁：唔敢！唔敢！𠊎來揹！𠊎來揹！…..！

—–

3◇音樂：

◇旁白：范員外慈悲心腸,命令家丁揹歸屋家,請醫生來醫療,後生仔喊分funˊ醒以後,范員外問：

范員外：後生仔！你蓋像qiong 唔係me本庄人噢！汝係奈人？

鄭男士：𠊎係來自唐山,想來關西探tamˋ親,吂mangˇ知來到這跡giagˋ仔,身上介錢用忒hedˋ了leˇ,𠊎幾下日無食東西,𠊎無病！𠊎淨係肚饑giˊ餓ngo昏的。

范員外：原來係恁anˋ地neˊ！嘎無！汝有尋到愛尋的me人無moˇ？

鄭男士：𠊎愛尋的人續sa搬走了veˇ！𠊎就無尋了meˇ。

范員外：噢！嘎從今以後汝打算愛樣ngiongˋ地ngeˊ呢？

鄭男士：𠊎又係me唔知,真係有腳行無路！

范員外：無就恁地,𠊎等田地蓋闊fadˋ,家丁汝去對面介麵店！先買一碗大麵來分佢食！

家丁：好！馬上來！

范員外：後生仔！你安到麼介名啊ngaˇ？

鄭明光：𠊎姓鄭……喊涯明光就好了！

范員外：明光！汝……名仔盡好！

———-

4◇音樂：

◇旁白：家丁買一碗麵歸來,鄭明光就無細se義,將一大碗介麵無五分鐘就食啦淨淨！

家丁：唉 aiˊ！唔好哽gangˋ到了veˇ喲io！食啦恁遽！哽死是siiˇ無賠喲！

范員外：家丁！無規矩！明光！汝有食飽無？

鄭明光：有！食飽了veˇ,感謝汝！

家丁：𠊎看再食加一碗…..可能還係無罅齕fud噢loˊ！

范員外：家丁唔好謔nagˋ人家！

家丁：噢oˋ噢oˋ！

鄭明光：承蒙員外！

范員外：唔使細義！你現下打算愛去奈nai啊iaˇ？

鄭明光：無！𠊎係唔知……。

范員外：現下𠊎屋家人手唔罅la！看有麼介工作合適你介,暫時住下來,食住hed唔使愁seuˇ。

鄭明光：好啊vaˊ！只要有安身之處,唔過！粗的ve工作𠊎唔會,若係有牛好掌,𠊎掌牛又係me做得。

范員外：做得！牛仔加一個人來<捲ten>手掌,也係蓋好！嘎就跈tenˇ涯來轉。

鄭明光：多謝員外的牽成。

范員外：對天光日開始,屋家的牛隻就由你來管。

鄭明光：好啊vaˇ好啊好啊！

—–

5◇(音樂)：

◇旁白：鄭明光每日將牛趜giugˋ到新埔山上食草,因為轉屋家食晝zu蓋遠,將鑊vog仔米菜帶到山上煮,佢發現樹影下有一個地方蓋好,所以伊就尋了三粒長型的大石板,結來在該ge裡當作灶爐來煮飯菜,時常在該休息。不知不覺三年過後,知得員外一星期肚裡愛去新竹城一擺,有一日看到家丁同員外出新竹城愛轉,經過山邊時,鄭明光問員外係唔係有麼介消息？前後問兩次都講；無麼magˋ介消息,問到第三次時：

鄭明光：員外最近城中有麼介消息無？

范員外：無！無！無麼介消息！

家丁：員外…..你唔知有印象無,𠊎朝晨在新竹城隍廟前食貢gung 丸介時節,壁上該張畫像,親像<火燒豬頭皮>熟面熟面呢！

范員外：係啊iaˇ！𠊎又係me蓋像識看過介人。

家丁：(拍一下手,提高聲音)啊aˋ….無成會係he鄭明光哪naˇ？

范員外：該ge奈有可能係明光,𠊎才唔相信！

家丁：知diˊ人知面不知心噢moˊ！

范員外：天下事,人有相像,貨有相同,家丁你想忒tedˋ多了veˊ！

鄭明光：你等係講公佈介畫相,當像𠊎喲ioˋ？

范員外：可能係巧kauˋ合,明光！…掌牛會苦嗎？

鄭明光：這兜teuˊ牛仔當知人性,掌起來唔會辛苦！

范員外：明光！你來到今,掌牛掌了ngeˇ一多年了neˇ…？

鄭明光：𠊎來差唔多有三年了！

家丁：嘎ga,汝會想家鄉嗎？(汝有想家鄉無？)。

鄭明光：會呀！員外！分𠊎歸唐山一轉好嗎？

范員外：對對對！來臺灣有三年了,應該轉去看看哪咧leˊ再轉來,麼介時節愛轉去呢？

鄭明光：𠊎想！𠊎準備好了！天光日就轉去好嗎？

家丁：嗄haˊ！打卵就愛見黃,天光日就愛轉呢noˋ？

鄭明光：唔ngˋ！係he啦laˋ！

范員外：好！嘎就,𠊎準你轉去唐山看看哪咧！正倒do 轉來！

—–

6◇音樂：

◇旁白：第二日打早,明光匆cungˊ匆忙忙就離開范家,范員外準備了一些xidˋ東西愛送分鄭明光,但係鄭明光天唔曾qienˇ光就離開了范家,員外派家丁抄cauˊ鄭明光,鄭明光心肚裡想可能係事情爆發,范員外派人愛捉伊,所以伊趕緊走,終於會到新竹南寮港カ時,分范員外同家丁<趲giugˋ>到。

家丁：鄭明光！你真過份呢ne？無彩員外對恁anˋ好,愛走也無講一聲,講走就走。

范員外：走啊va恁遽,好在𠊎等還恁會走,才分𠊎等抄cauˊ到！

家丁：你看！員外一身衫褲出汗出到濕濕地beˊ！

鄭明光：壞勢壞勢！𠊎覺go到您等愛來捉𠊎！係𠊎誤ngu會了ieˇ。

家丁：員外恁惜你,真係好心著cog雷打。

范員外：明光！像你頭到講；愛捉你,係麼manˋ人愛捉汝啊ngaˇ？

家丁：噢oˋ！明光！你係he唔係me有做麼介壞事情哪naˇ…？

鄭明光：員外！請您聽𠊎說sod原因！

家丁：還有麼介原因呢？

鄭明光：老實講,𠊎在唐山係有職業的be！

家丁：有職業！樣會走到臺灣來,莫騙人哪 naˊ？

鄭明光：𠊎係專門看地理,看屋場同風水的ie。

范員外：係唔係地理師？

家丁：嗄 haˊ！(大聲)明光！你係地理師噢oˋ！著啊gaˊ唔著啊gaˇ？

鄭明光：袁世凱koiˋ父母的墓mu地係𠊎看的,所以後代出了袁世凱,佢介子孫做君皇。

家丁：袁世凱爺娘的風水係你看的ne喲ioˋ！有影也ngaˊ無影啊ngaˇ？

鄭明光：就係有影,所以人民對袁世凱霸道的行為,蓋不滿,認為同風水有關,喊𠊎愛付出蓋大個責任,一奈愛捉𠊎來堵銷seu ！

范員外：所以才會走到臺灣來<匝biang>命係he係meˇ？

鄭明光：三年前淪落關西時,好在員外救了veˇ涯。

家丁：痼 goˊ瘼moˊ<剭ciiˇ>頭！嘎ga,你樣ngingˋ唔早講呢？

鄭明光：𠊎就係驚！所以唔敢講！

范員外：原來係恁anˋ地neˊ！

家丁：你看！..員外準備恁多東西,蘿蔔 pet 粄banˋ,甜粄,炒好的番豆 ,又有夫人滷介鹹菜又搭dabˋ有你最好食介雞胗kinˊ。

范員外：準備恁多食介的東西,愛分你在船仔頂高食,一方面你在這裡掌牛掌了ngeˇ恁久,你愛轉大陸算一些xidˋ錢分你做工錢。

鄭明光：員外！您對待𠊎恁好！𠊎實在過意唔去！

范員外：係𠊎過意唔去！你在𠊎屋家三年,唔識領過工錢, 所以順便送你到新竹南寮港來坐船。

鄭明光：這下𠊎無麼介做得報答汝,只有將𠊎在山上發現到有三穴地理風水,講分汝知；一個係將來<萬民朝拜>介地,一個係<十子十泥卵>,另外一個係<十子十登科>介地穴hiad,任im在您自家選,唔好失忒hetˋ機會,好好地把握。

家丁：明光！該山上一奈恁闊,愛喚員外樣般尋qimˇ？就像係海底撈針啊maˇ！

范員外：係he啊iaˇ！

鄭明光：歸去時您順便牽牛去山上,到山上介時節,牛行到介地方,若係牛頭向天臥臥ngo介時節,您就會發現該有三粒到烏vuˊ烏的ve石頭,𠊎還有插一枝竹篙goˊ仔做記號,該就係<十子十登科>介地穴,您愛好好地記得在心噢moˊ。

范員外：聽你恁地講,𠊎清楚了！𠊎會照汝介交代dai 去做！

(船廣播聲)：各位旅客！往廣東汕頭的船舫biongˊ愛開了！唔曾qienˇ上船介旅客,請遽giagˋ遽上船。

鄭明光：員外！家丁哥！𠊎愛上船了！

家丁：(明光蓋傷心緊流目汁！蓋痛腸緊噭gieu)！明光！明光！你轉去家鄉𠊎蓋唔慣！

范員外：明光！後會有期！

鄭明光：員外！家丁哥！大家保重噢ngoˊ…..！

—-

6◇音樂：

◇旁白：范員外同家丁依iˊ依不捨,送鄭明光上船,一直到船仔駛走以後,才離開南寮港,轉到關西石光仔屋家,依照鄭明光所講介山上來看,果然風水地理,范員外相當合gagˋ意,鄭明光所交代dai的一切,范員外一一記在心肚裡,一個係<十子十泥卵>,係一日到暗愛耕田,忒tedˋ辛苦喔！當然係<十子十登科>介地穴最合適。恁地, 就將伊祖先介金骨埋葬合適介地穴,經過幾十年以後,果然范家供giung 了十個倈仔,倈仔中有三個博士,兩個碩士,五個學士,當時蔣經國總統在世時,登常到范家,希望范家倈仔當官,范朝燈先生係老實人家, 認為伊介倈仔不合適,放棄做官員介機會。

另外一個地理風水係彭姓人家墓mu地,後來出有十個倈lai仔全部住共下耕田,日出而做,日落而息,勞碌lugˋ過日。另外一個風水地理,也就係義民爺金骨埋葬<萬民朝拜>介地穴,實現了鄭公祖師之言。

◇(感謝范春宏地理師故事提供)。

◇本戲文演出錄音(一語一字對照錄音)(17：34分)：https://drive.google.com/file/d/1Jc2XFDtQ9JBveWO8JFI52ra8aCuZB2Y3/view?usp=sharing

◆本戲文[課文一字一語(對照錄音)](30：50分)→https://drive.google.com/file/d/1KWIFxTpCQyLsAT6yoHCdeY_XTOF-TleP/view?usp=sharing

===劇終===

三.本文注解：

1.員外：家中非常富有之人家。𠊎ngaiˇ我。

2.帶等：帶著<等>有(北部denˋ)(南部nenˋ)(美濃nunˋ)等等地方語音。

3.堵duˇ到：遇ngi 到。恁堵duˋ到：這麼巧kauˋ合。

4.橫vang 倒doˇ：倒地躺著。倒在左右為橫.後為翻 panˊ.前面為覆pugˋ.頭由上而下為縱zung或種。上有四音：甲上song ,直直上songˊ ,上songˋ香 ,名詞(路)＋上hong 。

5.試 cii 看哪：看一看.試另有ㄙ音.但海陸與佳冬音亦為ci 音。

6.唉ai 噢 oˊ：海陸感嘆語.是為可憐lienˇ之意。

7.好<跪hong>了ngeˇ：起床之意.本處為爬起來,<跪hong>字由<危>改<亢>。<了>為轉音字。

8.後生仔：指年青介人。後生人：年青人。

9.元ngianˇ氣：指精神。在南音中.逢<ian>音時,北部大部份為<ien>音。

10.該ge個：那個。另為該goiˊ.應該。

11.軟ngionˊ態taiˋ態：軟綿綿。此處為東勢慣用語音。

12.爭zenˊ差：差錯。分funˊ醒：清醒。

13.背bi<分bunˊ醫生看>：客語慣用<分>字,後面用<醫生看>。

14.看哪na 咧 leˊ：試試看,本句型前面是<動詞>,即本動詞介<試試看>。食看哪na 咧leˊ。

15.<趲giugˋ>：追zuiˊ,抄cauˊ。.<趲giugˋ>字係將<贊>字改<矍>字。趜giugˋ：趕。

16.對對對dui！：三隻字或詞連共下時,表示加重語氣。失禮失禮失禮！：表示當失禮！

17.無moˇ成sangˇ：難道。緊噭gieu ：哭不停。

18.會苦嗎？：苦有體力苦或窮苦,若係經濟不良則淨用<苦>。

19.吂mangˇ知：料想唔到。

20.<火燒豬頭皮>：本句為偈hiadˋ(hiedˋ)後語,語意為<熟面>,似曾相識介意思。

21.著啊gaˊ唔著啊gaˇ：本句為句型之一；<A>(啊)<非A>(啊)介句型,前字啊為第二聲,後面介啊為第三聲。兩個<啊>都係轉音字,例如；好啊vaˊ唔好啊vaˇ？,食啊laˊ唔食啊laˇ？

22.打卵就愛見黃：馬上辦,即jidˋ時介意思。

23.任im在你：隨在你,隨你介意思。

24.登denˊ常songˇ：時常,常透teu介意思。

25.堵銷seu：所積欠介金額或數量,用某種方式來扯平。

26.麼manˋ人：什麼人。麼magˋ介人：那一種人。

27.倒do 轉來：路程上折返回來。倒doˋ 轉來：將東倒回來。

28.痼goˊ瘼moˊ<剭ciiˇ>頭：笑罵語詞,相當<發bodˋ脹zong ?>。<剭ciiˇ>字由屋改<犀>。

29.<匝biang>：躲藏 ,怕人發現。<匝biang>巾改丙字。囥 kong：隨便放置。

30.係he係meˇ？：係 he唔係me介簡略語。恁anˋ地neˊ係meˇ：這樣子是嗎？

◆(不明事理胡裡胡塗蠻幹)：[(滿ㄇㄢˊ頇ㄏㄢ)(華語)] [(頇ㄏㄤˊ頇(河洛)] [(頇ㄏㄚmˊ頇)(狂kongˇ狂)(客語)]等不同音譯。

=====

1▲客家四縣腔聯音[聲母韻母與文字]建構分析, 韻母[.e]聯音[實体]聯音只限上共8字如下,韻母[a&o]聯音字[虚字],只限上[啊,噢]。◆[本音]係指聯音介韻母音(有多種地方語音字時只注韻母音,如[仔]注e音)◆[語音(指讀音)]：由本音(韻母)與聲母結構所成的完整音。◆[客語聯音(union)&英文連音(connect)用語字不同]請點閱聽聯音結構聲母讀音(義大教學 07：25分)→ https://youtu.be/tjhqigIgflo (youtube)