287◆人生難行壞七條路(客家(四縣)白話文語文篇)　[課文一字一語(客四縣腔)(對照錄音)]

 一.賭博：這實在唔係頭路,當初來搞牌仔ieˋ,伊介味道相當好,蓋得人入迷,相當刺qiugˋ激又生趣qi,以前雖然在過年,開始學搞[擺baiˋ把baˋ地veˊ],也係不妨,但是蓋容易生尾,搞入了beˇ巢sauˇ以後,實在相當得人驚,莫講伊介輸贏,假使學會了ieˇ賭博,不但心神會變壞,伊介ie面相也會改變,自然會改變到面有[貪]字的賭博面相。

再講眼神也不相同,這也可能係賭博人家常常注意了ieˇ上song手下ha手的ve牌路,訓練到do賊眼賊眼,[鷂ieu角眼],分人無好感。還有老一輩人常講；十賭九輸,贏的nge礱nungˇ糠hongˊ,輸的ve係米。實在蓋明顯表示,賭博係[荒工廢業],唔係頭路,有時分伊贏的nge時節,就會蓋殺牙爽songˋ食,有贏了錢蓋敢[口林]limˊ,甚siim至去尋[菜店嫲maˇ]來樂暢tiong一下,又甚至(Q K)一下,無形中又犯fam了meˇ不正常行為,萬一係輸博了geˇ呢no？實在才過,發誓講唔敢賭了veˇ,猴死目死無打緊,堂堂一個le男子漢,就暗中動歪腦筋來騙,想看啊na係he唔係me能夠,偷得veˋ到doˋ些xidˋ把老本錢,再來賭一下,壞咧leˊ！天公爺一生最恨賭,故所唔會來同情,再來分bunˊ伊輸一次,這隻猴哥死心嗎？噢oˋ！人家所講介道理[窮則變！變則通！],所以就想出麼介三十六計,所以就半借半偷,撮codˋ假斂lien人家,金蟬samˊ脫殼,偷天換日,借屍siiˊ還vanˇ魂… …等計調,通通借來試sii試cii用,樣ngiongˋ地neˊ神偷妙賊法的把戲,也係只能詐za人一時,也無法騙人永久。

唉aiˋ！賭博,贏也ngaˊ唔好,輸也vaˊ不利,賭博實在使人心神不寧nenˇ,財物不保,公婆大細se都會怪怨ian的事,怪唔得老人家常講：恁anˋ敢死！日本時代賭到今,都duˊ係賭唔出頭,這下也還敢去賭,假使以賭博為業者,實在愛捉來跪灶zo君爺,尤其現下有個唔前討姑娘的nge細阿哥仔veˋ,真係目珠愛擘bagˋ較go開啊iaˋ！賭會了ieˇ博,奈nai家人介ne細阿妹仔敢嫁分伊做姑娘？實在有影！賭博這項頭路,實在唔係小可koˋ的頭路。小心小心！膽膽大！好得汝無學到。

◇◇舞女精ginˊ過狐huˇ狸精：

 二.上舞廳交舞女：聽講舞廳肚裡,有龐pangˊ香的nge好酒,又有肉色集xib嫩nun蓋靚jiangˊ,肌骨登真又大方的nge舞女,只要腳一踏入舞廳,音樂係一流的ve,雙雙對對,攬lamˋ來跳舞,實在蓋餳xiangˇ人,蓋得人欣賞凡間人生的ne？快樂。唔過,大家唔知有想過無moˇ？舞女下海來同人跳舞,為了liauˋ係麼介東西？伊係恁anˋ戇ngong猴來同唔相唔識的le人牽手來跳舞係he嗎？講老實話,伊也係驚壞fai底的人會來害伊啊iaˇ！蛇愛命,拐(蛙)guaiˋ愛命！何能伊恁大膽呢？講穿了neˇ伊就係為了liauˋ阿錢伯來介,相信無唔著cog！

再講舞女；也係精過三隻狐狸精,在跳舞的ve時節,當像當好意,當有感情一樣,將把伊介手,同人摸miaˊ來摸去,唔知情的後heu生sangˊ仔ngeˋ,會覺gogˋ到,嘿ha！舞女真係知得人意,同人抓zauˋ上抓下,實在唔知一鬆sungˊ爽songˋ地ngeˊ！唔過,愛知死噢io！等伊摸到皮包仔veˋ係蓋飽的時節,伊越至zii厚heu意,同時伊介猴聲說sodˋ就會唱歌仔分bunˊ你聽：哥哥！𠊎ngaiˇ愛汝ng啊ngaˇ！同時伊介心肚裡就暗中接唱下去,[𠊎愛你介新台幣啊ia]！啊aˋ！猴了veˊ！人家舞女唱的nge歌仔veˋ,相似酒矸gon仔neˋ嫂—樣的兩頭甜,分bunˊ人聽到實在當順耳,所以有兜deuˊ較go封fungˊ神的後生仔,就會分伊介虛情假意來灌到末madˋ醉,來落log釣diau,該ge時節就愛知愁seuˇ了veˇ,佢介皮包仔就會像刺qiuˋ到doˋ番釘仔ngeˋ介內乳nen(內胎)一樣,風漏到咻xiu咻滾！兩下手板,皮包肚裡的千票百票也會漏到賞平極kid光,留得veˋ車錢分佢歸去,也係有些xidˋ把baˋ良心的me。但是這種舞女的技巧kiauˋ,唔係me一流的ve,容易使人分funˊ醒起來,也會緊緊來教精人。

至於一流的ve舞女,又生sangˊ到doˋ樣ngiongˋ般呢？實在高明,伊同人在五光十色的le舞廳燈光下,假作zogˋ一切為了你,使你覺gogˋ到涯樣會恁anˋ幸福,恁有人緣,樣ngiongˋ會有舞女恁中意𠊎。甚siim至zii 唔使siiˋ錢,免費招待𠊎,使你歸到家睡目時,半夜都會偷謔nagˋ！想到係[𠊎]前生係有修到,不然今晡buˊ日樣會恁有福氣呢noˋ？假使中zung到這種舞女的計gie調tiau,實在就好知愁了veˇ,狗屎運到了！樣地ngeˊ講呢no？聽講：一般人入了舞廳以後,經常受到五光十色的燈光照射,這種五光十色的燈光肚裡含hamˇ有粉紅色的輻fug射線,照多了veˇ以後,能夠gieu使人得dedˋ到昏頭戇ngong腦的症ziin頭,顛dienˊ顛斯siiˊ斯就有[半路認母娘]的樣式,變成了[火山孝子],相當孝順舞女,莫講食的方面有求必應,連住hed的樓屋,有才情時也相當[手罅la]開,來買分伊,甚至阿公婆介神位也敢剖一析sagˋ分伊,實在係大戇ngong鳥！所以有人講：火山孝子介火力,相當厲害,萬一火山爆發的時節,會使人熝lug到,跳tiauˇ上跳下,跳到do褲袋,錢袋,甚至[祖宗八代]也會跳到空空。火山的燒槳ziongˊ會使人熝lug到溜liu皮又溜骨。火山介燒槳也蓋滑vad,也比滑vat溜苔toiˇ較go滑,會使人跌到四腳撓ngia天,永遠無法度跋bagˋ爬paˇ[足亢hong起來,無死[也剩半條命咧]！敢有影恁得人驚介嗄haˋ！

三.討細se婆：通常時節在一般酒桌閒聊中,蓋多[雄繃bang繃]的男仔meˋ人不時講：賺到錢時愛來畜hiugˋ細姐jiaˋ仔,討[福佬嫲maˇ]。等等這號話緒xi。甚至有的ve男仔人心肝肚裡癢癢,可能係患了[香港心]吧！也想愛來[試ci卡ka買maiˊ]啊iaˋ,來討細婆,換換口味係如何？千萬不可,天倫的交通規則不可亂,雖然只有汝伊倆人知得,但是天也知,地也知,有人講：雞卵再密med,也有縫pung。有朝zeuˊ一日事情會洩xiabˋ漏出來分人知得,該ge時節,猴皮就要弓緪henˇ,堪kamˊ得meˋ得dedˋ人打,不但屋家介老婆,細人仔會唔甘願來起風波,連隔gabˋ壁鄰舍的人,也會來過嘴,來頌xiung經分人聽,所以頭擺人有一句話講：假使一人耕了neˇ兩坵田,上夜放上坵田水,下坵田會來怪怨ian；下夜放biong了ngeˇ下坵田,上坵田又會起惡ogˋ,唔知愛放奈坵田較go好！實在有道理。在一般來看,東西只有一隻,討了大婆細姐jiaˋ,實在蓋難擺平,假使大婆同細婆相處啊va唔好,該ge時節就猴咧leˊ！對眾人就會蓋壞勢se(細)！(所以一般俗語講[壞勢]用[壞細se]的原因,有人解釋為：細婆的好壞來講,假使細婆同大婆無堵duˋ好,實在就會搞到烏天暗地,蓋難為情,不好意思,就將全部不好意思的罪過推到細婆的身上。假使無細婆來,佢也唔會有恁多不好意思,所以就罵不好意思為[壞細婆],簡罵為[壞細],恁anˋ地neˊ講,也係有一片理。所以無討細婆者奈會來有壞細呢？

後來由於一得一失不公平時,就包佢giˇ有三日一小吵,五日一大吵,甚至經常有[追zuiˊ,趜giugˋ,走zeuˋ,跳tiauˇ,碰pung]比電視台綜藝節目的五花八門戲較好看,真係大傷腦筋,不但耗hoˊ費精神又製造恁多麻煩,,終究也有[身虛神弱]的樣式,行路也頭[犁laiˇ]犁的結局,又何苦來哉？所以又有個老伯婆講：樣般恁猴！有本事討細婆者,就愛有才調來分大婆細婆在精神上,物質上公平又合理。啊aˋ！可能嗎？實在非常的nge不可能嗎！尤其[嫉jidˋ妒tu]兩隻字都係從(女)字片,愛使得大細婆都唔會議論,神仙也係做唔到,何況人也係凡famˇ間俗xiugˋ子呢no！朋友討細婆這件事,實在又鹹又苦噢voˊ！新鮮罔mongˋ新鮮,講歸講,假使試cii到了veˇ就知得麼介係[鹽膽味]？目汁都會向頂高流噢voˊ！所以某一個聖人戲稱討細婆者曰：天將降gong大任im於斯人也,勞其心苦其志也！

◇◇著cog大頭病無moˇ藥醫 ：

 四.花錢插cabˋ政治：時下蓋多人,有了veˇ錢以後,不甘寂xiugˋ寞mogˋ,唔曉得來行善積德,偏偏不安份fun,著到麼magˋ介[大頭病],強求出名又愛搶光,也唔曉得拿秤ciin仔neˋ來秤一下自家命肚裡的才華與祖德的輕重有一多,就利用錢財買選票來插政治。

由過去來看,愛當選鎮鄉長,起碼也愛有論千萬銀介[銃cung子仔],才nang可以當選；同時坐上了neˇ寶座又結黨結派(黨字有人分解；上為[尚]&下為[黑]二隻字結合介意思,[烏]係烏不是蓋烏的意思,[派]字係[脈magˋ]字介脫肉換水。)想愛凡事橫行直過,不按牌理出牌,失去了正理公道,假使恁anˋ地neˊ做,天庭頂高的[天公伯]肯henˋ分凡間人恁地來做嗄ha？不可也！地府的閻羅王也會有記錄的,到時伊就知得,該當何罪？

以上所談從事[花錢插政治]的結局都係樣般容易破財的頭路,為何又有恁多人愛來搞呢？伊有麼介[奧o秘bi]介所在呢no？[涯ngaiˇ]等nenˊ係局外人,實在難以想像,比將ziongˊ以前在臺南市有一位將近九十歲的市議員,伊在大陸時節,官都當了真大粒,學歷也係博士級,來臺灣以後,當了ngeˇ半人生介市議員,還唔過願,還想當市長,日日夢想競選的趣qi味,所以造成了一個蓋生趣的症ziin頭,聽講伊在街路上hong行路時,若係有人敬神打紙炮爆仔時,伊都會有意無意自動擎kiaˇ手,同時大聲答謝講：謝謝！謝謝！一句回禮答謝 的話,你講生趣嗎？由此可見,入巢sauˇ於政治活動者,樂在其中矣iˇ！實在嶄zamˋ滿鼎dinˋ願ngian！

◇◇做電子業容易走路？

像現下的電子計算機在民國六十一年,一台十二位數的電子計算機將近兩萬銀,但是目前唔使兩佰銀就可以買到,相差論佰倍。所以經營這種電子行業,過於變化多端,實在危險。但話又講轉來,為何又恁多人愛來行這條路呢？因為這種電子產品係[行hongˇ貨],利潤總在十倍以上,所以利潤之高,為百業之首,有朝一日成功,真係相似賺水樣,蓋好空kangˊ啊ngaˇ！假使無法度開發新產品者,最好莫開電子公司。但是,目前蓋多業者,無法像美國企業來[發明&研究],也無法像日本企業來[創新]。樣般,只好行[仿fongˋ冒mo]這條路,冒得veˋ對就賺大錢,冒唔對分bunˊ人捉zogˋ到就[拔毛一級二ngi]走路,關門大吉！

◇◇辨雜誌係大蕃薯 ：

六.出風頭辦雜誌：話講閒來有雜誌在手,綜看天下事,乃是一大樂事也。尤其目前知識爆炸的時期,不管奈一階層的人,都希望多看一些xidˋ書,來充實自家與廣開眼界,知得天下事為光榮,不得不夜讀新鮮有趣gi的雜誌,照恁anˋ地neˊ來看,[出版雜誌]應該係大發財才nang著cog啊gaˇ！為何又講係壞行的一條路呢？根據giˋ業者反應壞行的原因,競爭zenˊ是其中原因之一。最大的原因係目前不少讀者介心理,看雜誌係在尋新鮮,好奇,是非之論作,使得正經厚heu道的好書,往往冷落滯ce銷。至於內幕重重,吊玄hianˇ弄虛hiˊ的雜誌,相反地銷路唔會差,但是這種書往往立論不公,偏激gidˋ,同時筆尾忒tedˋ尖,容易得罪當事者抑iaˊ係政府,往往係禁刊也抑iaˊ係分bunˊ人退貨,所以經營雜誌係一件相當不容易的事,假使立論正經又不加上其他內容花草,驚怕[免費贈送]再加刊[傳閱  功德無量],也係少人來看(但目前客家雜誌.美濃的月光山雜誌與下庄的六堆風雲雜誌,皆以正經又以文化傳統為本,正符合目前自家人所看,站在文化,道德上是一本好書,怪唔得身為美濃人,六堆人為特別愛看的書,但希望大家共同支持,延續sxiug客家文化,功德無量)。

◇◇拍電影包了liauˋ淨淨：

七.拍電影事業：拍電影事業雖然係流行的行業,但是自民國六十年到今晡buˊ日,除了[中影製片公司]以外,蓋罕hon得有機會來慶祝十週年紀念的製片公司,雖然當時受到電視的影響,一落千丈,近年來,製片廠又還唔死心,又在電影的燈光,影技,道具… …等方面去發展,看啊na有[翻fanˊ生]的機會嗎？無想到,目前又受到第二次的e打擊有線電視的來臨,只要電影片一登臺,閉路電視片也同時可租到。同時又有人講從事製片或者演員,容易學到壞習慣,致使製片業中著cog到內傷而終,所以製片業也分人列入難行的一條路。

以上所漫淡的七條路,也唔係絕對是行唔得,只是依社會介觀點來看,十有八.九者行起來的結局是壞行,尤其[賭博,討細婆,踏舞廳]等這三條路,應該敬而遠之,總歸一句話：玩nguanˋ物喪志,玩人喪德。凡事應該以道德為本(所謂道德：有人解釋為不傷害他人家為之道德,有了道德,才唔會傷害到自家與子孫,所以前面所淡三項事萬萬不可有,其危害程度非常地大,所以又有人講：假使某人有仇suˇ恨hen想愛來報,不必去借刀買銃cung,只要想盡辦法來教伊[賭博,踏舞廳,討細婆]… …等,仇suˇ家學會了ieˇ以後,不出幾年,不但有猴戲可看,同時仇恨也就報忒hedˋ了leˇ。(但凡事惡有惡報,報復並非上策,為人應存慈ciiˇ悲biˊ,如上所指方法,其毒甚烈,勸君勿仿勿試)。