貓公貓嫲maˇ都生鬚 原因故事對奈來(從何來)
貓公貓嫲maˇ都生鬚
|
【記者廖金明／專欄報導】
一.劇中人：阿雄,閻羅王,土地伯公,算命仙。
二.劇 文：[專精客家白話語文]才有辦法寫作[客家戲劇文]。
阿 雄：唉aiˋ！[涯]ngaiˇ實在係命歪vaiˊ！每日孤單一個le人做啊va會死！又搭dabˋ雨打風吹日曬,做人還艱gianˊ苦了veˇ哪！下ha生senˊ人 [涯]絕對唔想再做人了neˇ啦！
算命仙：唉aiˋ！後生sangˊ仔ngeˋ！看你頭先在該ge大聲細se聲怨歎麼magˋ介呢？[涯]看你面相係福氣之人啊naˇ！你生來就係唔使做事se, 食著zogˋ也唔使愁seuˇ的ve人,你自家拿鏡仔ngeˋ來照看哪na是sii！你介面相係有一 好了veˊ哪naˊ！頭大面大還不在cai！耳公又搭dabˋ像大肥豬的ve耳公恁大,[涯]看唔mˇ單止ziiˋ恁地neˊ了ieˊ！你又還有一筆大橫vangˇ財喲ioˊ！
阿 雄：噢oˋ！有影噢ngoˋ！唉aiˊ唉！[涯]樣ngiongˋ唔知啊iaˇ！ 鏡仔拿來一照！啊aˋ！果然無唔著cog！[涯]從qiungˇ今日以後,每日做得睡目來等denˋ榮華富貴來了ieˊ！同時將钁giogˋ頭.擔damˊ頭愛掉tiauˋ忒hedˋ了leˊ去了ieˊ！
旁 白：有影iangˋ！阿雄深信不疑ngiˇ該ge位算命仙介ne話,恁anˋ地neˊ就放忒hedˋ事se頭唔做了veˇ！最後睡死啊ia在眠床上hong。
閻羅王：噯oiˋ！後生仔ngeˋ！你陽壽未vi盡,樣恁遽giagˋ就來報到了veˇ呢？係he唔係me有人害死你ngˇ啊ngaˇ？請你詳細講分[涯]ngaiˇ聽！
阿 雄：嚎hoˋ嚎！閻羅loˋ王實在高明！高明！涯唔曾qienˇ講你知,該ge就係有一位算命仙仔neˋ講麼magˋ介講,涯唔使做也有好食著zogˋ,搭dabˋ又大富大貴啊va噢voˊ！害涯睡死啊ia在眠床上,涯愛告佢giˇ害死罪涯！搭附帶民事賠償$2,000萬銀,唔相信可以調佢來問！
閻羅王：唉eˋ！算命仙！該ge位後生仔講你害死佢,敢有這款kuanˋ事情？
算命仙：閻羅王啊ngaˇ閻羅王！這個事情實在係冤ianˊ枉vongˋ噢ngoˊ！當時涯看到這位後生仔介ie面相xiong,確實係大富大貴福氣之人介ne面相,奈nai知佢懶怠tai到這個程度,明明都係佢自家睡死啊ia在眠床上hong啊ngaˇ！涯奈有害佢呢？屙oˊ屙巴baˇ巴！若naˊ係唔相信馬上可以調diau土地伯公來做公當dong人。
閻羅王：唉eˋ！土地公！頭下該ge位算命仙所講的nge,係真的ne也係假的ve啊？
土地公：稟binˋ報閻羅王！算命仙所講的nge一切都係實話,講到該ge位後生仔啊iaˇ！實在係世上難尋qimˇ有的ve懶lanˊ怠人,其iaˊ眠床腳下有一大堆的ie金銀財寶,也iaˊ難啊na唔知好尋qimˇ,餓死啊ia在眠床上,啊aˋ！實在係該goiˊ死的ie喲ioˊ！
閻羅王：後生仔！照頭先佢等denˊ兩儕saˇ所講,你實在不應該喲ioˊ！你陽壽su未盡！汝愛較go遽兜deuˊ地veˊ還魂funˇ人間,嘎ga無,你介nge身屍siiˊ黦mudˋ忒hedˋ了leˇ以後,該ge就傷腦筋了neˇ喲io！
阿 雄：報告閻羅王！涯感覺gogˋ到做人實在艱gianˊ辛xinˊ！涯唔想再做人了neˇ,涯想愛做貓meu仔veˋ,做貓仔當好！高興him時就去捉老鼠cuˋ仔,唔歡喜時就眠上等nenˋ睡目,主人也會送食的le來,拜託拜託！拜託分涯一擺baiˋ機會好無moˇ啦laˋ！
閻羅王：好啦laˋ！好啦！照汝上与介意思！看！<1…2..>。
阿 雄：等denˋ一下！等一下！在變貓仔介ie時節,拜託愛先將貓仔介嘴筒四週圍,生滿長長的nge鬚又搭點啊ma一點一點白白,使令lin到老鼠仔唔知,又恅lauˋ到係有東西好食,衝zungˊ入落吾嘴肚裡來！涯嘴一擘bagˋ一呷gabˋ 啊ba落去就好勢se了ieˊ,該ge有一好地veˊ！報告閻羅王！汝唔mˇ知喲ioˋ？
閻羅王：好啦好啦！唔好吵了veˇ！真係懶人有懶計！恁地neˊ好！嘎ga就成siinˇ 全你！<1…2…3..！>轉世投胎toiˊ變成嘴上生滿鬚又一點一點白白的ge貓仔！
——– 劇 終 ——
三.本文客家語文&文法注解：
1.實在是siiˇ命歪：[是sii]第三聲特殊用法 ,後句接相反語句。例：好是siiˇ好,可惜少一項。
2.做啊va會死：啊va係轉音虛字,填補句語順口。本句[做啊 va會死]&[做會死]意義不同。[啊&也]是以[a]為韻母 ,聲母語音變化係以前接字語韻毋尾音作變化,一共有九音,詳參考[客語a.e.o三音的轉音]要領>。
3.又搭dabˋ：而 iˇ且qiaˋ。附帶條件語句 。
4.艱gianˊ苦：艱 難困苦。艱gienˊ(北部音),韻母[ian&ien]與[ied]&[iat ]南北音用法不同 ,聲調一樣。
5.苦kuˋ了veˇ哪naˊ：[了哪]句型 ,表示屢次應驗皆如此,[了]為[e]韻母的轉音字。
6.唔做人了neˇ啦laˋ：[了啦]句型。表示業已決定語氣。
7.做事se：工作(勞力者)。做事sii(勞心者)。
8.唔單止恁anˋ地neˊ了ieˊ：不止恁地。恁地neˊ：這樣地。
9.唉唉aiˊ！：客語嘆詞與華語不同,同字語重複愈多,表示加重語氣的多少。
10.大富大貴啊va噢 voˊ：9[啊 va噢 voˊ]→人家皆如此說。
11.懶lanˊ怠tai：精神散漫又懶 墮。
12.屙屙oˊ巴巴baˇ：胡說八道。隨隨便便。
13.若naˊ係he：如果是。
14.嘴筒：獸類的面頰。
15.一擘bagˋ一呷gab：嘴一開即咬過去。擘：張開。呷：用全部牙齒。
16.衝zungˊ入：闖ciimˋ入來。衝cungˊ：正向衝。
17.黦mudˋ忒tedˋ：爛掉。忒tedˋ另兩(hedˋ[南部],pedˋ<東勢>)。
18.嘎ga無moˇ：那麼無。[嘎ga&ㄤang]語首口頭語。
19.該ge有一好地 veˊ：那有多好啊！
20.閻羅loˋ王：閻ngiamˇ老王,地府掌管生死善惡獎懲的大王。
21.事se頭：概指一切工作。
22.好啦好啦！：表示不耐煩的答應。好啦：上對下允准。是是：下對上承諾。
=======
 ▲1.飽飽(公)威武雄壯介八字鬚  ▲2.妞妞(嫲maˇ)嬌柔可愛也生有古典雅式介美髯鬚 ========== |