【記者廖金明／專欄報導】 聽講在某meuˊ一個暑假中,在高雄市有一位人家,常透teu將細人仔neˋ送去臺北親戚家中渡假,同時希望多學兜deuˊ地veˊ都市介e生活。有一日,這位做阿姆介ie就將國小學四年生的徠lai仔ieˋ,帶到高雄市九如路來坐某某野雞巴士上songˊ臺北,當這位做阿姆meˊ介將這位蓋精靈又聰明的ne小朋友送上了ngeˇ車仔veˋ,將伊應該交代dai的事交代好勢se了ieˇ以後,就分細人仔佢giˇ自家一個le人去臺北聊liau了veˇ。
當這位細阿哥仔坐在車仔肚裡時,唔係me蓋瞭解沿ianˇ途路上hong介nge車站,所以每擺看到巴士有下高速公路載人客介ne時節,總係會走到頭前來問司機講：司機阿叔！臺中到了veˇ嗎？恁anˋ地neˊ再三問司機,司機分這位細阿哥仔問啊na愛唔mˇ得,心肚裡實在煩fanˇ,這位細阿哥仔到了員林時,同樣地又衝zungˊ來問司機講：司機阿叔！臺中到了veˇ嗎？司機就講：台中還蓋goi遠！台中到了涯會喊ham您 ！
這位細阿哥仔聽了ngeˇ司機有恁anˋ好意的ie服務vu,當時車仔肚裡也只有十過的人客,空位當多,佢就選了neˇ兩個無人坐的ve座位,眠minˇ啊na好勢se！好勢！一下地veˊ就睡落覺gau了veˇ,當時車肚裡的音樂也係he大聲又好聽,車仔介速度也係咻hiu咻滾當遽giagˋ。該時節,臺中也都好無人上下車 , 忽fudˋ聲地ngeˊ！臺中就過去了ieˇ,一下地veˊ將近愛到豐原時,這位司機才nang想到後背尾的細阿哥仔,佢有再三地me交代dai,到了臺中愛喊佢,這下豐原又會到了！樣ngiong得生死哪naˊ！這位細阿哥仔又係單人獨馬一個人！所以司機到了豐原交流道時,就慢慢地neˊ駛下交流道。
當巴士在交流道腳下停好勢se了ieˇ以後 ,司機深深的me表示壞勢se,向眾旅客講：各位旅liˋ客！嶄zamˋ滿壞勢！後背尾該ge位細阿哥仔,在員林介me時節有交代dai涯；到了veˇ臺中時愛喊佢下車。但係,涯一時無頭神,就腆tiamˊ放biong忒hedˋ喊佢,這下佢自家一個人地neˊ,在後背尾睡到[咕guˇ咕滾]！希望拜託大家幫忙一下,分涯翻fanˊ頭將這位細阿哥仔載轉臺中好嗎？拜託！拜託！拜託！當時車肚裡的人客聽了ngeˇ這段求情的ne話。好加在！大家也係無趕時間,恁anˋ地neˊ,大家就異口同聲來答應司機介ie要求！將細阿哥仔載轉臺中去下車。
司機得到大家同意幫忙,心肝肚裡非常的感謝大家,心情也係蓋鬆sungˊ爽的將車仔駛轉臺中,經過了veˇ論半點鐘以後,車仔就來到了臺中交流道腳下,司機將車仔停穩vunˋ了neˇ以後,再講表示感謝qia大家介幫忙,同時非常有[生senˊ理liˊ人]介ne風度,行到細阿哥仔介ie座位邊,輕輕地ngeˊ搖醒了ngeˇ這位細阿哥仔,同時講：細阿哥仔！細阿哥仔！臺中到了veˊ！臺中到了！請汝下車啊vaˇ！
當這位細阿哥仔對睡夢之中,分司機喊醒了ngeˇ以後,同時又聽到；臺中到了veˇ！臺中到了！佢高興到do跳tiauˇ起來,同時大聲細se聲的nge感謝司機阿叔,接等又大聲的nge講：現下臺中到了！涯可以依照涯媽媽介交代dai；開始好食飯咧leˊ！大家來分涯請！司機聽了以後,企到呆ngoiˇ呆講：汝ngˇ！汝！汝！唔係me喚vonˋ涯喊汝,汝愛到臺中時愛下車嗄haˋ？細阿哥仔講：冇moˇ啊vaˋ！冇啊！涯淨淨係拜託汝,到臺中時同涯講一聲,涯係愛來食吾ngaˊ媽媽同涯準備的ie便當,涯唔係愛下車啊vaˇ！汝看！涯介車票也係直達到臺北介le啊iaˇ！
經過了這位細阿哥仔veˋ高興又大聲的nge辯bien解以後, 全車肚裡介人客謔nagˋ到目汁[流liuˇ流流liu流]！樣ngiongˋ會恁生senˊ趣qi！至於司機雖然譴到面色都係反烏vuˊ！但係受到車肚裡人客介笑聲,也係跈tenˇ等大家謔nagˋ出來！真係童謠ieuˇ所唱：愛噭gieu又愛謔,屙oˊ屎用線[塌]tagˋ！
由這段小故事,可以知得世上介nge事,蓋多係不比平常的nge事情也係真多,所以做人處事方面,不得不多問一下,才唔會來害到自家,同人多講詳細一下,才唔會來冤ianˊ枉vongˋ到doˋ他人家,汝講係he嗎maˇ？
◆[本文一字一語(對照錄音)](11：24分)→ https://drive.google.com/file/d/1-b-xIRhpmyuGMCpa7BmXXGd9TJ1Yy8TG/view?usp=share_link
==========
◆本文客語(四縣)註解&文法：
1. 登常songˇ：通常,平常,常透。徠lai仔：男孩,兒子。[孻]同[賴]。[涯ngaiˇ]人部。話敘xi：話語。
2. 些xidˋ把baˋ地 veˊ：一點點。兜deuˊ地。[些把&兜]義不盡相同。
3. 阿姆meˊ：媽媽 ,伯 m 媽maˋ。姆姆：有人指後姆。攬lamˋ：抱。
4. 葛gadˋ煞sadˋ：藤條可做杖仔,無葛煞sadˋ：指老人家無杖仔怙ku, 行路困難 ,比喻無法度,無辦法。唆soˊ慫sungˋ：教唆指使。
5. 肚裡：一概指裡面。又有人講[裡diˊ肚裡liˊ,肚]。
6. 樣ngiong得生死：不知應該如何才好。佢giˇ：他(男),伊iˇ(女)。
7. 嶄zamˋ滿壞勢 se：非常不好意思,[嶄滿]→[嶄原](美濃地方語)。
8. 鬆sungˊ爽songˋ：輕鬆又爽快。輕鬆指肉體之好,[爽]心情之好。
9. 流liuˇ流流liu流：流得蓋嚴重。[liuˇ,liuˇ,liu,liu]四音。同[咕guˇ咕guˇ咕gu咕gu]四字音同。[咕guˇ咕gu咕guˇ]三字句型。
10.譴kienˋ：受氣,生氣。譴責zedˋ：很生氣地責備。生氣：受氣。
11.反fanˋ烏 vuˊ：變黑。反fanˋ苦：變苦。恁anˋ地neˊ：這樣地。
12.跈tenˇ：跟著。某meuˊ某：不便稱呼名稱時用。
13.噭gieu愛謔nagˋ,屙屎用線[蹋tagˋ]：又係哭又係笑,即哭笑不得,情像屙屎唔出 ,愛用線來結綁屎頭後,再拉出來。[蹋tagˋ]單糸部首。
14.係he係meˇ：是不是。[係he唔mˇ係me]之簡略語。
15.[仔eˋ]字為第四聲的轉音字,韻母是[e,i[,聲母[v.L,i,m,n,ng,g,b]音。
16.謔nagˋ：笑的意思。臺北聊liau：臺北玩。玩 ngungˋ。
17.咻hiu咻滾gunˋ當遽giagˋ：駛啊a當遽giagˋ快。
18.後背尾miˊ：後面。尾miˊ→muiˊ(北部)。
19.忽fud聲地：很快地。一下地 veˊ：一下子。腆tiamˊ放：忘了。
20.論半點鐘：將近半點鐘。點過鐘：超過一點鐘。
21.生senˊ理liˊ人：生意的商人。
22.交代dai：吩咐。代toi理。生senˊ趣qi：有趣。
23.冇moˇ哇 vaˇ：無。哇va→ua(華語)。
24.細阿哥仔veˋ：對小男孩的尊稱。
25.吾ngaˊ媽媽：我的媽媽。[涯]媽媽＝我的媽媽,[涯]的特殊用法。
26.咕：狀聲字,有多種音；gu &kuˇ。
(1)[咕guˇ咕gu咕guˇ]！→斑鳩類叫聲。
(2)咕gu咕gu咕gu！嘍leu狗的叫聲。嘍leu聲→人與動物間的語言。
(3)咕guˇ咕guˇ咕gu咕gu！→咕gu唔停的意思。
————.
1◆吾ngaˊ姆meˊ交代dai：坐野雞車(偏音名：閹iamˊ雞車)頭手唔好moˋ出來。
2◆吾ngaˊ姆meˊ交代dai；臺中到了才nang好食飯！臺中到了veˇ！大家來分涯請！司機：唔係me愛下車啊vaˋ?
◆聲調拼音要領：
(1)第一&第二聲調：與華語聲調符號相同。華語無第五&六聲調。
(2)第三聲(ˇ)：國客符號左右相反,華語：李(liˇ),客語：璃(liˇ)。
(3)第四聲(ˋ)：客語為由中音向低如：(liˋ),國語由高音向下：(liˋ)。
(4)第五聲調：與華語笫一聲調相同,無符號,屬入聲調。
(5)第六聲(ˋ)：韻母尾音有(b.d.g)的入聲字,如第四聲發音要領相同。
華語第三聲調(左)客語第三聲調,華語第四聲調(左)客語第四聲調
=========
◆深藏百年水圳文化介溪埔寮暗涵,建請惠予改善,功德無量(保存古蹟的單位奈去了？)！
◇台灣客家電子報課文(敬請點看)→ https://yuyuhakka.shop2000.com.tw/news/330481(2020/2/3第三次再建議)
相關
