指定向光頭和尚推售梳仔介故事　(腦力激盪法. 行銷)

【記者廖金明／專欄報導】　在民國70年介時代,各企kiˊ業界與政府機關都講究giu品質管制介推展zanˋ,並實行[Q.C.C]品管圈介活動,在[Q.C.C]介活動,又有一項[腦力激gidˋ盪tong法]為主要角色。簡單講：[腦力激gidˋ盪tong法]就係樣ngiongˋ地ngeˊ將產品也係服務介品質達到doˋ到do[新速實簡]介境界,增加營inˇ收與減低成本為目標,在該ge當時不但風行一時,對機關與企改善當多當好介體質與成果。

當時有一家專門做梳siiˊ頭那毛介梳仔eˋ公司,這家公司介總經理也熱烈推展品管圈介[腦力激gidˋ盪tong法],想愛增加梳仔eˋ公司介收入。所以有一日就召seu集xib全公司四五佰儕saˇ介員工,來到公司禮堂會議ngi宣佈總經理經營inˇ公司介理念,推展品管圈介[腦力激gidˋ盪tong法]分大家知,並要求大家介步腳齊ceˇ向這個方向hiong來進行。當這個理念講忒hedˋ了leˇ以後,眾員工拍手讚同,並異口同聲歡呼講：登珍！高明！高明！

當總經理以演講介方式講忒了這段經營inˇ公司介理念以後,又得到眾員工以歡呼方式介讚同,總經理心肚裡與外表都係有高度人所不知diˊ介鬆爽所在,所以要求大家惦(恬)diamˊ靜,總經理愛宣佈秘bi密介實際[腦力激gidˋ盪tong法行動,眾員工一時肅sogˋ惦(恬)diamˊ來等待總經理介宣佈。總經理看到全場肅sogˋ惦(恬)diamˊ,就高高企kiˊ在講台上並拿等nenˋ[賣moi古]蓋正經又當暢tiong的nge向大家宣佈講：既gi然恁anˋ有心ximˊ來愛公司,希望大家肯henˋ用腦力,付出心力來將公司自家介產品[梳仔eˋ]加強推銷出去無moˇ？總經理介話都唔mˇ曾qienˇ講忒,眾員工就吶iui吶嚎嚎hoˇ大聲講：隨在總經理指示！員工一定會全力以赴fu,絕對無問題！

總經理就宣佈：對今晡日起事,員工大家愛向[和voˇ尚仔ngeˋ]來賣本公司介產品[梳仔eˋ]！這句話一講啊nga出,公司禮堂介全部員工,不分男女老幼,都係忍唔住hed,掩emˊ等肚笥siiˋ謔(笑)nagˋ來橫vang到do歸堆仔！總經理看到這個場,猶iuˇ原心神在在介在該ge等待tai這個場面惦(恬)diamˊ靜qin下來,過一趟tong地ngeˊ,場面惦(恬)diamˊ靜下來,就有眾多個員工擎ngiaˇ手又異口同聲又搭dabˋ大聲問總經理：今晡日朝zeuˊ晨無成sangˇ有食差caˊ藥仔？嘎ga無,講話出題樣(仰)ngiongˋ會恁anˋbudˋ對題！好賣唔賣,麼magˋ介向[無頭那毛介和voˇ尚仔ngeˋ]來賣梳仔eˋ！這個發問話一束sod,全場又係掩emˊ等肚笥siiˋ謔(笑)nagˋ來橫vang到do歸堆仔！總經理等眾員工謔(笑)nagˋ了ngeˇ以後就講：這個向[和voˇ尚仔ngeˋ梳仔eˋ]介問題,採取民主自願性,若係有自動自發愛參介人,請擎ngiaˇ手。總經理講了ngeˇ三遍bien以後,正有三個坐共下介人,以壞勢se介樣式擎ngiaˇ手講：願意試cii看啊na是咧leˊ！該ge時節,全場論仟粒介目珠,齊看對這片pienˋ來,有介就講：若係賣有一枝,涯會準馬畀biˋ騎！有介又講：若係賣有一枝,涯會將頭那剁dog下來,畀biˋ做頓dunˋ頭仔veˋ坐。總經理聽到這兜deuˊ訄kauˊ誚seˋ又刺qiuˋ激gidˋ介話,也無插cabˋ佢等,隨在zoi佢等講,也就宣佈,對天光日開始,由這三位勇者先來試cii賣！

第二朝晨打早,總經理同這三位勇者也比beˇ比來到公司,總經理事先也同這三勇者準備好,人儕saˇ一張最新最好介機車,同時再三交代dai：行車交通安全第一,—等等關心介話語以後,就將三枝機車介鎖soˋ匙siiˇ交分佢等,佢等三儕都唔識騎過恁登珍介機車,所以將鎖soˋ匙siiˇ一拿,就對準鎖頭空一插,機車一發動tung吥buˊ~！飛落lod就向山頂高介廟去了ieˇ！

第一位勇者巧kauˋ合善用[俗語理論]介結合創造行銷：第一位勇者自從都唔識騎過恁登珍介機車,續sa騎啊ia忒遽giagˋ,轉彎轉斡vadˋ無注意到,續橫vang了ngeˇ幾下擺,刻kadˋ捱ngai地ieˊ來到附近介一間廟堂,當這位勇者一踏tab入廟堂時,就看到有一位發bodˋ有臭頭介細和尚仔,坐啊va在簷iamˇ頭上,用手指甲緊刮guadˋ頭那上介雞屎堆doiˊ(臭頭),這位勇者遽giagˋ遽行兼giamˊ去同細和voˇ尚仔講：細se師父！細師父！身體髮fadˋ膚fuˊ受自父母！汝頭那上介[財liab]仔ieˋ,做唔得用手指甲去刮guadˋ噢loˊ！手有手紅,刮了leˇ會紅腫zungˋ噢ngoˊ！細se師父仔veˋ聽了以後又問講：嘎ga,愛樣般呢？這位勇者就同佢講：涯ngaiˇ有賣梳仔,做得慢慢地neˊ緊梳,頭那毛又唔會刮落,又做得止癢！細se師父仔veˋ聽了感覺相當有道理,馬上就同佢買一枝！

第一位勇者賣了一枝梳仔以後,相當高興介高興,同時愐到昨晡日唔知奈隻山猴仔講一句訄誚介話語：若係賣有一枝,會準馬畀biˋ騎！佢還記取在心肚裡。所以賣了ieˇ一枝以後,翻fanˊ頭就直接歸公司向總經理報告業績,總經理聽了ngeˇ這個捷qiab報以後,相當歡喜並緊拍pogˋ這位勇者,這位勇者又封神了liauˋ了纏canˇ問總經理：昨晡日唔知奈隻山猴仔講一句：若係賣有一枝,會準馬分涯ngaiˇ騎！這下涯有馬好騎了ieˊ(真係有人做戲,就有人看戲)！

第二位勇者善用[服務消費者]介結合創造行銷：再講第二位勇者也向山頭高,大間介廟堂去賣梳仔,在路上緊騎機車緊想,愛樣(仰)ngiongˋ地使得和尚仔來買梳仔,突tudˋ然間安全帽介帶仔ieˋ斷忒hedˋ戴唔得,費氣！就將安全帽囥kong在車手仔頭前介菜籃仔meˋ肚裡！奈知！去到廟堂時,頭那毛繷iungˇ膠gauˇ膠到doˋ,去到洗手台鏡仔ngeˋ一照,型款唔會輸非fiˊ洲大草原介繷iungˇ膠gaˊ麻maˇ(大雄獅)。

該ge時節突然間,心血來朝ceuˇ(靈機一動),將計就計,就[東]dungˊ等nenˋ恁繷iungˇ介頭那毛去拜見住cu持,去到住持該ge時,馬上向大師父合掌敬gin禮,並開口請問大師父：阿彌陀佛！像涯這款kuanˋ儀ngiˊ容不整,頭那毛繷iungˇ膠gauˇ膠到doˋ,係he唔係me做得去大殿tien點香拜佛？大師父隨口應答：千萬不可！不可！若係樣般,對神對佛確實係不禮不敬！第二位勇者隨時又向大師父表示,為了愛點香拜佛,假意向大師父借梳仔來梳頭那毛,該ge時節,大師父隨口應答：涯係落髮出家人,出家人頭上無煩惱noˋ烏vuˊ絲,奈有梳仔好借汝呢？

勇者又接等向大師父回應講：你這恁大間介廟堂,香客恁多,像涯頭那毛繷iungˇ膠gauˇ膠到doˋ介香客必定不少,何不預備論十枝囥kong啊nga洗手台,來方便香客呢？大師父聽了說者所講有理,一氣擺就買十枝！這位勇者一氣擺賣了ieˇ十枝,忍耐唔住hed心中介高興,同時又想到昨晡日在公司禮堂會議中,唔知奈隻意氣暴躁cau介同事講：若係賣有一枝,會將頭那剁dog下來,畀biˋ做頓dunˋ頭仔veˋ坐！所以佢就高度介高興專程打道轉公司來了ieˇ。

當第一位勇者前腳堵duˋ好踏tab出總經理室,這位勇者接等又匆cungˊ匆忙mongˇ忙衝入總經理室,總經理馬上前來扼agˋ手接應,並問有何高興消息？勇者一時氣都透teuˋ唔勻iunˇ,相似上氣接下氣唔到介樣式向總經理報告：涯！涯！涯！涯去賣梳仔,一氣擺賣了ieˇ十枝！總經理聽了[一氣擺賣了ieˇ十枝],馬上電話召邀ieuˊ業務經理即時來總經理室,共下詳細聽取這位勇者介報告,這位勇者等業務經理來到介時節,一五一十,詳詳細細講出來！總經理與業務經理[異手同比手指公]又搭[異口同聲]稱ciinˊ說sodˋ講：登珍！登珍！行銷高手！(這位勇者又直接問總經理與業務經理：您等兩儕有彩排過係無moˇ？嘎ga無,動作&聲音樣(仰)會恁整齊ceˇ！)

第三位勇者善用[附加價值]介結合創造行銷：再講第三位勇者,三儕在三叉caˊ路分開以後,佢就單人獨馬來到山下一間新起介廟,當佢將機車停放好勢se以後,再將頭那毛對等機車介鏡仔梳好勢,就直接對正殿tien介右門入去點香拜佛,並順手投下一些xidˋ油香錢。該ge時節佢看到囥kong油香錢介箱仔肚裡,並唔係me蓋多錢,來來去去介香客又恁多！做麼介這兜deuˇ香客唔盼得樂捐gianˋ,捐gianˊ出一些錢來表示心意,佢就緊行緊愐menˋ這個問題,行啊nga行地ngeˊ就行到正殿介後背boi,擎ngiaˇ頭一看,唉aiˊ！這個後堂樣會起hiˋ啊ia[半爛lan燦can]？樣(仰)ngiongˋ唔一氣擺就起畀biˋ好勢se呢？同時看到這個後堂,陸陸續續,停停起起,前前後後,大約也有五六年了neˇ。

這個起廟慢同樂捐gianˋ少介問題,使佢千想萬想都係想唔到有麼介好答案,最後正想到客家俗語有一句訄誚seˋ人家起屋慢,就用[起廟]這句來形容,並將[起廟慢],[樂捐gianˋ少][賣梳仔]三種結合變成關聯性思考介問題,最先愛有建築經費來源,經費來源靠樂捐,[樂捐增加]同梳仔做[贈zen送品]&[慈善象徵]等等運用[附加價值]增加行銷介邏輯xib理論,佢愐menˋ到這個完善要領,心肚裡萬分介高興。所以佢就將囥kong梳仔介007皮箱仔ngeˋ一擐kuan,遽giagˋ遽直接去拜見大師父。

當這位勇者來拜見大師父時,堵duˋ好大師父有閒,馬上接見,經過拜見禮貌mau以後。佢就直接拜問大師父：正殿介後背boi後堂係he唔係me有需遽遽來起好？這一問引爆了大師父多年來介願望,所以大師父當高興馬上回答：愛使講！樂捐gianˋ少啊vaˇ！佢又拜問大師父：樂捐係he唔係me有需遽遽來增加呢？大師父又當高興馬上回答：愛使講！所以佢就分析眾信士社會一般介心理講：這油香樂捐箱無開收據分人,又無同人感謝,更至社會上無人知diˊ得佢介慈悲行善,何不贈送一個小禮品分樂捐者,以滿足一般信士這兜介心理呢？接等佢就講：佢係製造梳仔介公司,本廟堂做得做一個相當特殊又雅式介款型,上面又有印製本堂名號,再加供奉[佛祖]加持,凡樂捐介人,做得自由拿一枝。大師父又問：做麼介愛請[佛祖]加持呢？佢講：經過[佛祖]加持,係唔係me較go有[神功效力]呢？萬一心有煩事時,將梳仔拿來梳[三千煩惱noˋ烏髮],也做得增加靈感與祛ki除煩惱noˋ啊vaˇ！大師父聽了這段話以後,不但做事道理十足,又符合多年來介心願[遽遽來起好後堂],所以馬上邀請總務過來,經過詳談以後,雙方滿意,即時下半年用量介訂單3,600枝。

第三位勇者善用[附加價值]介結合創造行銷,得到訂單3,600枝,馬上打道回公司,直接進入總經理室,向總經理報告得到訂單3,600枝,總經理詳細瞭解這三儕介行銷要領以後,一再欽佩這三儕介表現,馬上通知全公司員工,親像空襲警報一樣介緊急集合到公司禮堂。當眾員到齊ceˇ以後,總經理相當高興又得意介拿起[賣古]同全體員工報告：向光頭和尚賣梳仔一朝zeuˊ晨介業績,賣有3,611枝梳仔,並講出[腦力激gidˋ盪tong法]係公司介救命仙丹,同時講破昨晡日在這跡jiagˋ仔講[向光頭和尚賣梳仔]介題目時,大家都掩emˊ等肚笥siiˋ謔(笑)nagˋ來橫vang到do歸堆仔,同時又取笑講[食差caˊ藥仔]！這主要係大家介淺想,實際上[買者不一定就係使用者],像當前細se人仔好食介[麥當老]就係一個當好介例li仔ieˋ！希望大家有所瞭解！更至希望大家有志一同進一步瞭解,[公司&員工]係[生命共同體]！

◇本篇章用客家[四縣語文音]注解：1.Q.C.C：品質管制圈介簡稱。樣ngiongˋ地ngeˊ：怎樣地。2.該ge當時：那個時侯。講忒hedˋ：講完。3.儕saˇ：人。儕saˇ儕saˇ：人人。大人儕儕：大人那一輩。4.惦(恬)diamˊ：靜靜地。拿等nenˋ：拿著。5.[賣moi古]：麥克風。肅sogˋ惦：靜悄悄。6.當暢tiong：很高興。既gi然：恁anˋ地neˊ：這樣子。7.唔mˇ曾qienˇ：還沒有。吶iui吶嚎嚎hoˇ：雜亂大聲喊叫。8.和voˇ尚仔ngeˋ：和尚。忍唔住hed；忍耐不住。9.肚笥siiˋ：肚子。謔(笑)nagˋ：笑。橫vang：跌倒。10.歸堆doiˊ仔ieˋ：成一堆。一趟tong地ngeˊ：一會兒。11.擎ngiaˇ手：舉手。又搭dabˋ：而且。朝zeuˊ晨：早上。12.無成sangˇ：難道。食差caˊ：吃錯。13.嘎ga無：假如沒有。麼magˋ介：什麼。14.一束sod：一結束sugˋ。若naˊ係he：假如是。15.剁dog：砍。畀biˋ：給他。壞勢se：不好意思。16.好勢se：妥當。頓dunˋ頭仔veˋ：小凳子。17.這兜deuˊ：這些。訄kauˊ誚seˋ：諷刺。17.無插cabˋ佢：不理他。隨在zoi佢：隨便他。18.比beˇ比來：一起來。登珍：很棒。飛落lod：很快離開。19.續sa騎啊ia忒遽giagˋ：反而騎得太快。20.雞屎堆doiˊ：臭頭。行兼giamˊ：靠近。21[財liab]仔ieˋ：頭瘡,財加病部首。手紅：由手引起紅腫。22.嘎ga：那麼。樣般：怎麼辦。[涯]ngaiˇ：我,涯改人部首。23.做得：可以。頭那毛：頭髮。昨coˊ晡buˊ日：昨天。24.奈nai隻：那一個。山猴仔：喻調皮搗蛋。25.封神了liauˋ了：喻愛現的人。斷忒hedˋ：斷掉。26.囥kong：放。心血來朝ceuˇ：靈機一動27.奈nai知：那知道。肚裡：裡面。型款：型態樣子。28.繷iungˇ膠gauˇ膠：紛亂。繷iungˇ膠gaˊ麻maˇ：大雄獅。29.費氣：乾脆。[東]dungˊ等nenˋ：頂著,[東]dungˊ→[家]字豕改同。30.係he唔係me：是不是。一氣擺：一口氣。堵duˋ好：剛好。31.稱ciinˊ說sodˋ：誇獎。緊愐menˋ：一直想。