週三. 4 月 21st, 2021

浪子回頭金不換 家和兄弟手腳親(戲劇篇)

▼浪子回頭歌曲(浪子回頭)作詞作曲主唱陳志明(美濃下竹園人)。

【記者廖金明/專欄報導】 ◇客家(四縣腔)白話語文班教材課文之一◇戲中人:阿丁伯(財主),阿光仔(浪子),阿財(大倈仔),工人。 阿丁伯:涯後生sangˊ時節老實又勤儉kiam,今晡日家產,屋仔geˋ有十過棟,田產也有兩30甲,請有論十個be長工,來[捲]ten手做事se,好得涯介大倈lai仔阿財,佢確實煞sadˋ猛mangˊ認真來管理,對於產業的ne管理,有盡大的ie功勞。

但係涯介第二隻倈仔阿光仔ngeˋ啊iaˇ!雖然佢去高雄讀書畢業歸來。佢每日總係同朋友野胱gongˊ打車,共下聊搭dabˋ當好hau同人相打,相當唔聽話,前前後後惹ngiaˋ出盡多傷腦筋的ne事情出來,涯啊iaˇ!實在蓋擔心!奈nai唔何佢啊!講到阿光仔!汝等大家看啊naˇ!佢這下唔知麼介樣式行歸來了ieˇ喲io!阿光仔:阿爸!

涯同汝講了ngeˇ恁多擺了ieˇ,耕田無利成siinˇ,耕唔到來豺saiˊ啊iaˇ!上年仔neˋ涯等屋家種了ngeˇ十過甲的芎蕉,都分風災掃啊va恁多,又無收入,損失了leˇ恁多錢,耕田無麼介搭dabˋ碓doi 啊iaˇ!阿爸!涯介朋友講,來去大陸投資做事業,只要有本錢去投資,一定會成功!一定會賺大錢!阿爸!涯愛來去大陸投資做生理liˊ!

阿丁伯:阿光仔!汝惦diamˊ惦聽阿爸講!汝唔好去做麼介事業,汝無麼magˋ介ge經驗,又無技術在身,過在cai!阿爸又分汝了liauˋ了veˇ恁多錢,汝愛投資麼介事業呢no?在屋家認真做就會賺錢!汝介nge一切涯看透teu透!絕對無分汝去的ie!阿光仔:阿爸!涯無閒hanˇ了neˇ!涯愛出來去了ieˇ喲io!阿丁伯:唉唉唉ai!吂mangˇ亂!吂亂!汝今晡日愛同若naˊ哥共下去種芎giungˊ蕉zeuˊ噢voˊ!

阿光仔:阿爸!失禮喲io!涯有蓋goi重要的ve事情愛做!涯愛出來去了ieˇ喲io!阿丁伯:唉唉唉ai!這隻細猴仔veˋ!講愛出去就出去!還詏au暴bau了veˊ!阿   財:阿爸!這下工仔壞請,事se頭又多!涯自家一個le人做啊va會死,涯介老弟阿光仔啊iaˇ!每日猴上猴下,汝樣ngiongˋ唔喊佢同涯[捲]ten手做事se呢?若naˊ係he恁anˋ地neˊ!嚎hoˋ!涯又係me唔{肏]調diauˋ做了veˇ。

阿丁伯:好!涯會喚vonˋ阿光仔同汝[捲ten]手!好啦!好啦!這下恁多事se頭,汝愛帶等來做!噢oˋ!這下堵duˋ好阿光仔歸來!阿光仔!若naˊ哥講的nge話汝有聽到無moˇ?阿光仔:聽是siiˇ有聽到,唔過涯同朋友約好勢se了ieˇ,愛來去高雄辦理去大陸出國介le手續xiug,阿爸!壞勢嗄haˇ!

阿丁伯:頭滿manˊ若哥講,每日鑢luˋ佢鑢啊va會死,對今晡日起,佢也唔做事se了ieˇ啊ia 噢voˊ!汝等兩兄弟來逞qinˋ懶lanˊ,汝今晡日絕對唔好去,若哥盡怨嘆tan!汝知無moˇ?汝若係he愛去,各日正去!

阿光仔:阿爸!阿爸!汝分bunˊ錢分涯來去大陸投資ziiˊ啊aˇ!愛去大陸無帶錢,奈nai有辦法投資事業呢?阿爸!應該分涯介份,先分bunˊ分涯啊ia咧leˊ!涯來去大陸投資賺con了neˇ錢,涯會加倍分汝啊ngaˇ!阿爸!好嗎?阿丁伯:恁anˋ地neˊ好!恁唔聽人講,隨在汝去啦!阿光仔:涯介份啊naˇ!分bunˊ分哪na咧leˊ啊iaˇ!搶快啊iaˇ!涯介朋友在該ge等了neˇ呢ne!

阿丁伯:嘎ga!看這個樣式, 涯無分錢分汝,係he做唔得係meˇ?麼介係若份?若份在奈nai裡leˊ啊iaˇ?阿光仔:唉aiˋ啊iaˇ!涯介朋友在該等denˋ等nenˋ了neˇ呢ne!係he係meˇ呢neˋ?涯買的ie機翔iangˊ飛票係12點半的ne呢neˋ!共快啊iaˇ!錢搣miedˋ搣啦la呀iaˇ!唉ai哉zaiˇ喲io!涯愛走了veˇ啊iaˇ!阿丁伯:嚎hoˋ!嘎ga係汝恁地講!任im在汝去!無人有的ve啊iaˇ!

阿光仔:若係錢唔拿分涯,涯就愛跪kui啊ia在這裡,涯唔[足亢]hong起來啊iaˇ!阿丁伯:好啦!好啦!天光日涯正準備分汝![足亢]hong起來!阿光仔:做唔得等到天光日,這下就來去農會領領啊nga咧leˊ呀iaˊ!這下農會還唔前關門!

阿丁伯:無人恁anˋ地neˊ臨臨時講的nge呀iaˇ,一定愛等到天光日,今晡日無可能,涯講天光日正去!汝樣恁唔聽人講,涯會譴kienˋ死喲ioˊ!阿光仔:唔好moˋ啊vaˇ!唔好啊!涯這下就愛走了veˇ啊iaˇ!阿爸!拜託啊ga咧leˊ哪naˇ!阿丁伯:做唔得!做唔得!天光日正zang去!

阿光仔:共快啊iaˇ!錢領領啊nga哪naˇ!錢無領分涯,涯唔[足亢]hong起來!共快啊iaˇ!阿丁伯:好hoˋ![足亢]hong起來![足亢]hong起來!阿光仔:好!涯[足亢]hong起來了ieˇ喲io!阿爸!恁地好勢se了ieˇ嚎ho!

阿丁伯:涯同汝講噢ngo!無恁遽giagˋ!天光日正來喲io!阿光仔:嘎ga!涯唔調diauˋ!涯今晡日就愛呢ne!阿丁伯:今晡日領錢領唔掣cadˋ啊laˇ!樣恁[捲]ten唔直呢!?阿光仔:來來來!阿爸!涯帶汝來去!涯會帶汝來去啊!涯有辦法!阿丁伯:做汝坐等nenˋ來!這等denˋ一下地veˊ!涯自家來去領!

◇旁白:阿光仔得到其iaˊ爸無vuˇ奈的ie答應,領到其iaˊ爸分伊介錢,擐kuan等包袱fug仔geˋ一大包,著zogˋ等蓋派頭的ve西裝,無聲無說sodˋ就同其iaˊ朋友共下出發離開了其爸!

阿丁伯:唉aiˋ!涯這個倈仔啊iaˇ!拿了veˇ恁多錢也無講一聲!做佢去哪naˊ!實在會譴死喲io!再講涯這個倈仔啊!無見過麼介世面,單身一個le人去大陸,涯實在憂iuˇ愁seuˇ身邊無人照顧,涯實在驚怕佢分人騙,分人打,分人搶,又驚怕佢有燒有冷,去到大陸該ge片時,聽講大陸妹蓋會拐人的錢,一無小心,身上的nge錢,兩下手板就會分人剝bogˋ淨,若係遇到酒肉朋友,帶去的錢,一定會花啊va極kid淨。

啊!涯實在憂慮又搭dabˋ愁seuˇ噢voˊ!唔知阿光仔何時何日正會回頭轉來看涯?◇ 歌曲:浪子回頭歌曲(浪子回頭)◇作詞/作曲/唱: 陳志明(美濃下竹園人)(3:25分)youtube→ https://www.youtube.com/watch?v=ASEe0wVFI2s&list=RDAeJBpRp4AQ0&index=19 

◇旁白:雖然阿光仔去到大陸,開了ieˇ一間餐廳,但係伊無經驗,所以委託共下去的ie朋友來經營,佢身邊的ne朋友知得佢身上帶恁多錢,每日就邀ieuˊ佢共下去[淋]limˊ酒娛ngu樂,花天酒地的過日仔leˋ,經過了一段時間,阿光仔在大陸開的餐廳,經營不善。恁anˋ地neˊ,就倒doˋ忒hedˋ了leˇ,將帶去的錢也花啊va爽平極光,阿光仔為了liauˋ生活,想愛尋頭路來做,但係當地經濟又唔好,再加上阿光仔本身,無麼介手藝ngi功夫,重擔的工作又食苦唔起,拿筆輕的nge頭路,佢又奈唔何,所以尋qimˇ唔到頭路,連食住三餐都成問題,雖然去求過去的朋友,佢等又唔插cabˋ伊,在這種困境無奈之下,姑goˊ不而將下街做討食!流浪街頭!

阿光仔:啊aˋ!涯有錢之時,涯會請這兜deuˊ朋友來大[林]limˊ大食,這下佢等遠遠看到涯,續sa親像看到鬼樣,遽giagˋ遽閃啊ma蓋遠,驚涯驚啊nga會死!唔答涯!涯想!涯阿光仔!涯阿光仔啊iaˇ!有錢的時節朋友恁多,這下無錢落難nan時,續sa走啊va無半隻烏蠅inˇ蚊仔neˋ,世間的人情樣會恁薄pog!啊!涯想到了veˇ,涯想到了!愛在這餓死,唔當回頭歸來去向吾爸賠poiˇ罪,涯相信吾ngaˊ爸一定會收留涯!原諒涯!

阿丁伯:唉aiˋ!涯啊iaˇ!涯每日在日頭落山臨暗的me時節!心頭肚裡就會想到涯去大陸介倈仔(阿光仔),佢去大陸有一段時間了neˇ,唔知佢在大陸係樣般?恁久了veˇ,又無信無息xidˋ,唔知奈久正會歸來!啊!涯心肚裡實在還憂愁了veˇ,唉!唉!該ge恁遠的地方,樣ngiongˋ會有一個著zogˋ啊ga爛lan膣ziiˊ爛擐kuan,又搭頭沈ciim沈地meˊ行過來的人啊naˇ?蓋像係阿光仔呢ne?

阿光仔:阿爸阿爸阿爸!涯跪汝!涯跪汝!請汝原諒涯好嗎?阿丁伯:噢oˋ!阿光仔係he嗎maˇ?汝樣一歸啊ia到屋家,又跪又噭gieu呢no?阿光仔:阿爸!阿爸!阿爸!……。阿丁伯:樣淨緊喊阿爸,阿爸!到底係發生了neˇ麼介事情呢?阿光仔:阿爸!阿爸!涯實在係大不孝,當時唔聽阿爸介ve話,涯帶去大陸投資的e錢!這下了liauˋ啊va淨qiang淨!唔ng!唔!唔!。

阿丁伯:好了veˇ!好了!歸來就好了veˇ!人歸來了ieˇ就好了ve!唔好再緊噭gieu了veˇ,唔好再噭![足亢]hong起來!阿光仔!阿爸!阿爸!汝若係無開嘴原諒涯,涯就唔[足亢]hong起來!阿丁伯:好!好!人平安歸來就好了veˇ!涯原諒汝!

阿光仔:涯向阿爸行跪拜禮!從今以後涯一定會紮zadˋ志搭聽阿爸介話,承蒙阿爸介原諒!阿丁伯:各位長工![涯]ngaiˇ介倈仔阿光仔去大陸平安歸來了ieˇ!拜託汝等大家緊緊同涯辦三桌酒席,並邀請隔壁鄰舍sa來慶祝!慶祝涯介倈仔阿光仔平安歸來。阿    財:唉ai喲io!涯屋家到底發生麼介好事啊aˇ!樣會有恁多人在該[林]limˊ酒,搭大聲高興話拳[林]limˊ酒啊vaˇ!

工    人:阿財哥!汝唔知喲ioˋ!係汝介nge老弟,阿光仔歸來啦!若naˊ爸講:若老弟在大陸做生理失敗歸來,請隔gabˋ壁鄰舍共下來慶祝!慶祝若老弟平安歸來啊ia!阿    財:唉唉唉aiˊ!唔係賺大錢歸來喲ioˋ!麼介了liauˋ錢失敗歸來又還在該ge辦酒席,請鄰舍共下歡樂慶祝噢goˋ!涯在屋家做啊va會死,自從都唔識,辦一桌半桌來請涯介朋友!涯唔瞭解吾爸樣會恁anˋ大細se心!這下阿光仔失敗歸來,續sa辦啊na恁風光!涯唔入去!

阿丁伯:阿財!過來涯同汝講,若老弟對大陸平安歸來!汝有麼介唔mˇ歡喜的呢?因為阿光仔係若老弟,兄弟手腳親,伊無死啊ia在大陸,能夠平安歸來,理所當然愛快快樂樂,歡歡喜喜,來慶祝正著cog啊gaˇ!來來來!入來去!阿    財:好!阿爸恁地講!也係蓋有道理,涯入來去!

阿光仔: 阿哥! 阿哥!請汝原諒!請汝原諒涯!老弟唔著了geˇ!阿    財:老弟taiˊ!老弟!唔好噭gieu啊va恁痛腸,汝平安歸來!阿爸相當歡喜!隔壁鄰舍大家也歡喜!當然涯做阿哥介ve人也蓋歡喜!錢財係身外之物,老弟係同胞兄弟!老弟較go重要!錢了liauˋ忒hedˋ了leˇ會賺過!來來來!來分涯攬lamˋ一下!恁久無看到!汝好無?

阿光仔:唉ai喲io噢oˇ!阿哥!汝樣會恁惜xiagˋ涯呢?阿    財:自家的老弟唔惜,愛惜麼manˋ人啊naˇ?老實講:過去汝在外lo背boi花天酒地,屋家事se頭又唔做,涯心肚裡實在係有話難講的nge痛苦!今晡日汝平安歸來!從今以後,涯等倆兄弟愛同心協力來打拼,來發展事業,好好地veˊ做一個對社會對家庭有貢獻的人,好分bunˊ慈祥的nge阿爸歡喜快樂來過日!

阿光仔:阿哥講的話,非常有道理,老弟從今以後一切聽阿哥介指導,涯會認真煞猛搭發揚客家文化工作責任;[聯絡鄉情促進鄉誼,發揚客家文化精神,提昇客家族群地位]等等的精神,來認真為客家來做事!

阿丁伯:今晡日阿光仔歸來,涯看到汝等兩兄弟有[真情惜情]介ne表現,涯心肚裡非常地高興!從今以後,涯無麼可掛慮憂愁的所在了ieˇ,唔過!希望汝等兩兄弟以及代代子孫,愛做好發揚客家人的[勤儉耐勞,刻苦奮鬥,晴耕雨讀,清風明月,光前裕後,祖德流芳]等等的客家精神來做人做事。阿財,阿光仔:阿爸!汝放心,涯等兩兄弟會遵照辦理,承蒙阿爸!感謝阿爸!◇ 歌   曲:◇本本是英雄◇作詞曲:涂敏恆songˇ◇主唱:林展逸(3:15分)youtube→ https://www.youtube.com/watch?v=11JX2Km4WZI&t=17s

◇旁    白:◇阿光仔(弟):浪子知回心,鹵鐵變成金。 <鹵luˊ>。◇阿丁伯(父):惡虎不食子,天下父母心。◇阿    財(兄):仁義值千金,兄弟手腳親。     
===== 劇     終 ==== ◇

三.本文客語(四縣)注解:1.今晡buˊ日:今天。天光日:明天,昨coˊ暗晡:昨co夜。鹵luˊ鐵:生鏽鐵。2.[捲]ten手:幫忙。[捲]ten唔直:難理會。唔[捲]ten頭:不配合。[捲]ten字[已]改[巾]字。3.野胱gongˊ打車:喝朋呼友。一胱豬仔,一水鴨仔,一竇deu雞仔。4.搭dabˋ:而iˇ且qiaˋ…又。搭dabˋ碓doi:當實在介意思。5.奈nai唔何;對付不了。無奈何:沒辦法。奈何:怎麼樣。頭滿manˊ:剛才。

6.歸來了ieˇ喲io:回來了。動詞+[了]:[了]為[e]韻母介聯音字有九音。7.豺saiˊ啊ia:吃啊!豺係土而不雅的吃[食,齕fud,拉laiˊ]皆為[吃]意。8.生senˊ理liˊ:生意。生理衛生。[亢]hong加足部首:站起來。9.吾ngaˊ:我的。其iaˊ:他的。若naˊ:你的。10.過在cai:同時又有,連帶的意思。長工:日夜食住共下的工人。長年(東勢腔)。

11.分汝了liauˋ了veˇ恁多錢。前字[了]是虧損,後[了]聯音字。12.[ge]音字有:數詞接[個].動詞形容詞接[的],名代名詞接[介]。這[個,的,介]皆為聯音字且第一聲,韻母音為[e]。13.吂mangˇ亂:不要這麼快,.吂mangˇ字。搶緊:趕快,共快。14.唉aiˊ唉唉aiˋ!:感嘆詞句用三字或三句表示加重語氣。唉另有[e]音且四種聲調其意皆不同。領唔掣cadˋ:來不及領。15.詏au暴bau:不聽話,橫蠻無理。逞qinˋ懶:比誰最懶。

16.唔mˇ調diauˋ:不願意,美濃地方慣用語,本意為[肏]diauˇ字。17.事se頭:工作,事:勞力事用[se]音,勞心事用[sii]音。18.鑪luˋ伊鑪啊va會死:鑪意為強壓工作。攎luˇ:兩手扶拿。19.唔做了veˇ啊ia噢voˊ:堅定不做動詞接[了,啊,噢]:加強[動詞]之語氣。

20.汝知[嗎maˇ],汝知無moˇ?:[嗎]有是不是,[無]有[有無]的意思,但一般混合使用。21.猴heuˇ上猴下:遊盪好hauˋ玩nguanˋ,無事可做。噭gieu:哭。22.恁anˋ地neˊ:這樣的。[地]為第二聲的聯音字,韻母音為[e],但高樹為[i]共有九個聲母接合為九種音<高樹腔只八種音>。[淋]limˊ酒:喝酒,[淋]limˊ字改口部首。23.先分分涯[啊ia咧leˊ]:乾脆之意,強調句前之動詞。食食[啊le咧le,看看啊na咧leˊ,[啊]為聯音字,依前動詞韻母音做變化,其本身韻母為[a]音,與變化聲母,共有九音[四縣],其他為八音。前[啊a]為聯音字。24.分分bunˊ[啊na咧leˊ]:前《23》同句型後加[咧leˊ]為感嘆語詞。

25.在該ge等denˋ等nenˋ[了neˇ呢ne]:在那裡等待了啦![了]為聯音字,[呢ne]為嘆詞。26.等denˋ[等nenˋ了neˇ呢neˇ]:正在等著,動詞接[等了呢]表示動詞是進行式。27.係he係meˇ呢ne?:是不是呢?反問語句,係he唔係me簡略為係he係me?[係]若遇:(1)否定為me  ,(2)問句為me  音,(3)轉折句時如[又係me  ],其他用[he ]。28.搣miedˋ搣[啊la呀vaˇ]:做一做,動詞接[啊呀]:[啊a]為聯音字:有要求完成前接動詞之意,搣miedˋ(美濃音)→medˋ(苗栗音)。29.領領liangˊ[啊ngaˋ哪naˇ]:拜託領一領,[啊哪]有要求的意思。其中[啊a]為聯音字,[哪]為感嘆詞語,如:食食[啊la哪naˇ],摸摸miaˊ[啊va咧leˊ哪naˇ]!

30.飛biˊ行hangˇ機或稱機giˊ行iangˇ飛biˊ:飛機。31.看透teu透:看得很清楚[有輕視的意思→看穿穿conˊ]。穿透teu&透teuˋ水。32.好勢se了ieˇ嚎ho:可以了是嗎?33.塚zungˋ埔puˊ:又稱牛埔坪piangˇ,墳墓地方。義塚zungˋ→義塚tungˋ。

1▲在這種困境無奈之下,姑goˊ不而將下街做討食!流浪街頭!
2▲好了veˇ!好了!歸來就好了veˇ!人歸來了ieˇ就好了veˇ!唔好再緊噭gieu了veˇ,唔好再噭!
3▲浪子回頭歌曲(浪子回頭)◇作詞/作曲/唱: 陳志明(美濃下竹園人)(3:25分)youtube→ https://www.youtube.com/watch?v=ASEe0wVFI2s&list=RDAeJBpRp4AQ0&index=19
4▲◇本本是英雄◇作詞曲:涂敏恆songˇ◇主唱:林展逸(3:15分)youtube→ https://www.youtube.com/watch?v=11JX2Km4WZI&t=17s

發佈留言

發佈留言必須填寫的電子郵件地址不會公開。 必填欄位標示為 *