週日. 二月 17th, 2019

強霸無理的王員外 直口論斷害人害己

【記者廖金明/屏東報導】 在頭擺介ie擺頭,有一個相當有錢又有勢力的le王員外,佢giˇ在地方上song喝hodˋ一聲,山都會崩benˊ一角,所以地方上無半個ne人敢動佢一枝寒毛仔veˋ。雖然王員外恁anˋ有錢。但係he愛錢相似愛命一樣,講得係相當愛錢,有一段時間,伊iˇ 為了收田租地稅soi,每日都係在外地走上走下,家中變成無moˇ 人管作一樣樣,家肚裡的ie大細se,變怪的ie變怪,做猴的ve做猴。 
    
過了veˇ一段時間歸來一看,唉aiˋ噯oiˋ!細se隻介妹仔ieˋ,雖然年紀數sii有廿歲了ieˇ!面色樣ngiongˋ會變到黃黃傷傷,恁壞看的ne面色呢noˋ?同時肚笥siiˋ肚裡又相似有豺saiˇ蟲樣iong地ngeˊ膨pong起來,王員外兩隻目珠盯dangˊ起來一看,眼火緊著cog,就將妹仔ieˋ介ie阿姆meˊ喊hemˊ來問清楚。伊介ie老婆一來到久久不見,又當惡ogˋ的ge老公面前時,心肚裡知得大事唔好了veˇ,所以歸身仔neˋ介ie冷汗,一陣又一陣緊流下來,王員外看到老婆這個ve樣式,也iaˊ係有[天知diˊ!地知!汝知!涯又係me知!] 的ie猜caiˊ想出來,王員外嗽cug了geˇ一聲就問:老猴[嬤maˇ]!涯出外收租恁久正zang歸來,家中大細se汝管教到樣ngiongˋ地ngeˊ啊iaˇ?這下細隻介妹仔,年紀已經有廿歲了ieˇ!何能肚笥siiˋ肚裡無成sangˇ係有豺蟲係he嗎maˇ?樣ngiongˋ會肚笥siiˋ變啊na大麻鼓guˋ隻,老實講分涯聽,係唔係有娠siinˊ了neˇ,噢oˋ!
俗語所講:母娘總是詐za妺仔轉介ne!一些xidˋ都無爭zenˊ差。伊就透teuˋ了veˊ一下大氣,緩緩fon地neˊ來答:老公!妹仔今晡buˊ日驚寒,衫褲fu著zogˋ到有較go多些xidˋ把地veˊ!並唔mˇ係me肚笥大,講到面色壞faiˋ看,原來係汝ngˇ平常都係惡ogˋ人相。今晡buˊ日看到有恁惡的ge阿爸歸來,當然一時項hong項著cog急,驚怕怕地leˊ,唔知愛樣ngiongˋ地ngeˋ來服侍sii款待汝…。唉eˋ!王員外詳細同伊聽起來,這句話也係相當有一片道理,樣ngiongˋ(仰)地ngeˊ,就放伊一馬,算了neˇ。 
 
但是過了veˇ一斬zamˋ時間以後,王員外緊ginˋ看緊唔著cog相,又來看到doˋ伊介ie妹仔肚笥又較go大起來了ieˇ,這下真係[紙包火唔住hed],騙唔到王員外了ieˇ。所以王員外就將牛藤tenˇ鞭bienˊ拿來一咻xiuˋ!這隻妹仔就雙腳落地ti跪下來,目mugˋ汁長目汁短,目汁淌dongˇ淌跌,王員外大聲一喝講;汝愛老實講分[涯]ngaiˇ 聽,汝肚笥肚裡的ie細se人仔係同麼manˋ人有介ve?若naˊ係汝唔講出來,肚笥肚裡的ie東西,會分涯打到溜liu胎toiˊ出來,同時分涯知得係奈nai隻後生仔畜cugˋ生sangˊ同汝有介,這隻後生仔連頸giangˋ筋都會分bunˊ涯[拔]bangˊ起來打死結…。
 
死了ieˊ!有恁惡的ge阿爸,唔同伊講,又會打溜liu胎toiˊ,同佢講,愛人介頸筋又會分佢[拔]bangˊ起來打死結,真係進退兩難。這細隻妹介目珠皮噭gieu到相似像相似牛目珠樣iong地ngeˊ,恁腫恁大,足jiugˋ足分王員外刑問了neˇ一日一夜。該ge暗晡仔veˋ, 伊iˇ介阿姆就偷偷地veˊ入來,同時獻hian計分伊介ie妹仔講:汝介nge阿爸係相當惡,麼magˋ介八大王爺伊都唔驚,獨獨淨qiang驚某某大法師一個le人,所以為了ieˇ一切,汝愛忍ngiunˊ耐nai!天光日汝就詐za事將情講:係同大法師有介,看佢愛樣ngiongˋ地ngeˊ來對付大法師,同時又做得保全肚笥siiˋ肚裡的細人仔。 
       
第二日照計行事,這個可憐的ne細隻妺仔,就頭[犁laiˇ]犁地ieˊ來到王員外介ie面前,跪下來求情講:阿爸baˋ!阿爸!汝開講的nge條件恁嚴ngiamˇ,涯不得不將情講出來,同涯有介!同涯有介!就係汝平常最尊敬的ne某某大法師!。當王員外一聽到doˋ這句話,實在也唔敢相信,重頭再來問伊一句:確實係同大法師有介嗄haˋ﹗﹖答案也係相同講,就係大法師!
王員外經過了veˇ第二句話再確實求證係同大法師有介,該ge時節王員外險險hiamˋ昏funˊ忒hedˋ!係同和voˇ尚仔ngeˋ大法師有介!和voˇ尚仔ngeˋ!和尚仔!汝真係大膽!敢[晡pu]到doˋ涯出外,就同涯介妹仔來搞到恁anˋ地neˊ!嚎hoˋ嚎嚎!王員外譴kienˋ到do右拳打左掌,緊捶cuiˇ心肝,眼珠譴kienˋ到do緊射火星仔neˋ!鼻公譴到緊出煙!算了neˊ!算了!大法師法術高強,同伊來鬥,可比biˋ雞卵lonˋ打石頭。王員外一些xidˋ都奈nai唔何佢。
 
又經過了veˇ一斬zamˋ時間,王員外介細隻妹仔肚笥終就瓜熟sug落log地,供giung了neˇ一位孲oˊ[砑]ngaˊ仔–供賴lai仔。王員外還係氣唔曾qienˇ落,同時為了面子介e問題,就將細人仔攬lamˋ去廟肚裡分大法師,當王員外一踏dab入落廟門口heuˋ時,大法師就出來迎ngiangˇ接,該ge時節一儕saˇ面當譴,一儕面帶笑容iungˇ來相對,王員外看到大法師時,就簡單講一句:這就係汝恁anˋ會!恁能幹的ne結果,送分汝來承siinˇ受su!將細人仔一掉tiauˋ,翻fanˊ頭就歸,大法師頭尾事情樣ngiong地ngeˊ完全都係不知diˊ,只有嘴上hong緊唸ngiam阿彌陀佛!阿彌陀佛!造孽ngiad!造孽!就將細人仔痛惜xiagˋ的ge收留接下育iugˋ! 
 
 細隻妹仔經過了veˇ五六年結婚以後,細人仔介ie事情,從頭到尾一句話都唔敢洩xiedˋ漏leu出去,有一日伊介ie老公就問起以前愛情的ne結晶ginˊ奈nai裡去了ieˇ?王員外介妹仔就一五ngˋ一十siib講出來,係送去廟肚裡做細se和voˇ尚仔ngeˋ了ieˇ!男方知得了leˇ以後,心肝肚裡實在難過,痛苦萬萬分痛苦兩人就商量將情講出來分bunˊ王員外丈人佬loˋ聽,王員外知得了leˇ以後,也係偷偷地veˊ去到廟肚裡打探tam偷看外孫仔–細和尚仔,果goˋ然ianˇ無moˇ唔mˇ著。
該ge時節王員外介心肚裡,一時悲傷痛苦起來,冤ianˊ枉vongˋ了ngeˇ大法師一事,後來就大膽的me向大法師賠poiˇ罪,同時向大法師請問講:當時涯將細人仔送來的ie時節,涯問汝:係he唔係me汝同涯介ie妹仔有介ve?當時汝樣ngiongˋ半句都唔講呢no?害涯冤ianˊ枉了ngeˇ汝!大法師謔nagˋ謔地geˊ講:阿彌陀佛!阿彌陀佛!當時涯係同汝講:唔係me涯!汝敢會來相信採納嗄haˋ!罪過!罪過! 
 
 從此以後,王員外認為有天大地大的ie冤枉了ngeˇ大法師,最後剃了liauˋ頭毛拜大法師為師父,歸裔iˊ拜佛做和voˇ尚。俗語一句; 
                偏見相對總是疑ngiˇ.愛講分明萬分難. 
                事過境遷qienˊ回頭看.柳暗am花明又一村。 
                確確實實係有影,一些xidˋ都無爭zenˊ差caˊ。 
—奉勸世人千萬莫有[強霸無理的王員外 直口論斷害人害己,造孽ngiadˋ!造孽!造孽!造孽!]— 
——————————
二.閱讀測驗本文客語(四縣腔)注解: 
1.頭擺baiˋ:古時候。文中開頭[頭擺聽講]作為開頭,即有杜撰或閒談的me意思。 
2.[涯ngaiˇ]:我,[涯]字係人部首。佢giˇ:佢giˇ[男性],伊iˇ[女性]。 
3.崩benˊ:泥土類塊狀斜倒。揜kiebˋ:竹架圓型類由上往下正倒。 
4.寒毛仔veˋ:寒毛,比喻完全不敢動到任何一些。 
5.走zeuˋ上走下:跑來跑去,很忙。走上唔走下:比喻遊手好閒的樣子。
   同[行上行下]意思些xidˋ把baˋ不同。[行]音(hangˇ,hen, hongˇ) 
6.做猴的ve做猴:隨興去做,完全無任何的約束。做猴heuˇ :糊搞亂搞。 
7.唉aiˋ噯oiˊ:海陸腔的嘆詞[嘆詞是語言的一部份]。 
8.年紀數sii:年紀歲數。 
9.黃黃傷傷songˊ:有病面色難看。 
10.肚笥siiˋ肚裡:肚子裡面。 
11.豺saiˇ蟲:蛔蟲。圖豺saiˊ:只顧自家食,唔分他人家食。 
12.盯dangˊ:面向正前,眼珠向上直視。與視人,睞laiˋ人不同。 
13.一喝hodˋ講:當受氣又大聲講。喝人,罵人,惡ogˋ人意不同。 
14.無人管作:農家事的管理與種作。比喻無人管教。 
15.眼火緊著cog:怒火一陣一陣起來。 
16.天知diˊ!地知!汝知!涯又係me知!:喻公開大家都知的就秘密。 
17.樣ngiongˋ地ngeˊ:怎麼樣地,情況如何。樣的nge:那一種的。 
18.無爭zenˊ差caˊ: 沒有什麼爭議差別。 
19.丈人佬loˋ:岳父大人。丈人[哀oiˊ]:岳母.[哀oiˊ]字加女部首。目前丈[人]佬變音成丈明minˊ佬,丈人[哀oiˊ]變成[長尾哀]。 
20.頸giangˋ筋(根)ginˊ:脖子。 
21.淌淌dongˇ跌跌:一滴didˋ一滴流跌下來。 
22.搖搖ieuˇ晃晃gongˇ:本詞句[搖]是指上面的搖動,下面的叫[晃],搖搖ieuˇ搖搖iag:左右上下搖動。晃晃gongˇ晃晃gong:下面的。 
23.若naˊ係he:假如是。 
24.奈nai唔mˇ何佢:對他無辦法。(辦法,法度,葛gadˋ煞sadˋ)。三種詞彙用意相同,原由比喻不同,[散]煞sadˋ愛加竹字頭。 
25.些xidˋ把baiˋ地veˊ:有一點點。 
26.有娠siinˊ:懷faiˇ孕inˋ。過身:去逝。 
27.[拔bangˊ]起來打死結 :[拔]起來繞一圈打結,[拔]是[邦bangˊ]加提手部。 
28.老猴[嬤]maˇ:笑罵自家老婆。[嬤]maˇ字底下無[ㄠ]字。阿[嬤]ma祖母。 
29.當譴kienˋ:相當受氣。 
30.詐za事:欺騙故意做。 
31.噭gieu:哭→有淚。叫gieu:非哭一類。 
32.孲oˊ[砑]ngaˊ仔:指嬰兒。[砑]ngaˊ字是子部首。又音ngaˇ。 
33.頭[犁犁laiˇ]:頭低低。[犁]字應用[賴]字加提手部首。 
34.敢[晡pu]到doˋ:膽敢趁ciin機。[晡pu]是目部首。 
35.嚎hoˋ嚎嚎!:有活該,該死的意思。 
36.總是疑ngiˇ:總是唔相信又搭想其他的可能性。 
37.境gin遷qienˊ:環境變遷不同。 
38.八大王爺:指所有眾神。 
39.無成sangˇ係he :難道說是。無成唔係:難道說不是。 
40.洩xiedˋ漏leu:不保密分人知得。洩有(xiedˋ,xied, xiab)等三音。 
41.造孽ngiadˋ:製造業障zongˊ。北部[孽]ngiedˋ。孽生:帶頭做壞事者。
42.有影iang
ˋ:真的。一些xidˋ:一點點。爭zenˊ差caˊ:差錯。
 ——————
◆三.本文閱讀測驗(語意&文義,注音,詞彙,翻譯id):
(3)1.文章開頭就用[聽講]為首,則表示本文係(1)歷史性(2)科學性(3)傳說性 的文章。
(2)2.頭擺baiˋ係指(1)上早(2)古時候(3)頭向右擺 。
(1)3.[員外]係指(1)富豪hoˇ人家(2)大官員(3)流浪在外的人。
(2)4.[喝一聲]係指該ge人當(1)兇hiung(2)惡ogˋ(3)慈悲。
(3)5.一般[寒毛仔]係生在(1)頭上(2)腋hiabˋ下(3)面上hong的部位。
(3)6.[走zeuˋ上走下]的走,相當華語係指(1)行(2)溜(3)跑 的意思。
(2)7.做猴的[做猴]是指(1)遊手好閒(2)變古變怪(3)學猴行路。
(1)8.唉aiˋ噯oiˊ!係(1)海陸腔(2)四縣腔(3)饒平腔 的嘆詞。
(2)9.上代人常講:細人仔食生蕃薯,會生(1)臭頭(2)豺saiˇ蟲(3)白癬。
(3)10.[肚笥肚裡無成係有豺蟲],[無成]相當華語(1)不成功(2)何況kongˋ(3)難道。
(1)11.[年紀數有廿歲了],[數]客語係(1)sii(2)sug(3)su 的語音。
(2)12.[王員外緊看緊唔著相],[著相]相當華語(1)照錯相(2)不對勁(3)看到面相。
(3)13.[王員外險險昏忒hedˋ],[險險]相當華語(1)相當危險(2)嚴重地(3)差一點點。
(1)14.大法師就出來[迎]接,客語音(1)ngiangˇ(2)iangˇ(3)ingˇ接。
(2)15.[翻頭]就歸,相當華語(1)搖頭(2)調頭(3)低頭 的意思。
(3)16.事過境[遷]回頭看,客語音係(1)kianˊ(2)kienˊ(3)qienˊ。
(3)17.[有娠siinˊ],相當華語(1)有身份(2)很健康(3)懷孕inˋ 的意。
(3)18.華語[脖子]是客語(1)蛤蟆頦goiˊ(2)脊椎(3)頸根(筋)。
(1)19.俗話所講:[腦之溝]深的人係(1)圖豺saiˊ(2)無膽(3)好噭gieu 的人。
(2)20.帶頭做壞事者客語稱呼為(1)模muˊ範生(2)孽ngiadˋ生(3)瀉xia巴生。
客家白話語言研究功能特徵圖

發表迴響

你的電子郵件位址並不會被公開。 必要欄位標記為 *