2024-03-29

一世情恨不了情 强霸悪徒報應深(戲劇篇)

【記者廖金明/專欄報導】 客家白話語文班上課教材之一(原文:2008/6/9)
————
一.劇中人:陳俊zun男,李秀珠,周雄,阿南,媒人,阿水,警察等七人。
二.劇     文:
◇女唱:單打獨來獨打單, 獨隻畫眉在深山, 單隻畫眉深山噭gieu, 日噭孤guˊ寒honˇ夜噭單。
◇旁白:在高山頂上hong有一間廟堂,廟邊有盡多的ve樹仔veˋ,樹頂高鳥仔飛來飛去,有一隻畫眉鳥niauˊ,一飛啊ia來就緊噭geu,到底伊iˇ係噭麼介呢?可能愛伊自ciid家正zang會知diˊ。
◇音樂:
◇旁白:有一個身強力壯緣ianˇ投dauˇ可愛的ie後生仔ngeˋ,名仔安onˊ到doˊ 陳俊男,牽等nenˋ一隻牛仔, [扌亥]kaiˊ一擔草,經過廟堂,看到對面的ne山下有一個非常靚jiangˊ的nge細妹仔,[扌亥]kaiˊ等一擔柴,慢慢地neˊ下山,陳俊男放下肩頭該ge擔草,牽等牛仔唱一條山歌:噢o嗨hoiˋ!依i喲io!老妹有好山歌你就溜溜等來喲!
◇旁白:對面山下的ve細妹仔,聽到山頂高傳來的歌聲,柴ceuˇ擔也放下肩頭,向陳俊男看一下,這個時節陳俊男看到這個細妹仔,生來實在靚噢ngoˊ!陳俊男真係有禮貌mau,行前就來問:
————-
俊男:小姐小姐小姐!請問汝,貴姓芳名?
秀珠:[涯]ngaiˇ係姓李.名仔ngeˋ安onˊ到doˊ秀珠zuˊ。
俊男:原來你係李秀珠小姐,唉aiˊ喲io噢oˇ!人靚名仔也係靚jiangˊ。
秀珠:但係!涯唔識siidˋ汝ngˇ啊ngaˇ!
俊男:噢oˋ!失禮失禮失禮!涯來自我ngoˊ介紹,涯係住hed啊la在山背伙foˋ房,涯喊到do陳俊男。
秀珠:噢oˋ!噢!恁anˋ地neˊ喲ioˋ!
俊男:秀珠小姐!涯時常都在這山頂廟邊割草掌zongˋ牛,樣ngiongˋ唔識看過汝呢?
秀珠:涯屋家住hed啊 la在對面介竹頭窩voˊ,蓋少來這跡jiagˋ仔geˋ撿ngiamˊ柴,今晡日看到恁好的ve天時,才nang來這片山上撿柴介ve。
俊男:來!涯同你[捲ten]手,撿柴介事涯盡內行。
秀珠:唔使啦laˋ!涯今晡日介柴撿罅la了veˇ!
俊男:秀珠小姐!下遇ngi 擺你係he唔係me時常會再來這跡jiagˋ仔geˋ撿柴?
秀珠:噢oˋ!無定著cog噢goˊ!
陳唱:無牛犁田用钁giogˋ頭,連妹唔到用計謀meuˇ,百般計謀都用過,不如 iˇ山歌來開頭。
秀珠:陳先生你介nge山歌唱來相當好聽!歌聲樣ngiongˋ會恁好呢noˋ?
俊男:承蒙你介誇kuaˊ獎,秀珠小姐!汝也ngaˊ會唱山歌係he嗎?
秀珠:多多少少啊vaˇ,有興趣qi 就係he了ieˊ!
俊男:若naˊ係有興趣,涯等兩人來和foˇ唱一下山歌好嗎?
秀珠:好啊vaˊ!好啊!
俊男:高山頂上一叢cungˇ梅,無陪piˇ無想你會來,兩人有緣相見面,可比路上得橫vangˇ財。
秀珠:高山頂上一叢梅,千年萬載zaiˋ無花開,千年萬載無結子,係妹姻imˊ緣天送來。
俊男:隔山打鼓聽鼓音,兩人見面有交情,樹上鳥仔唱山歌,祝福涯等一生senˊ人。
秀珠:隔山打鼓聽鼓音,水汶vunˇ過水唔知diˊ深,看哥外表人意好,唔知肚內麼介心ximˊ。
俊男:郎有心來妹有意,唔怕山高水恁深,兩人過河同落水,有情浸死也甘心。
合唱:兩人相好心連心,一見郎面就鍾情,望哥講句真心話,萬古千秋莫斷情。
旁白:陳俊zun男同李秀珠對唱山歌以後,陳俊男就行到李秀珠介面前,兩人感情忍唔住het,自然就牽起秀珠介雙手,兩人就在該ge時節跌入了veˇ難分難捨saˋ的愛河中……。
————-
◇音樂:…緊張音樂…
◇旁白:在竹頭窩voˊ介地方,有一個兩手聊liau調tiau ,無惡ogˋ不作,不務vu正業ngiab介be人,名安onˊ到周雄,周雄手下有一個名喊到阿南介me,聽到陳俊男愛同李秀珠結婚的風聲,就遽giagˋ遽走到賭埸下來向周雄報告,該ge時節堵duˋ好周雄在該ge賭博。
阿南:大哥大哥大哥!唔好了veˇ唔好了唔好了!
周雄:發bodˋ掃soˋ東西,麼介東西唔好了veˇ!就係汝唱衰soiˊ涯ngaiˇ,正會害涯輸恁anˋ多!
阿南:大哥!大哥!涯係講事情唔好!事情大條了veˇ啦laˋ。
周雄:有麼介事情會比輸博較go大條介!共快講!共快講!
阿南:你知diˊ嗎?竹頭窩voˊ介美女李秀珠,愛同隔gabˋ壁莊介nge陳俊男結婚了neˇ喲 ioˊ!
周雄:嗄haˊ!李秀珠愛嫁分bunˊ陳俊男噢moˋ?
阿南:千真萬確!無唔mˇ著cog!
周雄:阿南!你樣ngiongˋ知呢?麼manˋ人同你講的nge啊iaˇ?
阿南:涯朝zeuˊ晨siinˇ在山頂廟堂經過的ve時節,親眼看到介,佢等兩儕saˇ在樹頭下恩恩愛愛,難分難捨saˋ,細賴仔講:無你涯唔討。細妹仔講:俊男!無你涯唔嫁。唉aiˇ喲 io!場面實在係相當精彩喲!
周雄:啍ngˋ!啍!恁大膽阿南!
阿南:大…大哥!涯無膽!涯無膽!
周雄:涯係講,陳俊男食了leˇ生人膽,才會恁大膽!
阿南:就係he係me!就係係!
周雄:麼介時節愛討親過門哪naˇ?
阿南:可能nenˇ係當遽giagˋ,下隻月馬上就愛辦喜事過門了neˊ!
周雄:嘎haˊ!下隻月…..阿南!
阿南:大大大哥!你…同涯介手[扌客]kog到恁大カ,[扌客]kog到do烏青了ngeˇ呢!
周雄:無毒不丈夫,阿南!馬上喊ham 陳俊男來這跡jiagˋ仔geˋ。
阿南:遵zunˊ命min!
————-
◇音樂:
◇旁白:阿南聽了ngeˇ周雄的命令,三步作兩步,馬上走zeuˋ到陳俊男介me屋家來喊!
阿南:陳俊男!陳俊男!
俊男:麼介事sii 啊aˇ?麼介事啊?
阿南:陳俊男!真堵duˋ好!你無出去,涯介大哥周雄愛請你去,有重要大事愛同汝參詳!
俊男:周大哥!愛請涯去做麼介啊iaˇ?
阿南:涯又唔係me蓋清楚噢voˊ?
俊男:無緣ianˇ無故gu,樣ngiongˋ會喊涯去?失禮失禮!涯無閒去!
阿南:嘎haˊ!周大哥介ve話你敢唔聽嗄haˋ?若naˊ係汝唔去,周大哥一發譴kienˋ起來喲 ioˋ, 該ge汝就知了ieˇ喲 io!何必敬gin酒唔食,愛來食罰fad酒呢?
俊男:嘎haˋ!涯.涯涯……。
阿南:反fanˋ正!話…涯係有帶到分bunˊ你,去唔去…由你自家決定嘎haˇ!
俊男:你分涯考慮一下。
阿南:恁簡單介事,若naˊ係還愛考慮,涯就先轉了neˇ,分你自家慢慢地neˊ考慮嗄haˇ!
俊男:好!這下涯就同你共下來去!
————-
◇音樂:
◇旁白:俊男想起周雄命令阿南喊陳俊男去見佢giˇ介ie事,心中想帶有一種惡ogˋ意的ie感覺,到底daiˋ去抑iaˊ係唔去,猶iuˇ豫 iˇ不決,還係去了解一下較go 好,所以就跈tenˇ阿南來到周雄屋家,周雄在客廳竹椅仔ieˋ上hong 坐等緊看報紙,緊[口專]bag大筒煙。
阿南:大哥!陳俊男來了ieˇ。
周雄:噢oˊ!哈haˋ哈哈!俊男!請坐請坐!。
俊男:恁anˋ仔ziiˋ細!涯還係企等nenˋ來較go好!
阿南:好!好!
周雄:俊男先生!俊男先生!坐等來,來食杯茶!
俊男:涯唔會肚渴hodˋ,周雄先生!有麼介指教?
周雄:事情係恁anˋ地neˊ,涯在大陸開一間新的ne公司,缺少人手,所以愛請汝去管理。
俊男:多謝周大哥牽成siinˇ,…唔過……。
阿南:(手裡拿一包紅包)大哥!紅包拿來了!
周雄:拿分bunˊ俊男先生。
阿南:(將手裡該ge包大紅包拿分俊男)這係he大哥特別送分汝介nge!
俊男:這個紅包涯做唔得收。
周雄:你嫌hiamˇ忒tedˋ少係he嗎?
俊男:唔係me!涯無緣無故做唔得收你介nge紅包啊vaˇ!
阿南:愛你正zang有,別人無moˇ呢ne!
俊男:總講!這個紅包涯做唔得收,若naˊ係無事情,嘎ga!涯就愛走了veˇ喲io!
阿南:大哥!若係這紅包俊男唔愛moiˊ,嘎ga就tu分涯好嗎?
周雄:恁anˋ敢想!阿南!送客hagˋ!
阿南:遵命!俊男先生!請…。
————-
◇音樂:
◇旁白:由於當初周雄介阿爸在地方上,不但開當dong店又開賭埸,過身之前有交代周雄,愛照顧一個戇ngong戇的nge老弟taiˊ阿水,無論如何愛尋qimˇ一個精靈的ne細妹仔分佢giˇ做餔buˊ娘,周雄蓋早就注意到共莊介nge李秀珠了veˇ,吂mangˊ知續sa慢了neˇ一步,李秀珠愛來嫁別人了neˇ,當阿南送走了veˇ俊男以後,周雄介老弟戇ngong戇地ngeˊ行出來,[扌邦]梆bangˊ等nenˋ周雄介手又鴃(結)giadˋ舌.結舌地leˊ講……。
阿水:阿…哥!涯…愛…愛…奈nai…久…才…才討姐jiaˋ仔veˋ啊 iaˇ?
周雄:遽giagˋ了geˊ!唔使一久,阿哥會同你討一個,又靚jiangˊ又精靈的ne細妹仔分你做姐jiaˋ仔veˋ,到時節就有人照顧你了ngeˊ!
阿水:涯…愛…討…秀…珠…做…姐…仔…..涯正zang…愛…喲 ioˊ!
周雄:唔過!秀珠愛嫁別人了neˇ。
阿水:同…涯…搶…轉…來…啊 iaˇ!
周雄:好!你愛的ie!涯就會想辦法分你!
阿水:好!你…你…唔…好…騙…涯…喲io!
周雄:阿哥奈nai 久識siidˋ騙過你呢?
阿水:噢oˋ!(向屋肚裡緊inˋ行緊inˋ講)涯…愛…討…姐仔了!涯…愛…討姐仔了ieˊ!
———-
◇音樂:
◇旁白:一個月以後,秀珠同俊男選好日腳giogˋ,舉行結婚,無閒了一日,親朋好友來祝zugˋ賀的ve總算係順班好勢se,大家歸去了以後,暗晡頭真係新郎同新娘倆人介ne新婚之夜,在夜深人靜的ne時節,聽到狗仔緊吠poi …吠無停,秀珠心中想,這可能有不吉祥預兆seu的ve感覺,忽fudˋ然間聽到阿南介me喊門聲:
阿南:陳俊男出來!陳俊男出來!
俊男:(著zogˋ睡衣將客廳燈打開)麼manˋ人啊?
阿南:涯係阿南!無成sangˇ涯介聲汝聽唔識,開門啊naˊ!
俊男:有麼介事天光日才nang來講!
阿南:無哇vaˋ!天光日還有天光日介le事!
俊男:噢oˋ!(將門打開,看到熟識的e阿南以外,還有兩位警察)!
阿南:(三人入客廳)請大家入來!
警察:你就係he陳俊男係he係meˇ?
俊男:係he!涯就係陳俊zun男。
警察:捉起來(不分烏白就將俊男綁bongˋ起來)!
俊男:警察大人!涯無犯法又無做麼介ge唔著cog,汝等捉涯做麼介?
阿南:做麼介捉你?實在可憐!犯麼介罪連你自家都還唔知!
警察:人家檢舉你私藏congˇ毒品,所以將你捉起來介ie!
俊男:無恁anˋ地neˊ介事,警察大人!這一定係誤ngu 會!
警察:誤會!人證物證齊ceˇ全qionˇ,來去衙ngaˇ門才來講。
俊男:(往屋肚裡喊)秀珠!…遽giagˋ遽出來!
秀珠:(馬上出來)到底發生麼介事情呢?
俊男:有可能係誤會,涯去警察局行一轉,盡遽就轉來。
————
◇音樂:
◇旁白:新婚之夜歡喜吂mangˇ過,愁seuˇ慮又來,俊男無緣無故分警察捉去,係由於周雄買通官方,將俊男定罪十年介ne監gamˊ牢 loˇ之災,秀珠日夜目汁洗面,一日過一日,周雄為了ieˇ愛安排戇老弟介婚事,還係無放棄秀珠,經過了veˇ三個月了,秀珠又係有娠siinˊ了neˇ,周雄買通出了leˇ名的nge媒人婆,希望秀珠分伊介戇老弟來做餔buˊ娘,但係媒人婆每擺去都分秀珠趜giugˋ出門外,一年也過去了,秀珠供giung下一個賴仔,兩子[女哀]oiˊ相依iˊ為命。有一日,周雄同阿南想了一個計謀,將秀珠的賴仔捉來囥kong(biang)起來,秀珠尋賴仔心急像火燒,一個人像發癲一樣,這個時節媒人婆又來到伊屋家!
秀珠:(蓋傷心)媒人姐jiˋ!你同涯[捲]ten手尋涯介賴仔好嗎?
媒人:尋你介賴仔?
秀珠:對!涯介賴仔唔知奈nai去了ieˇ!
媒人:若naˊ係愛尋惹ngiaˊ賴仔,有一儕saˇ人來同汝尋惹賴仔,伊一定尋得meˋ到?
秀珠:拜託同涯講,係麼manˋ人?
媒人:唔過!這個人愛有條件的ne喲ioˊ!
秀珠:只要尋得meˋ到涯介賴仔,麼介條件涯都會答應?
媒人:嗄haˊ!涯就坦tanˋ白pag同汝講,佢giˇ就係本庄鼎dinˋ鼎有名介周雄?
秀珠:原來係周雄該ge隻流氓mongˇ噢ngoˋ!
媒人:細聲一些xidˋ周雄聽到你罵佢,等下會voi會fi 唔直囉loˊ!
秀珠:嘎ga,涯來去報案!
媒人:秀珠莫恁著cog急gibˋ,若係你去報案,萬一佢將汝介賴仔殺sadˋ忒hedˋ(比殺掉手勢)呢?
秀珠:媒人姐jiˋ!拜託同涯想辦法好嗎?
媒人:(猶iuˇ豫iˇ了一下)嘎ga!就好好地veˊ同涯配合!
秀珠:愛樣ngiongˋ地ngeˊ配合?
媒人:妳來嫁分周雄介nge老弟,阿水
秀珠:妳講該ge戆ngiong仔ngeˋ喲!
媒人:唔ngˋ!…..涯知這係無可能的ne事。但係,只有恁地neˊ做,妳介賴仔才會平安無事!
秀珠:涯……(噭gieu 啊va蓋痛腸傷心)?
媒人:唔好噭!唔好噭!這就係命運的ne安排,妳介老公生死無人知呢?秀珠啊!涯又係me係he為了你來著cog想!……除了恁地做係唯一個辦法,實在也無別條路好行hangˇ了ngeˇ喲 io!
秀珠:(百感交gauˊ集xib,不知如何)真介蒼congˊ天作弄人啊naˇ!
媒人:莫再怨歎tan了neˇ,妳愛早一日看到妳介賴仔,汝就愛早一日來做新娘?
————-
◇音樂:
◇旁白:秀珠明知係周雄買通媒人婆,但係,為了唯一相依為命心頭肉的ge安全,終就qiu答應嫁分阿戇仔介ie這門親事,周雄果然完成戇老弟介終身大事,代戇老弟來高興,該晡buˊ日酒又食了leˇ特別多,忽然有非份之想,雖然嫁過人又供過細人仔介秀珠,共樣同細阿姐jiˋ仔一樣樣,恁靚恁得人惜,周雄看到秀珠嫁分老弟做姐jiaˋ仔真係可惜,該時節新娘間門無關,戇老弟還在該ge食酒,機會難得周雄就將自家介衫褲fu 一脫,豺saiˇ狼longˇ樣地勒led秀珠,這個時節堵duˋ好戇仔阿水帶有幾分醉意入來,忽然間看到有人欺負新娘,阿水就使用全身的ne狂kongˇ力,拿起棍仔,重重的nge向欺負新娘介頭上毆euˋ落下,周雄馬上昏倒doˋ在地!
阿水:恁anˋ..可…..惡ogˋ!敢欺…..負fu…..涯…..介…..新…..娘!
秀珠:(秀珠看到續sa緊inˋ惇zunˊ)唉aiˊ喲 ioˊ!唉喲!唉喲!
阿水:新娘…子!妳…唔使驚,佢…敢欺負妳!涯…..再毆euˋ加一棍分佢分佢!唔—使透氣!
秀珠:救命噢ngoˊ!鬧出人命了ngeˇ,大家人來啊iaˇ!
阿南:做麼介?做麼介啊iaˇ!
秀珠:周雄!…..分阿水打死了ieˇ。
阿南:唔係!阿水!阿水無可能打死周雄,一定係新娘懷恨在心,打死周雄大哥介ve!
秀珠:唔係me涯!涯無moˇ!涯無!
阿南:嘎ga無!共下來去警察局,請警察辦理!
秀珠:好!去就去!
————-
◇音樂:
◇旁白:秀珠為了洗淨伊介ie清白,就共下去警察局,但係無人來[捲]ten手作zogˋ證,這個時節也係老天有眼,阿水將誤ngu 打其iaˊ哥所作所為,一五一十的be同警察大人說明,來還秀珠介清白。最後法院將阿水判過失殺人罪,阿南共謀犯罪,判刑五年坐監gamˊ,媒人婆自首為了貪圖周雄介媒人錢,良心發現,將周雄交代私養秀珠介賴仔,帶來交還秀珠,秀珠因禍fo得福,母子重逢,勒led等幾下隻月不見的寶貝賴仔,這種母子相愛介情境gin,實在無法形容,身邊的人感動流淚lui,攬lamˋ等賴仔回家的路上,想到人生渺meuˋ茫mongˇ,新婚離散的俊男,生死消息又全無,對秀珠來講,人生將來全無意義ngi,帶等賴仔行向大海,準備母子兩人同歸於盡,這個時節耳公邊忽然間聽到蓋熟的ge聲音向秀珠大聲喊:
俊男:秀珠!秀珠!秀珠啊vaˇ!
秀珠:(翻fanˊ頭一看)這個人樣會恁像俊zun男?
俊男:著cog著!涯ngaiˇ就係俊男!
秀珠:涯係he唔係me發bodˋ夢?
俊男:係!係!有影介!涯就係俊男,陳俊男!
秀珠:唔ngˋ!唔!俊男!俊男!
俊男:這細人仔!這細人仔係he?
秀珠:係涯等介賴仔,涯等介賴仔安名喊ham到do秀男!(安名勿踏到父男字輩名)。
俊男:秀男過來!阿爸攬 lamˋ!
◇旁白:秀珠同俊男兩人,雖然經過了這種不幸hen冤ianˊ枉vongˋ之災。但係皇天不負苦心善良介人,終就重新得到美滿幸福介家庭,圓滿快樂過一生senˊ!
====劇  終==承蒙大家====
◇本文客語四縣語詞注解:
1.噭gieu:即哭kuˊ.另哭是指又哭又喊叫,一般動物哭叫則用(叫gieu)字。
2.一飛biˊ啊 ia來:剛剛飛到。[啊]為轉音字,韻母為(a),依前字韻母尾音作聲母轉音。
3.緣ianˇ投dauˇ:即投緣.好看.帥的意思。緣ianˇ→ienˇ(北部音)。
4.靚jiangˊ:漂亮.又稱鬧nau(南部音)。
5.伙foˋ房:同宗眾人之聚所。
6.該ge:那個.該goiˊ:應該。
7.自qidˋ家:自己。[亻厓]ngaiˇ:我。
8.嗨hoiˋ:有指責之嘆詞.客語口音字之語音應讀右客語字音。
9.住hed 啊 la在:[住hed]加(啊)音是美濃特殊語音。
10.山背boi:山後。後背boi:後面。
11.安onˊ到doˊ→加名詞, 安onˊ到do→加形容詞。
12.恁anˋ地neˊ喲ioˊ:這樣噢!。
13下遇(二)ngi 擺baiˋ:下一次。
14.撿ngiamˊ柴:撿giamˋ柴(北部音),南部撿giamˋ碗筷。
15.掌zongˋ牛:放牛。[放牛]&[掌zongˋ牛]字面意義不同,實際相同。
16.[捲]ten手:幫忙,.[捲]ten字內己改[巾]字。
17.罅la了veˇ:夠了。
18.钁giogˋ頭:鋤頭。
19.山匙ciiˇ:山上工作介钁giogˋ頭。
20.就係he了ieˇ:就是了。[了]是[e]韻母介轉音字,可用在第三&四聲。
21.汶vunˇ水:濁水。水汶:水是濁的。
22.這跡giagˋ仔:這個地方。
23.兩手聊liau 調tiau:遊手好閒。
24.[扌邦]bangˊ:拉拔東西。
25.發bodˋ掃soˋ:即唱衰,帶霉運,(此罵語出現在美濃地方)。
26.食了leˇ生人膽damˋ:喻膽量十足。
27.係he 係meˇ:係he 唔係me的簡略語,指是不是,但(又係me係he:是指又是)。
28.烏青瘀guˋ血:即黑青瘀血。[扌客]kog:抓握。
29.恁anˋ仔ziiˋ細se:感謝之意。
30.企kiˊ等nenˋ:站著。
31.肚渴hodˋ:口渴,口乾。
32.肚飢giˊ:肚子餓ngo。
23.吂mongˊ知diˊ:料想不到。
34.結giadˋ舌:鴃giatˋ舌,即說話不清。
35.日腳giogˋ:指黃道吉日否。
36.天時:天氣。
37.毆euˋ:拿如手杖長之物打。
38.麼manˋ人:是誰.簡稱為麼manˋ。
39.麼magˋ介:什麼東西。
40.有娠siinˊ:即懷孕inˋ。
41.柴ceuˇ擔:是指所擔之物。
42.若naˊ賴lai 仔ieˋ:你的兒子或稱惹ngiaˊ。
43.其iaˊ哥:他的哥哥,厥giaˊ(北部音)他的。
44.勒let:抱(腰部),攬lamˋ(胸部)
45.[扌兜]deuˊ:腹部以下雙手搬物。
46.有影iangˋ:真的,斷don真。
47.橫vangˇ財:幸運之財。
48.[扌亥]kaiˊ:一人用肩挑,揹boi:背負,把baˇ:身兩側掛物。
49.竹頭窩voˊ:窩voˊ係指窪地,如畚bun箕型狀之地。
50.窩voˊ&過goˊ忒兩詞不同。
51.嘎ga就tu:不然—-就怎樣,嘎ga:那麼。
52.堵duˋ好:剛好。
53.◆本文中[啊.噢]&[個,的,介,地,了,得,仔]係客家(四縣)白話語文中[聯音字]各有九音如下。