週日. 六月 16th, 2019

客家白話語文群組作品

 

一.《旅行分涯一擺印象最深的地方》(1)
◆客家白話語文群組  本文作者:宋安樂(非客籍,成大交管系61級畢,總經理退休)
  【記者廖金明/專欄報導】 在1983年介ne熱天,涯三十零歲介ie時節,分bunˊ公司派去瑞士接受一個le為期兩隻月介le受訓課程,該ge擺baiˋ係[涯]ngaiˇ第一擺到歐euˊ洲,感覺到機會當難得,儘想愛去其他介ve國家看一下地veˊ,涯就利用一個拜六、拜日學校放尞的ve時節,摎lauˊ一儕saˇ印尼來的ie,共kiung下上課的ve同學去義大利旅行遶lauˊ尞,該擺打算去的地方有威尼斯、佛羅倫斯摎lauˊ羅馬。因為時間毋(唔)mˇ罅la,三個me地方無法度好好遶尞一下,只好將重點放在有名的nge千年古城羅馬,無想到,停腳在兩點鐘的威尼斯,係涯印象最深的me地方。
 涯摎印尼來的ie同學,在一個拜五下課以後,從受訓所(在蘇黎世)坐暗晡buˊ頭六點的me火車先去米蘭(Milano),在該跡jiagˋ仔geˋ轉(翻panˇ)車,火車過了veˇ瑞士最南方一個安到doˊ盧卡諾 (Lugano)介所在,就進入義大利了ieˇ。一下地veˊ車內的氣氛變到較go吵鬧,有細人仔介噭gieu聲,乜me有後生人介ne啉limˊ酒吵雜聲。這就係熱情的南歐義大利。
   火車在暗晡頭十一點左右到米蘭介中央火車站,看著車站該恁anˋ高三十零公尺,全部係大理石介ge巴洛克建築,當大當大的候車大廳,涯確實分佢嚇hagˋ到doˋ,從心肝肚裡稱ciinˊ說sodˋ這偉大的建築。兩儕人又坐半夜一點介me火車向威尼斯行去。(待續)
◇本文[四縣腔]注解(注音用漢語拼音)
1.該ge擺baiˋ:那次。[涯]ngaiˇ:我,改人部。
2.一下地veˊ:一下子,(地veˊ) 南部腔。放尞(聊)liau:放假。
3.摎lauˊ:同,(北部)。一儕saˇ:一位。
4.共kiung下:一塊。遶lauˊ尞(聊):遊玩。
5.毋(唔)mˇ罅la:不夠。暗晡buˊ頭:在晚上。
6.暗晡buˊ:晚上。該跡jiagˋ仔geˋ:那地方。
7.轉(翻panˇ)車:轉換車。:。
8.安到doˊ:後接名詞。安到doˋ:後接形容詞。
9.噭gieu聲:哭聲。乜me有:也有。
10.又係me有:也有。啉limˊ酒:喝酒。
11.稱ciinˊ說sodˋ:誇獎。恁anˋ高:很高。
==========,
二.《旅行分涯一擺印象最深的地方》(2) (接上)

◆客家白話語文群組  本文作者:宋安樂(非客籍,成大交管系61級畢,總經理退休)

  火車在拜六介朝zeuˊ晨siinˇ五點零時節到了veˇ威尼斯,出了leˇ火車站,一下地veˊ走入吾ngaˊ目珠看到的ve,就係歸座都市浸在大海介威尼斯,該ge種感覺,對涯來講,有一款奇妙又講毋(唔)mˇ出來又驚又歡喜的ie心情,就像涯發bodˋ夢到的風景,忽然間飇入到吾面前,有一息地leˊ無恁實在。為了把扼agˋ時間,兩儕遽giagˋ遽跳入一隻停在岸邊脣siinˇ的觀光遊覽船,開始去遶lauˊ威尼斯介e大街小巷了ngeˊ!
  遊覽船在水上hong,順等大細無共樣的nge水路行,涯緊欣賞這天吂mangˇ光還係燈光一點一點的me威尼斯,佢係恁靚恁恬diamˊ靜,實在毋知愛樣(仰)ngiongˋ般形容佢,船仔neˋ在一個轉彎的ne所在突然間頓dunˋ(擋dongˋ)恬diamˊ,船長用手緊比,指等頂高,正知這下堵duˇ到紅燈,該央時大家都笑出來了ieˇ。船長講,在威尼斯無計程車,這跡jiagˋ仔geˋ大大細細的船,就係恩介ne計程車。
  佢又講一個笑話分大家聽,佢講有一擺的ie奧林匹克運動會,細妹仔自由式泅水比賽的金牌,分一儕義大利介選手得到,記者問佢做麼介頭路?細妹仔講,佢住威尼斯,佢介頭路係應召女郎(船長講英語 call girl,用客語講就係賺食嫲maˇ啦!)。遊覽船在『大街小巷』遶lauˊ忒hedˋ,一點零鐘以後,正靠岸,在碼頭脣一儕看起來好手好腳介乞食仔,摎涯討錢,涯分佢一隻五百箍kieuˊ義大利里拉介銀角仔。無想到,佢續sa緊搖頭毋愛moiˊ。後來,涯到了羅馬在街上食一碗儘普通的義大利麵,愛五萬里拉,正知五百里拉去買飼料畜hiugˋ月鴿仔beˋ都毋罅la。想到do這iaˋ,涯對該儕乞食仔實在失禮噢ioˊ!因為乞食仔乜me有乞食仔介尊嚴。涯兜deuˊ兩儕為到趕去下一站~佛羅倫斯,姑不而iˇ將坐朝晨八點的火車,十分難捨saˋ的ve離開了ieˇ威尼斯。
  涯摎印尼學生,在威尼斯走馬看花,停跎toˇ的時間正兩點鐘,毋過,毋知麼介原因,三十零年前的事情,到今晡日還記啊ia清清楚楚,涯想,威尼斯水都該ge樣地ngeˊ特別風景,實在分人腆tiamˊ放毋忒,再加上該儕笑科的船長,摎lauˊ分涯欺負好手好腳介乞食仔,更加深涯對威尼斯介印象。涯希望有一日,再來去威尼斯遶尞。(完)。

作者宋安樂三十零年前,天吂mangˇ光的威尼斯翕。
—————-
◇本文[四縣腔]注解(注音用漢語拼音)
1.朝zeuˊ晨siinˇ:早上。一下地veˊ:一下子。
2.吾ngaˊ:我的。該ge種:那種。
3.講毋(唔)mˇ出:講不出。一息(些)xidˋ地leˊ:一些)地。
4.遽giagˋ遽:快快。邊脣siinˇ:邊邊。
5.天吂mangˇ光:天未光。恬diamˊ靜:沒聲音。
6.頓dunˋ(擋dongˋ)恬diamˊ:停止。樣(仰)ngiongˋ般:怎樣。
7.這跡jiagˋ仔geˋ:這裡。賺食嫲maˇ:菜店嫲maˇ一類。
8.遶lauˊ忒hedˋ:遊完。五百箍kieuˊ:五百元。
9.月鴿仔beˋ:鴿子。姑goˊ不而iˇ將:不得不。
10.毋罅la:不夠。停跎toˇ:逗留。
11.該ge樣地ngeˊ:那樣地。腆tiamˊ放毋忒:忘不了。
12 好手好腳:身體健全。遶尞(liau):遊玩。
13.堵duˇ到:遇到。摎lauˊ:同。
14.文中聯音字客語文用字[a韻母(啊,也)e韻母(個,的,介,地,了,得,仔),o韻母(噢)等10隻字用法(如下網址:
◆客家(四縣腔)聯音[語&文]研究與看法 (阿廖伯研著)(2018/12/10)

 

發表迴響

你的電子郵件位址並不會被公開。 必要欄位標記為 *