◆客家(四縣)白話語文(Line群组)研究&運用(1~8)　客家四縣白話語文文法研究(八)

(一)99年度客語能力認證中級暨中高級考試【口試】

※請考生定著愛閱讀考試說明後，正來作答。說明：

壹、口試題型分四種：一、華語轉換客語，二、朗讀測驗，三、看圖講

故事，四、聽力閱讀測驗。

貳、第一、二、三題型考題，題目會列在試題卷當中，包括華語轉換客

語、朗讀測驗、看圖講故事，請照等錄音帶个指示，口頭回答（系

統會自動將考生个回答錄音下來）。無照規定回答，就無算分數。

參、第四題型係聽力閱讀測驗，無提供題目卷，請大家聽過題目了後，

將正確个答案填入答案卡內，毋使口頭回答。

答案卡劃記注意事項：

一、請用2B鉛筆作答。

二、劃記愛粗、愛烏、愛清楚、毋好劃出格，捽愛捽淨，做毋得用

立可白抑係其他个修正帶；若係劃記忒輕抑係骯髒無淨，機器

無法度辨認，就無算分數。

三、答案卡愛保持淨俐，做毋得摺著。

※考完後，請將「題目卷、答案卡、錄音帶」三樣，由監試人員收回，

做毋得帶出考場外。

一、華語轉換客語：

〈說明〉請將聽著个華語，轉換變客語講出來。測驗時間：大約6 分鐘，共15 題。每題唸一遍。單元分數：每題4 分，總分60 分。

〈範例〉題目：拜託你去拿一個小碟子來裝醬油沾菜好嗎？【請回答】

解答：拜託你去拿一隻細碟仔來裝豆油蘸菜好無？

1.他做什麼都想要得第一。【請回答】

2.客家人常用竹籜包粽子、做斗笠。【請回答】

3.嬰兒滿四個月，外婆就會來「收口水」。【請回答】

4.他不諳水性，掉到水裡，手腳拚命掙扎。【請回答】

5.粉刷油漆，要保持空氣流通，才不會中毒。【請回答】

6.他不知道得了什麼病症，醫了快一年還沒醫好。【請回答】

7.叫他別那樣子，他故意要這樣，實在奈何不了他。【請回答】

8.桃園龍潭的花生糖很好吃，許多人買來送禮。【請回答】

9.要努力工作，不可像孤魂野鬼般，到處遊蕩。【請回答】

10.小姑姑很疼我，每次來都買些書跟學用品給我。【請回答】

11.他的錢丟掉，已經欲哭無淚了，你還猛數落他。【請回答】

12.我請你吃晚飯，你請我看電影，兩人彼此扯平。【請回答】

13.爸爸從前做學生的筆記簿，到現在還保管得很好。【請回答】

14.他的腦筋好，不只是會讀書，做事情也很有方法。【請回答】

15.阿旺每天都盼望著想中獎，不肯工作，沒多久，就沒米下鍋了。【請回答】

二、「朗讀測驗」：

〈說明〉本大題總共5 小題，請照題目內个文字，用客家話一字一字朗讀出來。請照提示順序回答。測驗時間：約4 分鐘。單元分數：每小題8 分，總分40分。

〈範例〉題目：(一)增廣昔時賢文

△人貧志短，馬瘦毛長。

△相見易得好，久住難為人。

（一）增廣昔時賢文【請開始讀】

△古人不見今時月，今月曾經照古人。

△流水下灘非有意，白雲出岫本無心。

△深山畢竟藏猛虎，大海終須納細流。

△將相頭頂堪走馬，公侯肚裡好撐船。

（二）詩歌【請開始讀】

△爆竹聲中一歲除，春風送暖入屠蘇；

千門萬戶曈曈日，總把新桃換舊符。

△孔明廟前有老柏，柯如青銅根如石；

霜皮溜雨四十圍，黛色參天二千尺。

（三）諺ngian語【請開始讀】

△立春落雨透清明；一日落雨一日晴。

△清明晴，魚仔上高坪；清明雨，魚仔杈下死。

△黃連雖苦能醫病，芒花雖白難紡紗。

（四）童謠【請開始讀】

△火焰蟲，唧唧蟲，楊梅樹下吊燈籠；

燈籠光，照四方，燈籠暗，跌落崁，

崁下一枚針，拈起來繡觀音。

△上間點火下間光，看個新娘盤嫁妝，

粗布盤來十八籠，幼布盤來十八箱，

扛到老爺面前過，老爺講佢恁多嫁妝。

（五）山歌【請開始讀】

△食妹茶來領妹情，茶杯照影影照人；

連茶帶影吞落肚，一生難忘阿妹情。

△講起山歌[涯]盡多，屋下放有幾十籮；

拿出一籮同妹唱，唱到阿妹做阿婆。

三、看圖講故事：

〈說明〉總共2 題，請先看圖，詳細思考，自由發揮，逐題就會有鈴仔聲提醒，請在聽著鈴仔聲後，用客家話錄音回答。測驗時間：約4 分鐘，共2 題，每題2 分鐘。單元分數：每題20 分，總分40 分。

〈參考回答方式〉

做得在圖片中看出有：哪兜人、麼个人、在麼个時間、麼个所在、用

著麼个東西、做麼个事情、總下个目的係做麼个等等來思考、發表。

第1題：地球笑了veˇ。【請思考後回答，時間2 分鐘】。

第2題：涯ngaiˇ參加客語講古比賽【請思考後回答，時間2 分鐘】。

四、聽力閱讀測驗：

〈說明〉本大題分兩部分。無印出題目，單淨提供答案選項。

測驗時間：約10 分鐘，共15 題。

單元分數：每題4 分，總分60 分。

（一） 1 到10 題，你會聽著一隻題目，每題有四隻答案，請選出最適當个答案號碼，劃記在答案卡項。

試題範例：

（聽）這領短襖著無幾多擺就暴線縫，正經係便宜無好

貨。(考試時只唸題目，不提供文字)

（看）（1）這領短襖雖然便宜，毋過做工忒撮假。

（2）這領短襖正經係便宜又耐著，買來值。

（3）這領短襖任著毋會壞，又便宜又好著。

（4）這領短襖暴線縫哩，愛尋人車好來。

解答範例：



1.（1）日頭下看書，忒晟cangˇ眼。

（2）日頭下看書，目珠會變光。

（3）日頭下毋好看書，會得青光眼。

（4）日頭下看書，目珠會變老花眼。

2.(1) 你舊年在哪位上班？

（2）你這下在哪位食頭路？

（3）你食个月餅係對哪位買个？

（4）若naˊ(你个)頭家一隻月分你幾多錢？

3.（1）老了veˇ吔神智不清，毋係想買這個，就想買該個。

（2）老吔就會失智，行來行去，毋知愛行去哪。

（3）老吔就行動無方便，無小心容易橫東橫西。

（4）老吔就神智毋清楚，毋係這跌就係該ge跌。

4.（1）連等落霜，同阿春嫂種个菜全部凍到爛爛。

（2）連等落霜，阿春嫂將佢種个菜全部煮到熟熟。

（3）連等落霜，同阿春嫂凍到佇du毋著diauˇ，煮兜燒燒个菜來食。

（4）阿春嫂買霜淇淋，加兜deuˊ自家種个菜，打變爛爛个果汁。

5.(1)百貨公司大減價，歸家人去買名牌商品。

（2）百貨公司大減價，大家尖來尖去在該買名牌商品。

（3）百貨公司大減價，歸家人為著買名牌商品相打比背。

（4）百貨公司大減價，􀑓同人相爭買名牌商品，背囊nongˇ分人扡iaˋ傷。

6.（1）鴨嫲maˇ討食，毋知飢giˊ飽。

（2）鴨嫲尋食，毋多知撐忒tedˋ飽。

（3）鴨嫲尋食，毋知愛去哪位尋。

（4）鴨嫲討食，毋知東西有限，會食盡。

7.（1）無米好煮，就煮粥zugˋ較go(過)省。

（2）無米好煮，粥愛煮較(過)醹兜仔。

（3）無米好煮，粥愛煮較(過)鮮兜仔。

（4）無米好煮，煮粥愛算幾多粒米。

8.（1）係錢出得，吾鑊嫲分你敲。

（2）係錢出得，涯ngaiˇ就買隻鑊嫲分你。

（3）較(過)多錢，都買毋著doˋ世間無个東西。

（4）錢係敢出，麼个東西涯都做得讓分你。

9.（1）食臘肉，食到面皮皮，毋知見笑。

（2）白食人个，還坐上橫頭，正經係面皮賁毋知羞。

（3）坐大位个人，面子較(過)大，涯請你，毋使撿giamˋ錢。

（4）臘腸加薄薄个麵皮真好食，坐下來食，毋好驚人笑(㖸)。

10.（1）該ge隻雞胲goiˊ仙个倈lai仔，逐dagˋ個都毋像人。

（2）該隻雞胲仙个倈仔，逐個都無像種。

（3）該隻雞胲仙个倈仔，逐個都虎膦linˋ轟pang天。

（4）該隻雞胲仙个倈仔，逐個都在該賣雞胲goiˊ。

（二）11 到13 題，係一隻題組；14 到15 題，係另外一隻題組；你會聽著一段文章，請記下重點；接等你會聽著一隻題目，每題有四隻答案，請選出最適當个答案號碼，劃記在答案卡項。

試題範例：

（聽）根據醫學研究，人做毋得在當烈ladˋ个日頭下做事做忒久，無斯siiˇ，毋單淨會曬到烏刻kadˋ刻仔，還可能會得著癌ngamˇˇ症。故所，同伯姆講，愛話va阿伯：毋好透當晝zu去巡sunˇ田水；同佢講：毋好試cii著自家當砸zabˋ磳zenˊ，各種怪病斯專門尋這種人喔！(考試時只唸文章，不提供文字)

（聽）阿伯可能做麽个頭路？(考試時只唸題目，不提供文字)

（看）（1）泥水師父。（2）耕田。（3）釘枋biongˊ模mungˇ。（4）醫生。

解答範例：（接下來11到13題係一隻題組，請聽下背个文章同每題个題目後正回答）

11.（1）老人家原本所有个錢。  （2）到老正賺著doˋ个錢。

（3）養老个本錢。         （4）老人年金。

12.（1）兄弟分家後，歇hed在上下屋。（2）兄弟分家後，就變成兩人。（3）兄弟分家後，愛本本做鄰舍。 （4）兄弟分家後，就無兄弟情份。

13.（1）毋識咬囓ngatˋ人。      2）毋識有任im何計較。

（3）毋知有恁多麼个意見。 （4）毋知做麼个會咬來囓去。

（接下來14到15題係一隻題組，請聽下背文章同每題个題目後正回答）

14.（1）紙炮聲。       （2）打屁聲。

（3）開轎門个聲。   （4）綢布扯caˋ裂个聲。

15.（1）家官。         （2）轎kieu夫。

（3）媒人。         （4）小娘姑。__

(二)99年度客語能力認證中級暨中高級考試【筆試】

※請考生定著愛先閱讀考試說明，正來作答。

說明：

壹、筆試題目卷，分做五種題型：第一種係音標測驗，第二種係詞彙測驗，第三種係文義測驗，第四種係篇章結構，第五種係作文。筆試時間80分鐘。

貳、音標測驗个填空題(第1-10題)同作文，請用藍色或者烏色墨水个鋼筆抑係原子筆，寫在答案卷項；其他个測驗題，請將正確个答案，用2B鉛筆劃記在答案卡項。無照規定回答，就無算分數。

參、答案卡劃記注意事項：

一、請用2B鉛筆作答。

二、劃記愛粗、愛烏、愛清楚、毋好劃出格，捽cud愛捽淨，做毋得

立可白抑係其他个修正帶；若係劃記忒輕抑係骯髒無淨，機器無

度辨認，就無算分數。

三、 答案卡愛保持淨俐，做毋得摺著。

※ 考完後，請將「題目卷、答案卷、答案卡」三樣，由監試人員收回，

做毋得帶出考場外。

一、音標測驗：20分

(一)填空題：請將正確个客語語音拼寫出來（請根據教育部最新公布个臺灣客家語拼音方案來標注，只注本調，不注變調），並寫入答案卷項。

共10 題，每題1 分。

試題範例： 臨尾

解答範例：（ limˇ miˊ ）

(二)選擇題：請將正確个答案號碼，劃記在答案卡項。共10 題，每題1 分。

試題範例：

童乩 (1)tung gi (2)tungˇ giˊ(3)dungˇ kiˊ

解答範例：_ _ _

（ 1 ）11.遊覽 (1)iuˇ lam (2)iuˇ(3)lan iuˊ lam

（ 3 ）12.祛把 (1)gia baˋ(2)kia baˇ(3)kia baˋ

（ 2 ）13.癡呆(1)ciiˊ dai (2)ciiˊ ngoiˇ(3)ciiˇ ngoiˇ

（ 3 ）14.木匠 (1)mugˋ jiong (2)mugˋ ziong _mugˋ xiong

（ 1 ）15.心焦(1)ximˊ zeuˊ(2)xinˊ zeuˊ(3)ximˊ zauˊ

（ 2 ）16.硼砂(1)penˇ saˊ(2)pinˇ saˊ(3)pongˇ saˊ

（ 2 ）17.僅可 (1)ginˋ koˋ(2)giunˋ koˋ (3)ginˋ koˇ

（ 3 ）18.貨櫃(1)fo kuiˋ (2)fo gui (3)fo kui

（ 1 ）19.節氣(1)jiedˋ hi (2)giedˋ hi (3)jieˊ hi

（ 2 ）20.翕相(1)hidˋ xiong (2)hibˋ xiong (3)hibˋ qiong

1. 嘴角 （ zoi gogˋ）

2. 秘結 （ bi giedˋ / giadˋ）

3. 煠卵 （ sab lonˋ）

4. 桊針 （ kien / kian ziimˊ）

5. 送庚 （ sung gangˊ）

6. 煞(束)棚 （ sod  pangˇ）

7. 慶腳 （ kiang  giogˋ）

8. 閏月 （ iun  ngied / ngiad）

9. 模範 （ muˇfam）

10.比賽 （ biˋsoi）

二、詞彙測驗：35分

說明：請將正確个答案號碼，劃記在答案卡項。共35 題，每題1 分。

試題範例：

◆往擺：(1)往何處擺(2)裝置藝術的術語(3)昔日(4)往來搖擺。

解答範例：(3)

（2）1.寒毛：(1)腋毛(2)汗毛(3)毛骨悚然(4)寒天穿的毛衣。

（3）2.定疊tiab：(1)疊整齊(2)堆積(3)確定(4)慢慢疊。

（3）3.對析sagˋ：(1)打對折(2)一對物品(3)左右兩半(4)討論分析。

（2）4.且qiaˊ姆：(1)保姆(2)親家母(3)奶奶(4)姨婆。

（4）5.打眼：(1)治療眼疾(2)眼睛受傷(3)眩光(4)醒目。

（3）6.面兜deuˊ兜：(1)面目兇惡(2)面目和善(3)臉圓胖的樣子(4)當面兜售貨品。[嘴]兜deuˊ兜

（1）7.打逆ngiag面：(1)翻臉(2)側面打擊(3)打擊敵方(4)逆向而行。

（2）8.罅la無底：(1)破裂損毀(2)超出能力範圍(3)無底洞(4)不滿足。

（2）9.一踢三通：(1)清除瘀血(2)舉一反三(3)速戰速決(4)拳打腳踢。

（2）10.挷bangˊ後：(1)拉拔(2)延後(3)背後(4)殿後。

（4）11.日見日：(1)明天見(2)日積月累(3)日光強烈(4)日復一日。

（2）12.後斗：(1)米斗(2)屁股(3)戽斗(4)後腦勺。

（4）13.無才調：(1)沒天份(2)沒情調(3)被降調(4)沒本事。

（1）14.毋自然：(1)有病(2)天然(3)違背自然(4)不接觸自然。

（3）15.橫vang下來：(1)橫放(2)橫走下來(3)倒下(4)橫行霸道。

（3）16.躁cau躁轉：(1)心情暴躁(2)轉動很快(3)繁忙(4)激gidˋ動。

（1）17.話霸ba：(1)藉口(2)辯論(3)說大話(4)說話兇惡。

（1）18.泥肉：(1)可種植的土壤(2)肉醬(3)深層的泥土(4)泥漿。

（3）19.輕可：(1)可慢慢起飛(2)可輕易拋棄(3)輕微容易(4)清楚完整。

（4）20.趕燒趕熱：(1)感冒發燒(2)趁熱吃(3)大太陽下趕路(4)打鐵趁熱。

（3）21.撿錢：(1)遺失錢了(2)撿到錢了(3)付錢或收錢(4)欠錢不還。

（3）22.批piˊ人：(1)一批人(2)批評人(3)佔人便宜(4)排隊等人。

（1）23.刻kadˋ人：(1)罵人(2)打人(3)奉承人(4)雕刻人像。

（2）24.目睡鳥：(1)愛睡的小鳥(2)瞌睡蟲(3)啄木鳥(4)貓頭鷹。

（4）25.無目(眼)水：(1)小心眼(2)沒淚水(3)小氣鬼(4)沒眼光。

（2）26.兩子阿公：(1)父子倆(2)祖孫倆(3)兩位老公公(4)帶著兩位孫子。

（4）27.天狗食月：(1)狗吃月餅(2)狗吠月亮(3)弦月(4)月蝕。

（1）28.打暗摸moˊ：(1)摸黑行動(2)打翻東西(3)偷偷摸摸(4)三更半夜。

（3）29.打孔翹：(1)樹倒下來了(2)鑽了一個洞(3)傾倒的樣子(4)翹辮子。

（3）30.搶食胲goiˊ：(1)脖子(2)喉嚨(3)喉結(4)搶吃東西。

（1）31.老人衫：(1)壽衣(2)舊衣服(3)古代的衣服(4)老人家穿的衣服。

（2）32.攝錢：(1)偷偷用錢(2)偷偷藏錢(3)塞錢給父母(4)塞錢給小孩。

（3）33.翻牙倒齒：(1)牙周病(2)齒列不整(3)說話翻來覆去(4)說話滔滔不絕。[寅iˇ時卯mauˊ時],[鑿cog空kangˊ鬥(湊)deu榫sunˋ]

（4）34.鑿空鬥榫：(1)互相攻擊(2)聲東擊西(3)互不相讓(4)互相勾結。

（2）35.寅時卯時：(1)天干地支(2)隨時(3)早上3 到7 點(4)時辰推移。

三、文義測驗：20分

說明：請詳細看完各題个文章，對題後所附个參考詞彙，選出適當个號碼，將答案劃記在答案卡項。本大題共20 隻空格，每格1 分，共20 分。

試題範例：

◆、自古以來，客家人大體在山肚發展，對於大海，（甲）就較生疏；故所，客家人對魚類个了解也毋mˇ多，尤其係海魚，喊得meˋ出名仔个無幾多種。在客家人个（乙）肚項，魚類料理大體係陂biˊ塘肚畜个淡水魚，無就係河壩魚。下把仔買著一尾仔（丙）轉來，細人仔就會食到（丁）好飽。就像老古人講个：「窮人毋知死，買魚食了米。」毋係me客家人毋好食魚仔，係因為生活環境个關係，交通毋便利，哪nai得著有海魚好食？（答題參考詞彙）

(1)三不二時 (2)食雜 (3)毋知 (4)炒肉 (5)萋qiˊ魚 (6)耐毋得 (7)足足 (8)一溜里來  [萋qiˊ魚：新鮮魚]

解答範例：

(甲)：(8),  (乙)：(2),  (丙)：(5),  (丁)：(3) 。

1.阿義哥生來有一滴（甲），又無幾肥，見堵duˇ著doˋ人，長透笑頭笑面，笑咪咪(微miˊ)仔同人相借問。佢一生senˊ人盡（乙），有閒就去尞liau，從來毋識同人冤家。毋過，討一個餔buˊ娘(姐jiaˋ仔)實在有（丙），性體又無幾好，盡少有人敢去惹ngiaˋ佢。大家就試cii著還奇怪？佢兩公婆仰會恁（丁），從來無聽過佢相吵，兩個大細全部研究所畢業，也有好頭路，這就怕係俗語講个：「姻緣係前生註定

个」！

（答題參考詞彙）(1)瘦夾夾 (2)武頓車槌 (3)靚膩ne膩 (4)樂線 (5)省儉 (6)鬥搭 (7)慶kiang腳 (8)肥儡de肥儡

答案： 甲（8） 乙（4） 丙（7） 丁（6）

2.王家有兩兄弟，大哥有財無丁，老弟有丁無財。有人對大哥講：「你恁多錢有麼个用，翻轉身試看啊，（甲）有人無？」佢聽著有理，想同厥老弟分一個來做倈仔。厥老弟滿口應承siinˇ，講：「六個當中由在你選。」大哥就辦桌請佢兜，想在酒席上來擇。該兜姪仔想分阿伯做倈lai仔个，全部當（乙），只有第三該ge個，（丙）連齕fud至齕，全無細se義，厥giaˊ伯就選定這個。老弟問佢看中哪nai點，佢講：「第三仔me食肉，嘴肚一垤(塊)吂mangˇ食忒，碗項又挾便一垤(塊)，目珠還盯dangˊ等雞肉盤，這下二擺一定會（丁）！」

（答題參考詞彙）

(1)賺身家(2)屋下(3)拘禮(4)風神身後(5)頭擂擂(6)無大無細(7)頭臥ngo臥

答案： 甲（5） 乙（3） 丙（6） 丁（1）

3.涯ngaiˇ一家三代就非常好（甲），不管薛仁貴征東抑iaˊ係薛丁山征西，三國演義抑係楊家將，一遍又一遍，（乙）。記得有一擺，街項做鬧熱，暗晡頭廟前（丙），涯同吾公、吾爸三儕，一直看到煞sod臺，嗄赴fu毋著尾枋車，高不將行啊轉(歸)，堵duˋ堵無月光，（丁）一路罅la等轉(歸)，轉(歸)到屋下強強會轉點吔！

（答題參考詞彙）

(1)看戲 (2)聽曲  (3)暗摸胥xiˇ疏soˇ (4)目睡摸些 (5)做大戲 (6)看到懶磬qinˋ磬(7)變把戲  (8)看毋會懶

答案： 甲（1） 乙（8） 丙（5） 丁（3）

4.阿坤哥還細个時節，屋下盡苦，厥giaˊ爺哀oiˊ無耕田，也無（甲)就靠平常做兜零工。（乙），兩公婆同人㧡kaiˊ秧、蒔sii田、割禾，賺多少工錢，糴tiau兜仔米，留一滴仔做（丙）。平常時，兩公婆就在無人愛个石頭埔仔，改來種幾壟番薯，屋脣仔種幾廂xiongˊ菜；（丁），厥爸也會去同人賒甘蔗、果子去賣，一家五個人就恁仔過日仔。

(答題參考詞彙)

(1)當家 (2)下把仔 (3)清明時節  (4)食頭路 (5)緊工時節  (6老本(7)下二擺  (8)所(瑣)soˋ費

答案： 甲（4） 乙（5） 丙（8） 丁（2）

5. 阿亮哥小學畢業後，去新竹一間大藥行學師、（甲）。第二年寒假，大家約好去母校開（乙），同學見面非常歡喜，各人講出一年來个發展，有人學（丙），有人學木匠，有人學整自行車仔，也有兜人去書房讀漢書，就佢一儕saˇ去到大城市學賣漢藥。佢講佢逐dagˋ日拿藥仔、認藥名，到這下，毋單淨記欸ieˋ得幾下百種藥名，就係（丁）鼻著藥羴，乜maˊ分得出這係麼个藥仔，想起來實在無簡單，這毋單愛有天分，也愛自家肯學。

(答題參考詞彙）

(1)同學會 (2)運動會 (3)做藥童(4)目眨sabˋ眨 (5)當生趣 (6)做承勞 (7)手扡iaˋ扡  (8)剃頭

答案： 甲（3） 乙（1） 丙（8） 丁（4）

四、篇章結構：10分

說明：本項測驗係請你完成意義完整个短文。共有兩篇短文，每篇下背都有句仔，總共10 隻空格；請選擇適當个句仔題號，將答案劃記在答

案卡項。每格1 分，總共10 分。

試題範例：

(一)頭擺有一座伯公廟，儕儕都講伯公伯婆當靈顯。有一日，有四個人（1）。第一個講：「伯公伯婆，求你保護天光朝晨落雨，涯種个麥仔就毋使淋。」第二個講：「伯公伯婆，你愛保護天光朝晨好天，（2）。」第三個講：「伯公啊，你保護天光朝晨吹南風，（3）。」還一個遽giagˋ遽講：「做毋得，天光日吾个船仔愛駛向南，愛吹北風！」伯公聽著頭那naˇ痛，（4），愛仰般辦正zang好呢？伯婆講：「毋使愁seuˇ，涯來辦！」佢就講：「夜裡落雨日裡晴，

（5）；上晝南風下晝北，四副豬頭涯愛得！」

(1)涯愛曬魚脯puˋ仔   (2)魚脯會燥zauˊ麥會生

(3)同時去求伯公 (4)涯愛駛帆船順南

(5)今該愛仰ngiong結gadˋ煞sadˋ

解答範例：

(1) ：[3] ,(2) ：[1], (3) ：[4], (4) ：[5], (5) ：[2] 。

(二)、臨天光仔，第一枋biongˊ下南个火車駛來，（1）。這時，車頭面前細細仔个廣場，尤其係熱天，㧡等各式各樣山產个村民，從四片析saqˋ偎來，（2），尖來尖去，唩唩喊喊，一片人聲。喊價剁doq價聲、磅秤喝咄聲、學生个相逐吵鬧聲，恬diamˊ靜優美个山村，（3）。過半點零鐘，跈tenˇ等上北个火車一發行，載走吔生理人、學生仔，也（4），留下一片个恬靜。朝晨个日頭，堵堵東昇，（5），狹極个山坑hangˊ細壢lagˇ小平地，一時曬到滿(一)哪仔就金那na那个晟cangˇ眼日光。

(1)一下嗄變出短時間鬧熱个景象

(2)載來收山產个生理人

(3)載走吔一時鬧熱个場面

(4)過無幾時

(5)早早就掖ie麻掖米

答案： 1.（2） 2.（5） 3.（1） 4.（3） 5.（4）

(三)、趙王同王子期學駛馬車，（6），就同佢比賽。趙王換過三擺baiˋ馬，三擺都落後。趙王就講：「你教涯駛馬車，（7）。」王子期回答講：「本事全都傳分你吔neˇ啊，係你自家用毋著位啊！大凡駛馬車，盡重要个係愛分馬个身體（8），駛車个人愛全神貫注到這條馬，（9），達到目的。今晡buˊ日大王在落後个時節，就一心想愛逐giugˋ過涯，在吾ngaˊ頭前个時節，又驚涯逐過你。毋過駛車比賽這件事，毋係超到頭前，就係跌到後背，啊你（10），心事全都用在吾个身上，哪還有心去調節該馬呢？這就係你失敗个道理啊。」

(6)無論超前抑係落後過(7)無幾久(8)無將真本事傳分涯

(9)恁仔正做得駛遽giagˋ

(10)好勢se來拖車

答案：6.（7） 7.（8） 8.（10） 9.（9） 10.（6）

五、作文：15分

題目：客莊節慶

提示：客家莊頭逐年都有節日慶典，請你將參加个經驗或者體會寫出來。

說明：請在答案卷格線內，用客語寫一篇150字以上个文章。做毋得用詩歌或者打油詩个文體寫作，無就毋算分。
===[客家(四縣)白話語文文法研究(一~八完)=====
◆爺娘◇演唱：Lily Wu演唱(4：14分)→ https://www.youtube.com/watch?v=FG-R9QTIY1E&t=1s